Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kokoano 4:1 - Ma Jou ai Demo-demo o Totobelohoka

1 Ma oraha gea o Elisa de Ma Jou ai uru ma dodofanga utu naga ona yomahikasapurino la yodadi o doomu moi. De ipaha manga dodiawo Ma Jou ai uru ma dodofanga womatengo manga doomuoka wohonenge de ngoi bao mokangela. De o wange moiuku mofao gea moboa o Elisaino de muna ami hininga ihuhaholi momahingahu, mato, “Ngohi naa duru tokangela angamoi ahi rokata, abe wonileleani ngonaikaoo, naa ma duru wohonengoka de ngona nihioriki abe to una ai horomati ma modongo Ma Jou o Yaweika naga. Masara to una ai nagimi naga womatengoika de ngohi ko iwa ahi tiwi la ka idadi ma nagimi gea tofangu. De angamoi ko idadiua tofangu ho o nauru gea una woboa wato nako ahi tiwi ko iwa una wale dika ahi ngofaka o nauru yahinooto de ona ai huhuloko womadiai la gea ahi rokata ai nagimi waofioka genangino. De una gea wagoungu ahi ngofaka marai ahao wale ho ngohi duru tohuha.” Hokogea mihingahu o Elisaika.

အခန်းကိုကြည့်ပါ။ ကော်ပီ




2 Kokoano 4:1
35 ပူးပေါင်းရင်းမြစ်များ  

De o malaekata wihingahu wato, “Abarahaama, ufa nitoma ani ngofaka gea, de ufa nidodoaika naga angamoi naa de tonihiorikoka abe ani horomati naga Ma Jouika hiadono duru nihingounu. Abe ngaro ani ngofaka ka womatengo dika, masara ko nitumungua nato nohihidoaka dika Ngohino.”


De ma titi o hafini gea o Ahaba wiahokino ai duduhunu womatengo ai romanga o Obaaja. De o Obaaja gea ai tagongo la o karajaanga mata-mata wohiatu-aturu abe naga o Ahaba ai tauoka. Masara nako o Obaaja una duru wingaku wagou-goungu Ma Jou o Yaweika.


De ma oraha gea Ma Jou o Yawe ai uru ma dodofanga manga doomu ma goronaino naga womatengo abe wihingahu ai dodiawoika wato, “Ngona itaiti nohihipoha de ani dae ahi peauku!” Masara o nauru gea woluku hokogea wipoha Ma Jou ai uru ma dodofangika.


De ma oraha gea nagahi Ma Jou ai uru ma dodofanga manga ngoe abe o Yerikoka de yaino yoboa, de ona nagahi hatoli manga gurutika ho yamake gea abe idadioka. De yamake ipaha de ahao yotemo ato, “Abeika, Ma Jou ai hiakunu gea abe ma dihiraino imanoa o Elia ai badangoka ma oraha naa imanoali o Elisa ai badangokali!” Ho ona mata-mata yokokiloiki la iwitutumu de ahao yomaponuku ai himangoka hiadono manga pea itiki ma tonakuku.


De ngade-ngade yomahiadonika de Ma Jou ai uru ma dodofanga o doomu moi yohupu o Betele ma kotaino iwibuhuku o Elisa de iwileha unangika, ato, “Gianongoru, sarakia, ngona ko nohiorikuahi abe Ma Jou o Yawe duru o wange naa de ngona de ani baluhu winihikatingaka?” De o Elisa wapaluhu onangika wato, “Niagoungu, de gea ngohi tohiorikoka. Masara ngini kiani nimarii-riidoka dika ma titi Ma Jou ai hidee gea.”


De Ma Jou ai uru ma dodofanga ma doomu moioli o Yeriko ma kotaka yoboa o Elisaino de iwileha unangika, ato, “Gianongoru, sarakia, ngona ko nohiorikuahi abe Ma Jou o Yawe duru o wange naa ngona de ani baluhu winihikatingaka?” De o Elisa wapaluhu onangika, wato, “Iya, niagoungu, de gea ngohi tohiorikoka. Masara ngini kiani nimarii-riidoka dika ma titi Ma Jou ai hidee gea.”


De ahao naga Ma Jou ai uru ma dodofanga yamoritoa manga doomuino yoboa de yomaokoino abe imakitingaka ko ikurutikaua de o Elia de o Elisa. De ona yahinooto gea naga o Yorodani ma akere ma datekoka. Ho ona yamoritoa gea yomalega-lega o Elia de o Elisaika.


De ma oraha o hiwara ikiria hiadono manga inomo ikuranga manga tonakoka de o Elisa woikoli o Gigalika. De genangoka naga Ma Jou ai uru ma dodofanga manga doomu yomatoomuino de o Elisa wadotoko. De o dodotoko ma goronaka de wihuloko ai duduhunu o Gehasika la wahakai, wato, “Ngona nanga uku nonadaulu de ahao napake o manyila kohaamoko la nonahakai abe iti naga ka idadi haolomo de nohakai la ma teongo ilamoko.”


Masara Ma Jou ai uru ma dodofanga, o Elisa, ngaro ufa o nyawa iwihingahu manga hidiai ma ngi angamoi Ma Jou wihingahu unangika abe o Arama ma nyawa manga koano ai hidee. Ho una duru itaiti ai hidingoto wihuloko woiki wihingahu o Isiraele ma nyawa manga koanoika abe o kiaka manga musu yomahidiai yangohama yaparangi, wato, “Ahi koano, ngona duru nomahidodiai de ani tentara abe niboa ma ngiino gea angamoi o Arama ma nyawa manga tentara ahao yomatoomuino genangoka la iniparangi.” De o ngi ma romangoo o Elisa wafetongo ai koanoika.


To Una ai dora ngoneino duru ko itoa-toakua ngoneino, Abe iti ngone naga nanga horomati ma modongo Unangika. De nako hakunu Ma Jou ai dora hotuga ena gea duru kohagurutiye, Abe o dunia de o Horoga imakitingaka duru kohagurutiye, De hokogea Ma Jou o Yawe ai dora ma gurutiye.


Masara Ma Jou o Yawe ai dora duru iwango-wango ka hiado-adonika, De ai dora gea naga onangoka abe de manga horomati ma modongoka Unangika. De to Una ai totiai itagi to ona manga ngofa-ngofakika, De imahikauku itagi hiadono to onangoo manga ngofa-ngofakuku.


De naa ngini niihenoka ahi demo mata-mata, ho naa tohidotoomuino ahi demo ka ma moi. Abe ngohi tonahigaro tato ngone kiani naga nanga horomati Ma Jouika de hatobaniiki to Una ai pareta ma demo ngoneino, angamoi ai pareta gea inahingahu to Una ai mau ngone mata-mataino.


De ahao ona abe iwihoromati Ma Jou o Yaweika de manga hawana ma horomati, ona yomakoketemo ma titi ai demo gea de manga hininga ma dodipokouku. De manga demo gea iwihisanangi Ma Jouika hiadono wadafongo onangika. Ho Una wohiaturu la o lu-lulu ma buku moi yodiai to Una ai himangoka. De ma buku gea ma dolaka yatulihuku manga roma-romanga abe iwihoromati Ma Jou o Yaweika de ko iwingeloua la ma buku gea idadi o hohininga moi.


“Masara ngini onagona dika abe naga nia horomati de nia hingounu Ngohino, gea duru nimakohowono de ona abe tahohowono ma oraha gea. Abe ngini ahao nia wowango ma datoro ma totiai imahilaku nginioka hiadono duru nigogarago. De mangale ma titi nia datoro ma totiai ahao ka idadi inihitogumu nia kangelaino. Ho ma oraha gea de ngini ko niakunua niatumungu nia gogarago ho hiadono ka inihirarama nia garago gea. Abe ngini niamao nimaketero hoka o totaleo abe ihihupu ma kurungaka de aika ma homoaika la ihoho aika aino.


De ma duduhunu gea ko womagakunua wofangu, ho ma koano wahuloko ai nyawaika la ma duduhunu gea ai kiahonanga mata-mata yakokile la yakokifukunu. De barikua ka genangua dika ai huhuloko, masara una wahulokoo la ai duduhunu de ngoi fekata de ai ngofa-ngofaka yakokifukunoka o nyawa utuikali la yodadi o nyawa manga gilaongo. De gea mata-mata ma tiwi abe ahao ma koano wamake wato ka idadi ihipake la ai duduhunu womatengo gea ai nagimi ka idadi atamunu.”


Masara ngaro hokogea womagahoko ma una wohira-hira ko wodafongua. Ho wahuloko la ai dodiawo gea iwitaoko de iwibuioka ka hiadono wakokifangu ho ngaro ma hohutuloo ma duru ko iwaka ai nagimi.”


De o Yesusu ai ade-ade wabootoka de wotemo wato, “Ho nako nginioka nia howono ko nimahikokaapongua ngini de nia gogianongoru o ngongakuoka, gea nginioo o hiapongo ko niamakeua. Angamoi to Ngohi ahi Baba o Horogaka ahao winihohowono nginika abe duru imaketero abe hoka ma koano wihohowono ai duduhunika gea abe ko iwa ai hininga ma dora ai dodiawoika. Ho koaho ti ngini nia hininga homoi-homoioka de nimahikokaapongo nia gogianongoru manga howono nginika.” De hokogea o Yesusu ai demo onangika abe ma titi o hiapongo.


“Ahi gogianongoru, ngini utu o Abarahaama ai totoforauku ho nidadioka o Isiraele ma nyawa. De naga ngini utuoli abe ko o Yahudi ma nyawaua masara niwihoromati de nimahuba-huba Ma Jouika. Ho naa ngohi tinihingahu ngini mata-mataika abe Ma Jou ai duduhunu ma abari naa ihidumutu ngone mata-mataino!


Angamoi nako o nyawa ko yapakeua manga hininga ma doraino ho gea ena ko itagiua o nyawa utuika, gea ahao nako ona manga baha adonoka de to Unangoo ai hininga ma dora ko wapakeua ma oraha waurusu onangika. Masara o nyawa onagona dika abe manga wowango ma goronaka de manga hininga ma dora itobatagi o nyawa utuika, ona gea yomahitaanoka abe yomahiketehiningamoioka ona de Ma Jou, ho ahao manga baha adonoka de ona duru yogarago angamoi genangoka de to Ma Jouoli ai hininga ma dora wapake ma oraha Una watailako manga wowangoika.


Mode ka onagona abe ko inimodongua de ko inihoromatiua Ngonaika? De mode ka onagona yoluku ihilamoko ani romanga de inihigiriiri Ngonaika? Angamoi ka Ngona dika notebi-tebini! De o dunia ma nyawa mata-mataika ahao yokokiboa de yomahuba to Ngona ani himangoka, angamoi ani datoro ma totiai ona yakokimakeoka.” Hokogea manga nyanyianga ma demo Unangika.


De ahao naga o ilingi moi itemo ai kadera ma hohailoaka de aino ato, “Hihigiriiri nanga Jou! Ngone mata-mataika abe hileleani de hihoromati Unangika, ngaro nanga gogere ikurutiye eko ngaro itipokouku, masara ngone mata-mataika kiani hihigiriiri Unangika.”


Masara ma oraha ona yogogere o Moaba ma tonakoka gea de o ngo Tobasanangi mofao angamoi ami rokata o Eli-meleke gea wohonenge genangoka. Ho munangokahi de ami ngofaka yahinooto gea.


De ipahaino nagali o nyawa utuoli manga ngoe abe yoboaino la yomahidogo to una ai nyawaika. Abe ona utu manga wowango de ma huhaka, de utuoli naga manga nagimi ko apoaua ihingodumu, de nagali abe manga hininga ieteke. Ho ona mata-mata yomahidogo unangika hiadono to una ai nyawa abe wahipareta ona manga ngoe yaratuhu iata.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ