2 Kokoano 5:10 - Ma Jou ai Demo-demo o Totobelohoka

¹⁰ Masara o Elisa wihidingoto ai gilaongo dika la witemo o Naamanika. De o Elisa ai hingahu wadofanga unangika hokonaa, wato, “Naamana, kiani noiki doka o Yorodani ma akerika de nomaohiki ma tumidi o akeroka gea. Ka de ma tumidi nomaohiki ibooto de ahao ani kai ilio hoka ma dihirali abe ani pado itogumoka ho ani kai duru iofioka.”

2 Kokoano 5:10 ပူးပေါင်းရင်းမြစ်များ

2 Kokoano 2:21

De ma bokolo iwihidoaka o Elisaika de ahao una woiki ma ngiika abe manga akere ibubungiye de ma gahi gea wakopoa ma akeruku. Ka de ma gahi wakopoa hokogea de wotemo wato, “Hokonaa Ma Jou o Yawe ai hingahu nginika, wato, ‘O akere ma dorou nenanga idadioka o akere ma rorahai. Ko idadiokaua o nyawa yohonenge eko o ngo-ngofeka yokilianga ma titi o akere naa. De ngaro nia redi ma tonaka ma, o akere naa ihikutufuru de nia datomo ko ihikangelakaua hiadono ko ihasilua.’” Hokogea o Elisa wodiai o heheranga de Ma Jou ai kuaha.

2 Kokoano 3:16

Iwilufungu de ahao una wotemo wato, “Hokonaa Ma Jou o Yawe ai demo nginika, Una wato, ‘O tonaka ma dolaka naa abe ko iwa o akere nenangoka de ngini kiani niobaiti o wairi / luhungu ma ngoe.

2 Kokoano 4:35

De o Elisa womomiki de waika waino o kamara ma goronaka ma muruono de ahao womamotumoli o ngofaka ai badanguku imaketero hoka kanganoinoli. De itodokanino o ngofaka gea wohorene ma tumidi de ai lako wafelanga.

2 Kokoano 4:41

De o Elisa wato, “O tarigu nohileino!” De ahao ma tarigu gea woderero manga inomuku o manyila ma amo-amokuku de ahao wotemoli, wato, “Naa idadioka haolomo de ko inapadohakaua.” De ahao ona ma inomo gea yokokiolomo de ko yapadohakaua.

2 Kokoano 5:11

Masara o Elisa ai behehongo gea o Naamana woihene de duru wongamo de duru womakode wolio ai poretoko de wato, “De ngohi tato bote Ma Jou ai uru ma dodofanga gea ahao wohupu wohitutumu! De iti una de ai giama wohikelu-kelu la daku ahi pado ma nabo-nabo ma lokuino de womagahoko de Ma Jou o Yawe ai romanga la to una ai Jou gea wohihitogumu!

2 Kokoano 5:14

Hokogea ona iwihigaro de ahao o Naamana ai hininga waturuuru ho woiki o Yorodani ma akerika de wouti de wotumunu ma akeruku ma tumidi abe hoka Ma Jou ai uru ma dodofanga wihingahu kiani wodiai. De ka de wotumunu ma tumidi de wopudali de ai roehe duru irahaioka abe imaketero hoka o ngofaka ma etetekoli manga roehe ma rahai angamoi ai pado duru iaikoka.

2 Kokoano 5:9

Ho o Naamana woiki una de ai dodiawo mata-mata abe iwiniiki de naga manga kuda de manga goroba ma ngoe. De ahao yoboa o Elisa ai tauino de o Naamana widodamaa ai tau ma ngoranoka abe doka ai hiningaka womatemo, wato, “Marai una gea bootino Ma Jou ai uru ma dodofanga wohupu wohiduhunu.”

Huhupu 4:18

Ho o Musa wolio ai toroa o Jitorika de womahidemo ai toroaika wato, “Toroa ngohi togahoko la nohihigunoa la toikohi ahi gogianongoru tatutumohi o Mesiiroka, mode naga ahi gogianongoru doka ka yowangohi.” Hokogea wogahoko de ai toroa o Jitoro wato, “Ka idadi, ngini niloiki dika ma iti nimahidodiai.”

Gogao 16:14

Gea o Harunu wodiai ibooto de ahao wohupu wogilio o Huhuba iharo-harongo ma ngiika de ai huhuba o hapi ma awunu wale de wowohamoli o Debi-debini ma Ngiika abe Ngohi tomadingakino. De naa o Harunu ai hagaraara ma dekara watonouku o hapi ma awunuku de wodopopoto daku o Hikadame ma Ngi ma himangoka de ahao wodopopotoli ma tumidino dau o Behehongo ma Peti ma pahagika abe ma himangoka.”

Gogao 16:19

De ahao o Harunu ai hagaraara watonouku o awunuku gea de wodopopoto ma tumidino o huhuba iharo-harongo ma ngi ma lokuika. De hokogea kiani o Harunu wodiai la o huhuba ma ngi gea wohitebini o Isiraele ma nyawa manga wowango ma datoro ma pesekino la ma huhuba ma ngi idadiokali ma debi-debini abe hoka ma dihirali.” Hokogea Ma Jou ai behehongo o Musaika abe kiani una wadofanga o Harunu ai riakika angamoi o Harunu wodadioka manga hidemo wokokurutiye la wahidemo o Isiraele ma nyawa Ma Jou o Yaweika.

Yohanese 9:7

Gea o Yesusu wodiai ibooto de ahao wihuloko worafi-rafika gea wato, “Naa noiki o Siloama ma taagaika de nomamahau o akeruku gea.” Abe ma romanga o Siloama nako to ona manga demo gea ma titi o hidingoto. Hokogea o Yesusu wihuloko de o rafi-rafi gea wihingounu ho woiki o Siloama ma taagaika. Ka de womamahau de womahiorikoka ho wolio ai tauika.

1 Korintusu 6:11

De ma dihira ngini utu hokogea nia wowango, masara naga ma moiuku de ngini iniohikoka de inihitebinoka. De gea ma oraha abe inihitotiaioka de nanga Baluhu o Yesusu Kristusu ai romanga de Ma Jou o Womaha ai kuahaino. Ho naa ngaro ufa nianiikohi nia wowango ma hira gea.

Yosua 6:4

De nia hohidemo, abe inihidemo Ngohino, nahiaturu la onangoo yaniiki nia tentara o wange-wangeiye ma oraha o Yeriko ma kota yakiloliti. Abe ona utu yamoku to Ngohi Ma Jou o Yawe ahi Behehongo ma Peti de naga yatumidoli abe yahihira-hira ona abe yamoku ahi Behehongo ma Peti. De o hohidemo yatumidi abe yohira ona gea homoi-homoiika yasoino manga guguli o domba ma tatadukino. Hokogea o wange butaanga ma dekana ona de ti ngini nia tentara o Yeriko ma kota niakiloliti o wange moi ma moi dika. Masara ahao o wange ma tumidoka de kiani niakiloliti ma tumidino. De ma oraha gea nia hohidemo yatumidi gea ka ihikaika yawuwu manga guguli manga dodagioka.