2 Kokoano 5:14 - Ma Jou ai Demo-demo o Totobelohoka

¹⁴ Hokogea ona iwihigaro de ahao o Naamana ai hininga waturuuru ho woiki o Yorodani ma akerika de wouti de wotumunu ma akeruku ma tumidi abe hoka Ma Jou ai uru ma dodofanga wihingahu kiani wodiai. De ka de wotumunu ma tumidi de wopudali de ai roehe duru irahaioka abe imaketero hoka o ngofaka ma etetekoli manga roehe ma rahai angamoi ai pado duru iaikoka.

2 Kokoano 5:14 ပူးပေါင်းရင်းမြစ်များ

1 Kokoano 17:16

De gea angamoi ami tarigu ma botoka gea ko imataua de ami saitunu ma minya ma botoka enangoo ko imataua duru imaketero abe hoka Ma Jou o Yawe ai behehongo onangika abe wihiakunu ai uru ma dodofanga o Eliaika la womihingahu munangika.

2 Kokoano 4:35

De o Elisa womomiki de waika waino o kamara ma goronaka ma muruono de ahao womamotumoli o ngofaka ai badanguku imaketero hoka kanganoinoli. De itodokanino o ngofaka gea wohorene ma tumidi de ai lako wafelanga.

2 Kokoano 5:10

Masara o Elisa wihidingoto ai gilaongo dika la witemo o Naamanika. De o Elisa ai hingahu wadofanga unangika hokonaa, wato, “Naamana, kiani noiki doka o Yorodani ma akerika de nomaohiki ma tumidi o akeroka gea. Ka de ma tumidi nomaohiki ibooto de ahao ani kai ilio hoka ma dihirali abe ani pado itogumoka ho ani kai duru iofioka.”

2 Tawari 20:20

Ho ma dawangeino duru o ngoru-ngorumino o Yehuda ma nyawa manga ngoe yomakiniiki de manga tentara de yokokisobo yoiki o Tekoa ma tonaka ma kakaahaika. De ahao o Yosafata womatogumu de waboaka ona mata-mataika, wato, “Ahi gogianongoru abe nigogere o Yerusaleeme ma kota ma goronaka de o Yehuda ma tonaka mata-mataika, ahi demo naa ngini mata-mata nitotoihene! Kiani ngone mata-mata duru hingaku nanga Jouika, Ma Jou o Yaweika! De ahao nanga ngongakuino de ka idadi hakokimake nanga buturungu la duru homatongohono. De kiani hangaku Ma Jou o Yawe ai uru ma dodofangikaoo de ahao ngone hamake o lolaku abe duru de ma hasiloka.”

Huhupu 4:7

De Ma Jou wihulokoli wato, “Ho naa nohingohamoli ani giama gea.” De o Musa wihingounoli ho wohingohamoli masara ka de ai giama wohihupuoli de abeika, ai pado ko iwaka ho ka ihira-hirali ai giama.

Sosawaro 9:9

Ho irahai niadotoko onangika abe yososawaro angamoi de ahao utuohi yaniiki itiai o sosawaro manga wowangoka. De ma oraha niadotoko o totiai ma nyawa de manga tobahioriki utuohi ilamoko yamake manga wowangoka.

Lukasa 4:27

“De hokogenangoo abe ma dihira ma oraha o Elisa wileleani Ma Jouika, abe unangikaoo ikuranga iwihoromati o Isiraele ma nyawa. De ma oraha gea de naga manga ngoe o Isiraele ma nyawa yapado-pado, masara o Elisa ko wahitogumua onangika gea. Ma nako o Siria ma nyawa ai romanga o Naamana abe iwipado, unangika dika o Elisa wihitogumu ai panyakeino.” Hokogea o Yesusu ai demo onangika.

Lukasa 5:13

De o Yesusu wisoika unangika de witemo wato, “Ngohi tomodeke, ho naa notogumoka!” De ka de wotemoka de ka itodokanino to una ai pado iaikoka ho wotogumoka.

Yohanese 2:5

Ho ngoi meme mahingahu onangika abe yoleleani o rame-rameoka gea mato, “O kia dika o Yesusu winihuloko la nidiai, gea ngini nidiai.”

Titusu 2:14

Abe Una gea womahidoaka la ka idadi wonahihohe nanga howono ma kuahaino de wonahitebini nanga wowango. De ai datorino gea de wonatingaka Unangino la hiadono hodadi to Una ma hirete ai nyawa, de Una woigo wato ngone duru inamagawe hotobadiai ma rorahai dika. Ho mangale ma titi ai hininga ma owa gea ngoneino ho hiadono ngone mata-mata kiani nanga wowango hao itiai ma oraha naa de ka hiadono nanga Baluhu ai gahe ma wange adonoka.

Yosua 6:4

De nia hohidemo, abe inihidemo Ngohino, nahiaturu la onangoo yaniiki nia tentara o wange-wangeiye ma oraha o Yeriko ma kota yakiloliti. Abe ona utu yamoku to Ngohi Ma Jou o Yawe ahi Behehongo ma Peti de naga yatumidoli abe yahihira-hira ona abe yamoku ahi Behehongo ma Peti. De o hohidemo yatumidi abe yohira ona gea homoi-homoiika yasoino manga guguli o domba ma tatadukino. Hokogea o wange butaanga ma dekana ona de ti ngini nia tentara o Yeriko ma kota niakiloliti o wange moi ma moi dika. Masara ahao o wange ma tumidoka de kiani niakiloliti ma tumidino. De ma oraha gea nia hohidemo yatumidi gea ka ihikaika yawuwu manga guguli manga dodagioka.