2 Kokoano 3:2 - Ma Jou ai Demo-demo o Totobelohoka

² De o Yorama gea una wodiai abe duru itorou Ma Jou o Yawe ai himangoka masara ai wowango ma datoro ngaro itorou masara ko imakadaenua hoka to una ai baba o Ahaba eko hoka ngoi meme o ngo Isebele manga datoro ma dorou. Abe ngaro wodiai itorou masara wahibinaaha o huhuba ma ngi ai baba wodiai o hakaruino abe o hakaru yafafoiye de ihidemehele hiadono ena gea ma gurutiye de ma rupa hoka o liate ma amoko. De o huhuba ma ngi gea o Ahaba wodingaka o pangao o Baalika la ka idadi ai kokawaaha yoiki genangika de yomahuba-huba o Baalika. De gea ena abe ai ngofaka o Yorama wohibinaaha la ibooto ai nyawa yomahuba-huba o Baalika genangoka.

2 Kokoano 3:2 ပူးပေါင်းရင်းမြစ်များ

1 Kokoano 16:19

De hokogea wohonenge angamoi ai howono ma ngoe abe to unangoo ai wowango ma datoro itorou Ma Jou o Yawe ai himangoka. Abe o Simiri gea unangoo womahuba-huba o popangaoika imaketero hoka manga koano ma dihira, o Yerobeamoli wodiai de hiadono o Isiraele ma nyawa wahihira-hira o howonika dika.

1 Kokoano 21:20

Ho ka de o Elia gea o Ahaba witutumu o Naboto ai redioka de o Ahaba wibanarata o Eliaika, wato, “Ho ngona! Abeika ahi musu wohilingiri de wohimakeoka!” De o Elia wipaluhu, wato, “Nagoungu, tonimakeoka de ngohi toboa angamoi ngona nomafukunoka o howo-howonika abe duru itorou Ma Jou o Yawe ai himangoka.”

1 Kokoano 21:25

De nako o Ahaba ai wowango ma datoro ihikohowono de o nyawa utu, ka unangohi abe duru womafukunoka o howo-howonika abe duru ai datoro itorou Ma Jou o Yawe ai himangoka de angamoi ngoi fekata o ngo Isebele mihigaro o howonika.

2 Kokoano 21:20

De o Amono una wodiai itorou Ma Jou o Yawe ai himangoka imaketero hoka ai baba o Manaseoli.

2 Kokoano 21:6

De genangokaoo o Manase o haharongo ma huhuba ma ngi wodiai abe o nyawa yomahihuba manga ngofaka iharo-harongo o pangaoika, de o Manase to una ai ngofaka idodutu womahihuba iharo-harongo genangoka. De unangoo wotobadiai o nyawaika de womai-maihi la wohioriki abe ahao o kia idadi. De una wolingiri o tobahioriki o nyawaino abe yotobamai-maihika, de wolingiri o nyawaino abe ato bari ahao manga gomangino yamake ma tobahioriki. Hokogea o Manase wotobadiai abe Ma Jou o Yawe wato duru itotorou de ko idadiua to Una ai nyawa yodiai ma dorou hokogea. Ho naa Ma Jou o Yawe womalega o Manase ai datoro ma dorouika de duru ai ngamo ifae unangika.

Huhupu 23:24

“O nyawa mata-mata gea yomatobahuba-huba o popangaoika ho ngini ufa nimaaduru hoka onangoli hiadono nginioo nimahuba manga popangaoika gea eko nihitunguu o horomati enangika. Masara ngini kiani duru niakokiwedere manga popangao gea ma oraha ma nyawa gea duru niahikalaka.

1 Samuele 15:19

Ho adodoa ho ngona ko nihingounua Ma Jou o Yawe? Ngona ani hininga ma horoodo dika naniiki la nomagora manga kiahonanga ho gea Ma Jou ai behehongo nohikawalimi hiadono nodiai abe Una wato ko idadiua! Ngona nodiai Ma Jou o Yawe ai himangoka abe Una womalega ani datorika de wato duru itorou!” Hokogea o Samuele witaere manga koano o Saulika.