2 Kokoano 4:40 - Ma Jou ai Demo-demo o Totobelohoka

⁴⁰ Masara ka de ona yomulaenge manga inomo gea yaolomo ngaro ka ma hohutulu dika de ihioriki yapadoha de yopoaka o Elisaika, ato, “Mia baluhu, Ma Jou ai uru ma dodofanga, o inomo naa o padoha!” Ho ona ko yaolomokaua.

2 Kokoano 4:40 ပူးပေါင်းရင်းမြစ်များ

Dodadi 25:29

De ma moiuku o Yakubu womahakai o bosi ma doka-dokara de ai riaka o Esau woboa o tonaka ma gupaino de ko watomaua ho duru iwihafini.

1 Kokoano 17:18

De muna duru mohuha ho mileha o Eliaika de ami huha ma demo, mato, “Abeika ngona naa Ma Jou ai uru ma dodofanga ho done hokonaa abe ngona noboaino la nohihidumutu abe ngohi ahi howono de hiadono nato ahi ngofaka naa nihohonenge, eko sarakia?” Hokogea ngoi meme motemo.

2 Kokoano 1:11

De ipaha ma koano woihene hokokia idadi de ahao wahidingoto ai tentara ma nyawa yamoritoali de to onangoli manga hidimono womatengo. De ma hidimono gea unangoo witemo o Eliaika de ai demo imaketero dika de una wohira-hira abe wato, “Ngona naa abe nodadi Ma Jou ai uru ma dodofanga, nanga koano wonihuloko la noutiuku de homakiniiki hoiki unangika.”

2 Kokoano 1:13

De ipaha ma koano woihene hokokia idadi de ahao ma moioli wahidingoto ai tentara ma nyawa yamoritoali de to onangoli manga hidimono womatengo. Masara ma hidimono gea ma oraha wiadono o Eliaino de womatilabukuku ai himangoka de womagahoko o Elia ai hininga ma dora ma hiokoo. Abe wotemo wato, “Ngona abe nodadi Ma Jou ai uru ma dodofanga, ngohi naa tomagahoko la napake ani hininga ma dora ngohino de ahi nyawa yamoritoaino naa abe ona hoka to ngona ani duduhunu.

2 Kokoano 1:9

De ahao ma koano o Ahasia wahidingoto ai tentara ma nyawa yamoritoa de manga hidimono womatengo la ona yoiki o Eliaika de iwile la ka idadi yomarihimanga o Elia de ma koano. De iwiadono de ma hidimono woboa o Elia ai himangino ma oraha wogogeruku o loku moi ma tubuoka. De witemo o Eliaika wato, “Ngona naa abe nodadi Ma Jou ai uru ma dodofanga, nanga koano wonihuloko la noutiuku de homakiniiki hoiki unangika.”

2 Kokoano 4:39

De naga womatengo manga doomuoka o Elisa ai gilaongo gea widuhunu de o inomo, ho una woiki ma hoanika la walingiri o gauku abe ka idadi yaolomo. De una wamake o gumi-gumini o fara moi abe de ma hofoko ma rupa hoka o walu ma eteteke ho ai baju ma barene watupukuriye wohiluluino la ma hofoko gea wodofi ai bajuku hiadono aomanga. De ahao wolio manga ukuika de ma hofoko gea wakori ma manyilauku de una ko wohiorikua o gumini ma hofoko gea o padoha.

2 Kokoano 4:9

De ipaha muna ami hininga mihingahu ami rokatika, mato, “Ngohi tato una gea abe ma moi ma moi womidulu marai una o nauru abe ai wowango womadingakoka Ma Jouika.

Huhupu 10:17

Ho naa togahoko la ahi howono naa niaofi de nihiniata nia Jou o Yaweika la o hohowono abe ngade-ngade inahohonenge naa wagorakoka ngohino. O kabotara naa imihiwederoka ngomi ho kiani duru nimigahoko!” Hokogea o Firaunu ai toduba ma demo o Musa de o Harunika.

Huhupu 15:23

De gea yomahiadonika o ngi moi ma romanga o Mali abe genangoka naga o akere ibubungiye masara duru kohamali ma akere hiadono ngaro manga ngomaha yodudungoka masara ko idadiua o akere gea yaokere angamoi kohamali. De gea ma titi hiadono nako to ona manga demo o akere gea ihiromanga, “o Mara” angamoi gea ma titi imali.

Maruku 16:18

De nagali abe ngaro o dodiha yagoraka eko o akere yarasonguku de yaokere, ma ko yadodoaua. De onangoka naga manga dodunguu moioli, abe nako naga o nyawa yopopanyakeuku de ihingaku-ngaku yafokumu onangika de ona gea ahao yakunu yahitogumu manga popanyakeino.” Hokogea o Yesusu ai behehongo iwinii-niikika.

Higalioli 33:1

Masara ko wopahauahi de Ma Jou ai uru ma dodofanga o Musa wahiowa o Isiraele ma nyawaika. De hokonaa to una ai hiowa ma demo onangika, wato,