2 Kokoano 24:4 - Ma Jou ai Demo-demo o Totobelohoka

⁴ O Manase gea wodiai itorou hiadono o nyawa manga ngoe abe ngaro ona ko yahowonua masara manga awunu wakopoa o Yerusaleeme ma kota ma goronaka de Ma Jou o Yawe wato gea ko idadiua ai howono waofi.

2 Kokoano 24:4 ပူးပေါင်းရင်းမြစ်များ

2 Kokoano 21:11

De hokonaa ai demo onangika, wato, “O Manase, una abe o Yehuda ma nyawa wahikoano, una wodiai duru itorouholi. Abe ngaro tahidotelega una de o Amori ma nyawa abe ma dihira yogogere ai tonakoka ma, ka unangohi wodiai itorou. De una waribuutu o Yehuda ma nyawaika la onangoo yomahuba-huba ai popangaoika hiadono onangoo yahowono ilamoko Ngohino.

2 Kokoano 21:16

De Ngohi duru tingamo o Manaseika mangale ma titi una duru wahigaro o Yehuda ma nyawaika la ka ihikaika yahowono Ngohi Ma Jou o Yawe ahi himangoka. De hongoli ahi ngamo ifae unangika abe una duru o nyawa manga ngoe watoma ngaro ko yahowonua. De hokogea manga awunu wakopoa o Yerusaleeme ma kota ma dobikoka ka hiadono ihahuru ma dobikika.” Hokogea Ma Jou o Yawe ai hingahu abe ai uru ma dodofanga wadofanga o Yehuda ma nyawaika.

2 Kokoano 23:26

De ngaro hokogea o Yosia Ma Jou ai mau wohidagi ai wowangoka de ai tonakokaoo masara Ma Jou o Yawe ai ngamo kohahaukohi o Yehuda ma tonakika ma titi mata-mata gea abe manga koano o Manase gea wodiai duru itorouholi.

2 Kokoano 24:5

De o Yoyakimi ai ade-ade utuohi naga abe idadi ma oraha wohikoano o Yehuda ma tonakoka de ai ade-ade mata-mata gea ihitulihukuoka o bukuoka abe ma romanga, “O Kokoano abe Ihikoano o Yehuda ma Tonakoka manga Ade-ade.”

Higiriiri 106:38

Yakopoa manga ngofa-ngofaka manga awunu o pangao ma huhuba ma ngioka, De ngaro manga ngofa-ngofaka gea manga howono ko iwa. Masara manga awunu yakopoa la yomahihuba o Kanani ma nyawa manga popangaoika, De hokogea ihipeseke manga tonaka de o domaino.

Yeremia 19:4

De gea Ngohi tahohowono ma tonaka ma dola naa mangale ma titi ma nyawa nenangoka ihidadidorou manga datoro ma dorouino. Abe o nyawa yotobatufu-tufuku o manyanyi o jou-jou ma homoaika. De ngaro ma dodihiraino masara ko ma moiuahi manga totofora eko manga kokoano o Yehuda ma tonakoka naa yomahuba-huba ma popangaoika gea. Naa de ahao naga o nyawa abe yomahuba enangika. De nagali manga datoro ma dorou moioli, abe o nyawa manga awunu yahikopoa nenanguku ngaro ma nyawa gea ko iwa manga dorou ho tanu ko iwa ma titi la yahohonenge.

Gegetongo 35:33

“De nako ngini mata-mata nianii-niiki to Ngohi ahi hiaturu naa nginika, gea de ahao ti ngini nia tonaka ko ipesekua masara ka itebini dika. Angamoi nako o doma, ma howono gea ka idadi ihipeseke nia tonaka ahi himangoka. De naga moi dika ma ngekomo la ka idadi ihitebini nia tonaka nako ihipesekoka de o doma, de gea ma nyawa onagona dika abe yatomaka manga dodiawo kiani yahohowono de o hone-honenge ma hohowono onangika.

Higalioli 29:19

Abe nako naga o nyawa nginioka yoihene Ma Jou ai behehongo ma demo de ka yoluku yaniiki enangika, gea ufa yomatemo manga hiningaka ato, ‘Ngohi naa ka yaowa dika abe ngaro ahi pea hatoli itogowini masara duru tonganono o hiowa dika tamake ahi wowangoka.’ Ufa manga demo hokogea angamoi ahao ka onangua dika abe o bobinaaha yadaene masara manga dodiawo abe manga hininga ma rorahai dika, onangukuoo o bobinaaha yadaene.