De ma bokolo iwihidoaka o Elisaika de ahao una woiki ma ngiika abe manga akere ibubungiye de ma gahi gea wakopoa ma akeruku. Ka de ma gahi wakopoa hokogea de wotemo wato, “Hokonaa Ma Jou o Yawe ai hingahu nginika, wato, ‘O akere ma dorou nenanga idadioka o akere ma rorahai. Ko idadiokaua o nyawa yohonenge eko o ngo-ngofeka yokilianga ma titi o akere naa. De ngaro nia redi ma tonaka ma, o akere naa ihikutufuru de nia datomo ko ihikangelakaua hiadono ko ihasilua.’” Hokogea o Elisa wodiai o heheranga de Ma Jou ai kuaha.
2 Kokoano 3:12 - Ma Jou ai Demo-demo o Totobelohoka12 Ka de o Yosafata woihene ma hidimono ai demo gea de una wato, “Igoungu, o Elisa una gea Ma Jou o Yawe ai uru ma dodofanga ma gou-goungu.” Ho ma oraha gea dika de ma koano yaruange ona yosobo yoiki la ka idadi iwitutumu o Elisaika. အခန်းကိုကြည့်ပါ။ |
2 Kokoano 3:12
12 ပူးပေါင်းရင်းမြစ်များ
De ahao o Yehuda manga koano o Yosafata una wotemo wato, “Masara bote naga womatengo Ma Jou ai uru ma dodofangino ngoneoka. Ho koaho hihuloko unangika la una wonagahoko Unangiye de genangino ka idadi hohioriki irahai o kia ngone hodiai!” De ahao o Yorama ai tentara ma hidimono womatengo wotemo wato, “Naga ngoneoka o Elisa abe o Safata ai ngofaka, de una gea ma dihiraino de wodadi o Elia ai duduhunu.”
De ona iwiadono o Elisaika de o Elisa wileha o Isiraele manga koanoika wato, “Adodoa ho ngona noboa ngohino? Koaho noiki ani baba de ngoni meme manga nyawaika. Angamoi naga manga ngoe abe yahiromanga ato o uru ma dodofanga de ona yatobaleleani ani dimonika. Ho koaho noiki nomagahoko o duduhunu onangino!” Masara ma koano o Yorama wipaluhu wato, “Ko idadiua! Angamoi maraioka Ma Jou o Yawe Una gea abe womiahoko ngomi o koano imihange naa la wato womihidoaka ngomi o Moaba ma nyawa manga giamika!”
De ahao o Naamana duru woigo la una de Ma Jou ai uru ma dodofanga gea yomakamake ho una de ona abe iwidodiawo mata-mata yomakiniiki yolio o Elisaika. De ahao yotoomuino duru o Elisa ai himangoka de o Naamana wihingahu, wato, “Ahi dimono, de ahi horomati ngonaika tonihingahu abe ma oraha naa ngohi duru tohioriki abe ngaro o dunia ma amokika masara Ma Jou ka womatengo dika de Una wogogere o Isiraele ma tonakoka. De ngohi duru togahoko la naa ahi hidoaka ma hadia ngonaika nodafongo.”
De gea abe Ngohi tohiaturu la ona o Ibilihi ma haeke ma doomuino abe ma oraha naa ona inihikangela, ahao ona gea yoboa nginika de kiani inihoromati nginika. De gea ona abe yoelu-eluku de yomahiromanga ato o Yahudi ma nyawa, masara ona gea ko o Yahudi ma nyawa ma gou-goungua, angamoi o Ibilihi ma haeke ona yanii-niiki. Ho abeika nitotoihene! Ngohi ahao tohiaturu la ona gea ko idadiokaua inihikangela, masara gea ahao yoboa de yomamotumuku nia himangoka, de ma oraha gea ona ihioriki abe ngini gea Ngohi duru tinidora nginika.”
ကြော်ငြာတွေ