2 Kokoano 5:19 - Ma Jou ai Demo-demo o Totobelohoka

¹⁹ De o Elisa wipaluhu, wato, “Marai nolio dika, de Ma Jou ani hininga mata-mata wohioriki ho tonganono la noiki de ani hininga duru de ma riidoka.” Hokogea yomakoketemo ibooto de yomahiketehilooa de ahao o Naamana de ai nyawa ona yosobo yolio o Arama ma tonakika.

2 Kokoano 5:19 ပူးပေါင်းရင်းမြစ်များ

Dodadi 35:16

De o Beteloka gea yosobo masara o ngo Rahele de ami badangoka abe ami dodubuhoka. Manga dumutu o Efaraata masara ka manga gurutikahi de o ngo Rahele ami gahe adonoka momagerewoto de ami kangela ilamokoholi.

Huhupu 4:18

Ho o Musa wolio ai toroa o Jitorika de womahidemo ai toroaika wato, “Toroa ngohi togahoko la nohihigunoa la toikohi ahi gogianongoru tatutumohi o Mesiiroka, mode naga ahi gogianongoru doka ka yowangohi.” Hokogea wogahoko de ai toroa o Jitoro wato, “Ka idadi, ngini niloiki dika ma iti nimahidodiai.”

Maruku 5:34

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Lukasa 7:50

De ahao o Yesusu wotemoli ma ngofekaika gea wato, “To ngona ani ngongaku iniduhunoka ani howo-howonino, ho naa ngona ka idadi nolio dika ani tauika de ani hininga de ma riidoka.”

Lukasa 8:48

De o Yesusu womitemo munangika wato, “Ngohi ora, ma titi ani ngongakuino hiadono naa ngona notogumoka. Ho ngaro ka nolio de ani hininga ma miriidi.”

Yohanese 16:12

De o Yesusu wahingahuohi ona iwitobaniikika wato, “Naga ma ngoeohi toigo tinihingahu masara ma oraha naa ko niapoauahi.

1 Korintusu 3:2

De nako tohiketero ahi dodotoko de o inomo, ma oraha gea de tinihitoofo ka de o huhu ma teongohi dika abe ko idadiuahi ngohi tinihitoofo de o inomo ma dodogowini angamoi gea ngini ko niakunuahi niaolomo ma oraha gea. Masara, hiokoo, angamoi ngaro hiadono ma oraha naa naga ma ngini ka niakunuahi gea,

1 Samuele 1:17

De o Eli wopaluhu wato, “Nako gea ngona naa ka idadi nolio de ani hininga iriidi. De angamoi o Isiraele ma nyawa nanga Jou ahao wonihidoaka ena gea abe ngona nomagahoko Unangino.” Hokogea womilaru o ngo Hanaika.

1 Samuele 25:35

De wotemo ipaha de o Dautu wosanangi wodafongo to muna ami hidoaka gea de womihingahu wato, “Ngona nolio dika de ani hininga ma goguwini. Angamoi ngohi tonihigihene ani demoino de tomodeke, ho ko tahohonenguali ani rokata de ai nyawaika.”