De ahao una wahidingoto ai demo o Yehuda manga koano o Yosafatika, de ai demoino gea una wato, “O Moaba manga koano una wawohangika mia behehongo de wohilawana ngohino. Ho naa tomagahoko la ngona nohiniiki de homakuduhunu haparangi o Moaba ma nyawaika.” De o Yosafata una wipaluhu wato, “Ka idadi toniniiki la ngone de ona homarihimanga. De ahi tentara ma nyawa de ahi kuda, gea mata-mata tonihidoaka ani giama ma hoatika la nahiaturu o parangi ma goronaka.
2 Kokoano 3:8 - Ma Jou ai Demo-demo o Totobelohoka8 Ho ma ngekomo o kia koaho haniiki la hoiki haparangi onangika?” De o Yorama wopaluhu wato, “Irahai hotagi-tagi haniiki ma ngekomino abe atilakuru o Edomo ma tonaka ma kakaahaino.” အခန်းကိုကြည့်ပါ။ |
2 Kokoano 3:8
4 ပူးပေါင်းရင်းမြစ်များ
De ma koano yahinooto gea yomakoketemo ipaha de ahao ona de manga tentara ma nyawa mata-mata yosobo yomakiniiki ma tonaka ma kakaahaino. De ma tonakoka gea de naga manga dutu adaene o Edomo ma nyawa. Ho o Edomo manga koano de ai tentara ma nyawa onangoo yomahidogo onangika ho ma koano yahange de manga tentara mata-mataika yokokisobo yomakokiniiki manga dumutika. De manga dodagioka de kiani yopaki-pakiti ma tonakoka gea abe manga dekana manga futu tumidino. Ho mangale ma titi manga dekana ho manga akere de manga aewani ma akere gea imataka.
De ahao o Isiraele ma nyawa manga ngi o Hooro ma loku ma timiuku gea yokokisobo. De kiani o ngekomo yaniiki abe ma dumutu o Bongo-bongo ma gahioko la gea ka idadi o Edomo ma tonaka yaloliti hiadono yoboa o Kanani ma tonaka ma batingino doka o Edomo ma honongaka. Masara manga dodagi gea ma gurutika hiadono ko yomatongohonokaua.
ကြော်ငြာတွေ