2 Kokoano 4:14 - Ma Jou ai Demo-demo o Totobelohoka

¹⁴ Muna mosoboka de ahao o Elisa wileha o Gehasika wato, “Ho sarakia ngona, naga moi abe nato ka idadi homiduhunu?” De una wopaluhu wato, “Abeika, muna ko iwa ami ngofaka de ami rokata una duru iwiperekioka.” Hokogea dika wihingahu o Elisaika.

2 Kokoano 4:14 ပူးပေါင်းရင်းမြစ်များ

Dodadi 17:17

Ka de gea woihene de o Abarahaama womaponuku hiadono ai pea itiki ma tonakuku de woiete de ai garago. Masara nagali abe wohidemo de ai heranga wato, “Gea mode ka idadi ahi ngumuru adonoka ahi taongo o ratuhu moi de ahi ngofaka ka tamakeohi? De mode o ngo Sara abe munangoo ami ngumuru adonoka ami taongo morihiwo, de ahao ngomi miamake to ngomi mia ngofaka munangino?”

Dodadi 25:21

Masara ngaro yoilaka ma dekanoka ma o ngo Ribeka ami ngofaka ko iwa. Ho o Isaka womigahoko Ma Jou o Yaweiye la ka idadi o ngofaka mamake. De Ma Jou o Yawe wihigihene o Isaka ho ahao o ngo Ribeka ka idadi o ngofaka mamake ho muna de ami badangoka.

Dodadi 30:1

De angamoi o ngo Rahele ami ngofaka ko iwa de ngomi riaka ami ngofaka naga ho ka ihikaika momitaleana ngomi riakika. De motemo de ami huha ami rokatika mato, “Yakubu, kiani ngohioo nohihidoaka o ngofaka ngohino, nako ko nohihidoakua de ahao ngohi tohonenge dika!”

2 Kokoano 4:13

Ho muna moboaiye de o Elisa wihuloko ai duduhunu o Gehasika wato, “Ngona nomihingahu abe muna duru mimisanangi de ami leleani ngomino abe muna duru momihitihira ngomi de mia perelu.” Ho manga tarimakase ma demo gea o Gehasi womihingahu munangika. De ahao o Elisa wato, “Naa nomileha munangika abe hokokia mia balaha ngomioo la ka idadi mimiduhunu muna. Nomileha nako moigo tomidemo de ami gogahoko o koanoika eko o tentara ma hidimonika.” De muna mopaluhu o Elisaika, mato, “Ahi baluhu, ngaro ufa hokogea, abe ona ahi tauoka duru ihiao irahai.” Hokogea yomakoketemo ibooto de muna mosobo la ka idadi o Elisa de o Gehasi yomahiaini.

2 Kokoano 4:15

De o Elisa wato, “Irahai ani hininga, nomiahokoli moboaiye.” Ho o Gehasi womibehehongoli de moboa o Elisa ai kamara ma ngoranino.

Hihira 13:2

De ma oraha gea naga o Isiraele ma nyawa womatengo ai romanga o Manoa abe womahidutu o Yakubu ai ngofaka o Daana ma dutuino. De o Manoa gea wogogere o Sora ma kotaka. O Manoa ngoi fekata naga masara muna ko idadiua modami ho ko ma moiuahi ami ngofaka mamake.

1 Samuele 1:2

De o Ekana gea ngoi fekata yahinooto de manga romanga o ngo Hana de o ngo Penina. O ngo Penina naga o ngofa-ngofaka masara o ngo Hana ami ngofaka ko iwa.

1 Samuele 1:8

De ami rokata o Ekana gea ami dubuho una wamao hiadono womileha munangika wato, “Hana, adodoa ho noari-ari? Adodoa ho o inomo ko nolomua, de adodoa ho ngona ka ihikaika ani hininga ihuha? Ngohi ani rokata duru tonidora de kiani ngona duru nosanangi ma titi gea angamoi nanga gogao irahai. Ho nako hoka ani ngofaka o nauru yangimoi ka idadi hohikohowono de to ngone nanga gogao abe duru irahai de kiani nanga gogaoohi hopaliara e?” Hokogea o Ekana ai lalaru ma demo munangika.