2 Kokoano 4:20 - Ma Jou ai Demo-demo o Totobelohoka

²⁰ Ho manga duduhunu womatengo manga ngofaka wigoraka de wihigilio ngoi memeika de muna mitukurino ami uguroka la mihibuu-buu. Masara ngade-ngade o wange ikorona de ami ngofaka wohonenge.

2 Kokoano 4:20 ပူးပေါင်းရင်းမြစ်များ

Dodadi 22:2

De Ma Jou wihibehehongo wato, “Abarahaama, Ngohi togahoko la ngona nile ani ngofaka o Isaka, ani ngofaka o goduuru ka womatengo dika, abe ngona duru nidora. De ahao ngona dika niao o Moria ma tonakika, de naga o loku moi genangoka ahao tonihidumutu. De o lokuoka gea niaika de ahao ma tubuoka ani ngofaka nihihuba Ngohiye iharo-harongo.” Hokogea Ma Jou ai behehongo o Abarahaamika.

Dodadi 37:3

De nako o Isiraele ai ngofaka ona mata-mataika ma, ka o Yusupohi duru widora angamoi una iwiperekioka ma oraha o Yusupu womaboa. De ma titi duru wisanangi o Yusupika ho wihidoaka unangika ai baju ma gogurutuku de duru irahai.

Dodadi 37:5

De o futu moiuku o Yusupu wobuluhara de ai buluhara ma dola waade-ade ai ria-riakika. Ka de ai buluhara gea yoihene de manga dohata idogoli hiadono ilamoko unangika.

1 Kokoano 17:17

De ona yahange yogogere ma bao ami tauoka de o wange moiuku to muna ami ngofaka wopanyake de una ka idogo-dogo ai panyake ka hiadono duru wokangela de ma bahauku ai ngomaha itoaka abe ngoi meme mitotirino.

2 Kokoano 4:19

De una genangoka winii-niiki ai baba de itodokanino o ngofaka gea wokokururihi de wotemo, wato, “Ahi pea kohaodiri! Duru kohaodiri ahi pea!” De ai baba wihuloko ai gilaongo womatengoika, wato, “Ngona nigoraka de nihigilio ngoi memeika.”

2 Kokoano 4:21

Una wohonengoka de ngoi meme miao daku o Elisa ai kamariye de ai honenge mikelenga ai koioka. De ahao Ma Jou ai uru ma dodofanga ai kamara ma ngorana matatoko de ami ngofaka ai honenge minoaika doka ma goronaka.

Yesaya 49:15

De Una wapaluhu manga demo wato, “Duru hokogenangua! De naa tinileha, abe naga o ngofeka momatengo de ami ngofaka ka wohuhuohi de gea muna ka idadi miwohangika? Ko idadiua! Eko ka idadi momadumungu la ufa ami hininga ma dora itagi unangika? Koua! De naa Ngohi tinihingahu abe ngaro naga o ngofeka abe ami ngofaka miwohangika masara Ngohi naa duru ko idadiua tiniwohanga ngini!

Lukasa 2:35

Ho abe o nyawa utu iwidafongo irahai de utuoli iwioluku Unangika, mangale ma titi manga putuhu gea hiadono ona ma hirete yomahimatoko abe hokokia itagi manga borihiningaka.” De o Simeono wogila-gila womihingahu munangika wato, “De ahao abe ma oraha ona yodiai itorou ani ngofakika naa de gea ngonaoo namao ani kangela abe imaketero hoka ani hininga atopoko de o humaranga abe ma doto arihononga.” Hokogea o Simeono womihingahu o ngo Mariaika.

Lukasa 7:12

De abe yomahitigino o kapongo gea ma dadaduhu ma ngoranoka de yamake o nyawa manga ngoe yohupu ma kapongino de yao o goduuru womatengo ai honenge, de manga dumutu la iwilungunu abe manga lungunu ma ngioka. De ma goduuru wohone-honengoka gea o ngo bao ami ngofaka ka womatengo dika, de o nyawa manga ngoe ma kapongino gea yomakiniiki de ngoi meme gea.

Yohanese 11:14

Ko yomangaratiiua ho gea o Yesusu ka wahiree-reeika onangika wato, “O Lasarusu wohonengokau!

Yohanese 11:5

De igoungu o ngo Marata, de ngomi dodoto o ngo Maria, de manga iranga o Lasarusu o Yesusu duru wadora.