2 Kokoano 4:10 - Ma Jou ai Demo-demo o Totobelohoka

¹⁰ Ho ngohi tofikiri irahai hidiai o kamara ma eteteke daku nanga tau ma lokuoka de ka idadi ai perelu hoka o koi, de o meja, de ma kuruhii, de ma hilo hohingodumu ai kamaroka. Hokogea hodiai la ka de wotulu o kapongino naa de ka idadi una womahidodogumu ngoneoka.” De ami rokata wosanangi ami hideeika de hokogea iwidiai o Elisa ai kamara de una gea wosanangi wapake.

2 Kokoano 4:10 ပူးပေါင်းရင်းမြစ်များ

1 Kokoano 17:19

De o Elia womipaluhu dika de ai dora ma hiokoo, wato, “Hobata, ani ngofaka gea togahoko la nohihidoaka ngohino.” Hokogea o Elia wotemo de ahao ami ngofaka wigoraka ami giamino de naa unangoli witotiri de wiao daku o Elia ai kamariye, abe naga ma tau ma lape hinootoka. De ahao ai kamaroka gea de ami ngofaka gea o Elia wiiduiha ai koioka la wibitikangiye.

2 Kokoano 4:11

De o wange moi o Elisa woboali o Suneme ma kotaino de wodoa ai kamariye gea la womahiaini.

Matiusu 25:40

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

Maruku 9:41

De o Yesusu Una ka wodotokohi wato, “De nako onagona dika iniduhunu nginika, ngaro hoka o akere o mangko moi dika inihidoaka, ma nako gea inihioriki ngini nihiniiki Ngohi o Kristusu, de genangino ma titi hiadono iniduhunu, ona gea ahao kiani yamake ma owa Ma Jouoka de aino.”

Lukasa 8:3

De nagali o ngo Yohana abe muna o Kusa ngoi fekata. Abe to muna ami rokata gea wodadi o Herodese ai duduhunu ma haeke. Ho muna o ngo Yohana munangoo yomakiniiki de o Yesusu. De nagali o ngo Susaana, de naga o ngo-ngofeka utuoli manga ngoe abe iwitobaduhunu o Yesusu de yangimoi de yahinootoika abe ma titi to ona ma hirete manga tiwino yahidoaka la yaduhunu.

Roma 12:13

De nako naga nia gogianongoru o Yesusoka abe yohu-huha, ona gea ngini niaduhunu la manga perelu niahidailako onangika. De nako yoperelu la yomahidodogumu nia tauoka, ona gea niadafongo nia tauino.

Ibarani 10:24

De abeika ngone hafikiri nanga gogianongoru manga perelu de manga hininga la genangino ka idadi hohioriki hokokia homahikawangoro. De gea kiani homahikawangoro ngone o gogianongoruino la ngone duru homakodora de hotobadiai ma rorahai dika nanga wowangoka.

Ibarani 13:2

Abe nako naga o nyawa yoboa manga gurutoka de aino de ona yotulu nia tauino, ona gea ufa niaoluku masara ka idadi niadafongo nia tauino la yomahidodogumu nginioka. De gea ufa niawohanga abe hokokia ma dodihiraino idadioka, abe o nyawa yadafongo manga tauino ona abe yotagi-tagi, masara gea ipahaino de ahao ona o tau ma dutu yahioriki ona gea abe yomahidodogumika gea tanu ko o nyawa biahaua masara o malaekata. Ho marai nginioo ahao niadafongo bote Ma Jou ai malaekata.