2 Kokoano 4:6 - Ma Jou ai Demo-demo o Totobelohoka

⁶ Ho ko itedekanua de o boto mata-mata gea manga meme makokiomangoka moguhe de o saitunu ma minya gea! De ahao muna mahuloko onangika mato, “O boto moiohi nihihupu!” Masara yopaluhu ato, “Meme, ko iwaka ma boto!” Ka de hokogea de ami saitunu ma minya ko iuihokaua.

2 Kokoano 4:6 ပူးပေါင်းရင်းမြစ်များ

1 Kokoano 17:14

De angamoi hokonaa o Isiraele ma nyawa manga Jou, Ma Jou o Yawe, ai behehongo ngonaika, wato, ‘Abe naga ani tarigu nagogonika ani boto ma goronaka ena gea ko imataua de ani saitunu ma minya enangoo ko imataua ka hiadono ma oraha gea Ma Jou o Yawe o awana wapuraraholi nanga tonakoka naa.’ Hokogea Ma Jou ai behehongo ngonaika.”

2 Kokoano 13:19

Masara ka de o Yoasa wohiboha ma hihiipi gea o tonakuku ibooto de o Elisa wingamo unangika, wato, “Ngona nahowonoka! Tanu irahai nako ngona ma hihiipi gea nohiboha ma motoa eko ma butaanga! Abe nako hokogea nohiboha de ahao o Arama ma nyawa manga tentara mata-mata nahikala ka hiadono ngade-ngade namataka, masara naa angamoi ma hange dika nohiboha ho ma hangeino dika nolaku.” Hokogea o Elisa wagou-goungu abe wohioriki abe ahao idadi.

2 Kokoano 4:5

Ho muna moiki de maniiki duru imaketero abe hoka o Elisa womihibehehongoka. De ahao ami ngofaka imidotakino o boto homoi-homoi ihikokawalimi.

Matiusu 13:58

Ho o Yesusu ai kapongoka gea de hatoli ko iwa manga ngongaku Unangika, ho ko wodiaiua o heheranga genangoka, bowahu naga o nyawa yamuruono naga dika abe o heheranga wodiai la waduhunu onangika.

Matiusu 14:20

De ona mata-mata yolomo ka hiadono yakokipunuhoka. De yolomo ibooto de ahao o roti ma hou de o nawoko ma hou yagorakino iwinii-niiki gea de yonoa o tupauku. De gea yonoa hiadono o tupa ngimoi de hinooto aomangiye de manga inomo ma hou-hou.

Matiusu 15:37

De o nyawa ko manga ngoe gea ona mata-mata yokokiolomo ka hiadono yakokipunuhoka. Ho ka de yolomo ibooto de ahao o inomo ma hou yagorakino de o tupa ma ago-agomo naga ma gahumu tumidi aomangiye de manga inomo ma hou.

Matiusu 9:29

De ahao Una waso to ona manga lakoika de wotemo wato, “Mangale ma titi ti ngini nia ngongakuino ho gea hiadono nitogumoka.”

Lukasa 6:19

De o nyawa mata-mata gea manga hininga la ato iwiso Unangika, angamoi naga ai kuaha Unangoka de aino itagi o nyawaika la yahitogumu onangika. De ona mata-mata o Yesusu wahikokitogumoka.

Yohanese 6:12

Ho naa yakokipunuhoka de o Yesusu wahulokoli iwitobaniikika wato, “Kiani o roti ma bela-belaka ma hou gea niagorakiye la ufa hiadono o inomo gea parahaja.”

Yosua 5:12

De duru o wange gea de o mana ko ipurarahokaua onanguku de genangoka de aino o Isiraele ma nyawa ko yaolomokaua o manaino. Ho de o taongo ma hungi gea de to ona manga inomo o Kanani ma tonakino ma hasili ho ka ihikaika enangoli dika yaolomo.