2 Kokoano 3:11 - Ma Jou ai Demo-demo o Totobelohoka

¹¹ De ahao o Yehuda manga koano o Yosafata una wotemo wato, “Masara bote naga womatengo Ma Jou ai uru ma dodofangino ngoneoka. Ho koaho hihuloko unangika la una wonagahoko Unangiye de genangino ka idadi hohioriki irahai o kia ngone hodiai!” De ahao o Yorama ai tentara ma hidimono womatengo wotemo wato, “Naga ngoneoka o Elisa abe o Safata ai ngofaka, de una gea ma dihiraino de wodadi o Elia ai duduhunu.”

2 Kokoano 3:11 ပူးပေါင်းရင်းမြစ်များ

Dodadi 18:4

De ahi duduhunu womatengo tiahokino de o akere la ka idadi nia lou waihoro, de ahao kiani nimahiainohi o gota ma fofongoka naa.

1 Kokoano 19:21

Ho o Elisa wogilio ai hapi hinootoika de ai hapi gea watoma de ai bajaka gea watobi-tobikuku, ena gea abe wapake la wohikawalimi o tonaka ma beha-behaka, de o bajaka ma gota gea wapake la ai hapi ma roehe wohiharongo. De waharongoka de ahao wahikodoku ai dodiawo yangimoi de yamoiika abe yomakuduhunu o redioka gea ho ona mata-mata yokokiolomo. Ho yolomo ibooto de o Elisa winiiki o Elia la wodadi ai duduhunu.

1 Kokoano 22:7

Masara o Yosafata ka wolehahi wato, “Sarakia, ko moiua Ma Jou o Yawe ai uru ma dodofanga naangoka la ka idadi hileha unangikaoo?”

2 Kokoano 2:25

De ahao o Elisa wogila-gila wotagi-tagi o Karamele ma lokuika de ipahainoli una wolioli o Samaria ma kotaika.

2 Kokoano 3:10

De o Isiraele manga koano o Yorama wamake hokogea de una wotariana wato, “Ho ngone naa done sarakia? Angamoi Ma Jou o Yawe bote wohiaturoka la wonahidoaka ngone naa to nanga musu o Moaba ma nyawa manga giama ma hoatika!”

2 Kokoano 3:12

Ka de o Yosafata woihene ma hidimono ai demo gea de una wato, “Igoungu, o Elisa una gea Ma Jou o Yawe ai uru ma dodofanga ma gou-goungu.” Ho ma oraha gea dika de ma koano yaruange ona yosobo yoiki la ka idadi iwitutumu o Elisaika.

2 Kokoano 3:3

Masara ngaro hokogea o Yorama o pangao ma ngi ma amoko gea wohihihanga masara una ka ihikaika wahowono Ma Jouika abe unangoo womahuba-huba o popangaoika hoka ai ete o Yerobeamoli. Abe o Yerobeama, una o Nebata ai ngofaka de wodadioka manga koano ma dihira gea. Ho ipahaino de ai danongo o Yorama unangoo duru ka ihikaika o Isiraele ma nyawa wahirehene Ma Jouino abe wahihira-hira o popangaoika la yomahuba-huba ka enangika dika.

Filiipi 2:22

Masara naa o Timotiusu, una gea ngini niwihiorikoka abe ai hininga Ma Jouika womahitaanoka ma titi una de ngohi mimakutuono miahingahu-ngahu o Abari ma Rorahai o nyawaika, de una ka ihikaika naga ahi datekoka wohiduhunu, abe imaketero hoka o ngofaka abe woigo ai baba widuhunu la wihisanangi.

1 Timotiusu 5:10

De kiani o nyawa imihayanga munangika ma titi ka ma dodihirainohi de ami wowango ma datoro irahai. Abe to muna ami ngofa-ngofaka mapaliara de madotoko itiai, de ami tauokaoo ngaro o homoa ma nyawa ma madafongo la yomahidodogumu munangoka. De nako ami gogianongoru o Yesusoka manga perelu naga, muna ka idadi momahitipokouku de maleleani onangika la mato maduhunu. De nako hiadono naga o nyawa yohuha eko yapanyakeuku, ma muna gea imimagawe maduhunu onangika. Ho kiani muna gea ka ihikaika ami wowango ma datoro ma hailoa ingodumu naga munangoka. De nako igoungu hokogea momatengo mofao ami wowango ma dihira, gea de ahao ka idadi ami romanga nitulihuku la muna ami tagongo de ami leleani naga o garejaka de hiadono mamake ami hewa ma balaha gea ami leleanioka de aino.

Yosua 1:1

Ma Jou o Yawe ai duduhunu, o Musa, wohonengoka de ahao to Musa ai duduhunu o Yosua, unangoli wituruuru. De o Yosua gea ai baba o Nuunu. De ka de una wodadi o Musa ai duruuru de Ma Jou o Yawe wihibehehongo unangika wato,

Yosua 9:14

De o Isiraele ma nyawa yoihene manga demo ipahaino de ahao yatailako manga bilaono gea. De yatailako ibooto de yahidutugaika dika ato bote yagou-goungu manga hingahu ma demoino. Masara gea ko iwilehaua Ma Jou o Yaweika ma titi o homoa ma nyawa manga gogahoko gea.