2 Kokoano 4:4 - Ma Jou ai Demo-demo o Totobelohoka

⁴ De ahao ma boto mata-mata gea ngona de ani ngofa-ngofaka niao nia tau ma goronaika. De ka de nihingohama ibooto de ahao ani tau ma ngorana natatokoka. De ahao ngona nale ani saitunu ma minya o boto moi gea de noguhe ma boto homoi-homoiuku hiadono yokokiomanga. Ho ka de o boto moi iomanga de ani ngofaka yagoraka de yatingaka de ahao o boto moioli yakelengali de enangoo noguheoli hiadono enangoo iomanga. De hokogea nikarajaanga ka hiadono nia boto mata-mataika yakokiomangoka.” Hokogea o Elisa womihibehehongo modiai.

2 Kokoano 4:4 ပူးပေါင်းရင်းမြစ်များ

2 Kokoano 4:3

De o Elisa womihibehehongo, wato, “Ngona noiki ani dodiawoika de onangikaoo mata-mata abe yogogere ani datekoka de nomabauino manga akere ma ngi ma boto abe ma homoa. De ufa ko iwoeua ma kiani iwoe, abe nako yosanangi inihibau manga akere ma ngi ma homoa, ka nomaleino dika mata-mata.

2 Kokoano 4:5

Ho muna moiki de maniiki duru imaketero abe hoka o Elisa womihibehehongoka. De ahao ami ngofaka imidotakino o boto homoi-homoi ihikokawalimi.

Matiusu 6:6

“Masara abe ngini naa ma oraha nimaniata Unangiye, koaho ngini nimatingaka o nyawa utuino la ngini ka nimatengoka dika de o nyawa utu ko inimakeua. De genangoka ahao nimaniata ti ngini nia Babaiye. De ngaro ngini nimagogonoka la ufa o nyawa inimake masara Unangoka ko iwa o dogogono angamoi Una mata-mataika wamake. Ho Una gea ahao winimake ma oraha nimaniata de ahao wabalaha nginika ma titi nia niniatino gea.”

Maruku 5:40

Wotemo hokogea de ona duru iwigie-giete o Yesusika ma titi iwihohedu. De Una wahihupuoka ona gea, de ahao mohone-honenge gea ami baba de ngomi meme de ona ai dodiawo yaruange gea wao la yowohamika ma kamarika. Abe ona yowohamika abe genangoka naga muna mohone-honengoka.

Yohanese 6:11

Ho naa ka de yokokigogerukuoka de o Yesusu waleino o roti motoa gea de wohitarimakaseokahi Ma Jouiye, de ahao wahidoaka iwinii-niikika ho onangoli yahidoaka homoi-homoiika o nyawa mata-mataika masara gea ko yamataua ma roti. De o nawokoli o Yesusu wahiaturu yahikokidoaka homoi-homoiika o nyawa mata-mataika hiadono yakokipunuhoka.

Hidingoto 9:40

De ahao o Peturusu wogahoko la ona mata-mata yokokihupu ma kamaroka de aino. De yokokihupuoka de una watilabukuku de womaniata Ma Jouiye. De womaniata ipaha de womaleloro la wohimanga ami honengika de wotemo wato, “Tabita, Nomomikiye!” Ka hokogea dika de muna ami lako mafelanga! De momalega o Peturusika de ahao momomiki de mogogeruku.

Efesusu 3:20

Ho naa koaho ngone hihigiriiri Ma Jouiye! Angamoi Una gea ka wakunu wodiai mata-mataika abe ngone homagahoko eko hafikiri. De gea ngaro o kia dika abe ngone ko homagahokuahi eko nanga hininga ko akunua afikiri genangika, masara Una ka wakunu mata-mataika wodiai. De gea wodiai de wapake de to Una ai kuaha abe itobakarajaanga to ngone nanga hiningaka.