2 Kokoano 4:35 - Ma Jou ai Demo-demo o Totobelohoka

³⁵ De o Elisa womomiki de waika waino o kamara ma goronaka ma muruono de ahao womamotumoli o ngofaka ai badanguku imaketero hoka kanganoinoli. De itodokanino o ngofaka gea wohorene ma tumidi de ai lako wafelanga.

2 Kokoano 4:35 ပူးပေါင်းရင်းမြစ်များ

1 Kokoano 17:21

De ahao ma hangeino o Elia widomotumuku o ngofaka ai lokuoka de duru Ma Jou o Yaweika wigahoko, wato, “Ahi Jou, Ngona naa Ma Jou o Yawe, de ngohi tigahoko Ngonaika la nihiwangoli o ngofaka naa!” Hokogea ma hangeou o Elia wodiai ai gogahokino.

1 Kokoano 17:22

De Ma Jou o Yawe o Elia wigihene de o ngofaka gea ai womaha ilio unangika ho hiadono wowangokali.

1 Kokoano 18:43

De naga o Elia ai gilaongo abe winiiki de ahao o Elia wihibehehongo unangika wato, “De naa ngona noiki la ka idadi nolega dai o gahioko natailako nako naga o lobi.” Ho ai gilaongo woiki wolega de ahao wigilio o Eliaika de wihingahu unangika wato, “Ko kia-kiaua tamake dai o dihangoka.” Hokogea wopaluhu de o Elia wihuloko la woikoli daioko de wolega. Ho ma moioli woiki masara ko iwa o lobi wamake. Hokogea o Elia wihuloko ai gilaongika ma tumidi.

2 Kokoano 4:36

De ahao o Elisa o Gehasi wiahokino de wihuloko, wato, “Ngoi meme nomiahokino.” Ho ka de muna moboa de munangika wotemo wato, “Naa ani ngofaka ho ngona ka nile dika.”

2 Kokoano 5:10

Masara o Elisa wihidingoto ai gilaongo dika la witemo o Naamanika. De o Elisa ai hingahu wadofanga unangika hokonaa, wato, “Naamana, kiani noiki doka o Yorodani ma akerika de nomaohiki ma tumidi o akeroka gea. Ka de ma tumidi nomaohiki ibooto de ahao ani kai ilio hoka ma dihirali abe ani pado itogumoka ho ani kai duru iofioka.”

2 Kokoano 5:14

Hokogea ona iwihigaro de ahao o Naamana ai hininga waturuuru ho woiki o Yorodani ma akerika de wouti de wotumunu ma akeruku ma tumidi abe hoka Ma Jou ai uru ma dodofanga wihingahu kiani wodiai. De ka de wotumunu ma tumidi de wopudali de ai roehe duru irahaioka abe imaketero hoka o ngofaka ma etetekoli manga roehe ma rahai angamoi ai pado duru iaikoka.

Lukasa 8:55

De duru ma oraha gea dika de ami womaha ilio munangika de momaokoino! De momaokoino de ahao o Yesusu wahuloko onangika la imihidoaka o inomo la ka idadi muna molomo.

Hidingoto 9:40

De ahao o Peturusu wogahoko la ona mata-mata yokokihupu ma kamaroka de aino. De yokokihupuoka de una watilabukuku de womaniata Ma Jouiye. De womaniata ipaha de womaleloro la wohimanga ami honengika de wotemo wato, “Tabita, Nomomikiye!” Ka hokogea dika de muna ami lako mafelanga! De momalega o Peturusika de ahao momomiki de mogogeruku.