2 Kokoano 24:14 - Ma Jou ai Demo-demo o Totobelohoka

¹⁴ De o Nebukanesara wakokitaokoka o Yerusaleeme ma nyawa duru ko manga ngoe. Ho wairiki manga nau-nauru o goo-goduuru abe ka onangohi duru yososawaro de yokokurutiye o Isiraele ma nyawaka de ona wale. De manga tentara abe ka onangohi yososawaro yoparangi, onangoo gea wakokile. De ona abe yososawaro yodiai o kiahonanga o gotaino, eko o behino, de o gurasino, de o haakaino, de o tabaagaino, onangoo wakokile. Ho ona mata-mata wairiki gea naga yasana ngimoi abe yatoomuino de yao o Babele ma kotaika. Ho ona abe wanoaika o Yehuda ma tonakoka gea ona o Isiraele ma nyawa abe duru yohu-huha dika.

2 Kokoano 24:14 ပူးပေါင်းရင်းမြစ်များ

2 Kokoano 24:16

De abe ma titi o tentara abe ka onangohi yososawaro yoparangi ona gea yasana tumidi abe yao. De ona yasana moi abe duru yososawaro yodiai o kiahonanga o gotaino, de o gurasino de o haakaino, de o tabaagaino, de o behino, iti onangoo mata-mata abe de manga buturungoka la ato ona ka idadi yoparangi. De ona yososawaro gea ahao yahidotoomuino de o Yehuda ma nyawa manga tentara de ona yakokiaoka.

2 Kokoano 25:12

Masara o Nebusaradana gea wahigunoa o Yehuda ma nyawa utu abe duru yohu-huha la ona ka idadi yogogerohi manga tonakoka. De ona wahikarajaanga la o angguru ma redi, de o redi mata-mata utu abe naga o Yehuda ma tonakoka, ona gea kiani yapaliara.

Nehemia 1:2

De naga ahi gogianongoru womatengo ai romanga o Hanani de ai dodiawo yamuruono naga abe yomakiniiki yoboa o Yehuda ma tonakoka de yaino. De ngohi tatutumu onangika de taleha abe ma titi nanga gogianongoru o Yahudi ma nyawa abe ma dihira yahihupu manga tonakino masara ma oraha naa de yoliokali genangika. De talehali onangika abe ma titi nanga kota o Yerusaleeme.”

Estere 2:6

Ma dihira o Modekai ai kuwewete o Kisi gea wogogere o Yerusaleeme ma kotaka masara o Babele manga koano o Nebukanesara de ai tentara yaparangi hiadono ona o Isiraele ma tonaka ma hononga, abe ma romanga o Yehuda, yahikala. Ho o Nebukanesara de ai tentara yataoko o Yehuda ma nyawa manga koano o Yekonia de ai nyawa ko manga ngoe abe yogogere o Yerusaleemoka. De o Babele ma nyawa yahidadi manga huhuloko ho o Modekai ai kuwewete o Kisi naga o Isiraele ma nyawa manga doomuoka ma oraha yakokiao o Babele ma kotaika.

Matiusu 1:11

De ukuoli o Yosia to una ai ngofaka gea o Yekonia de ai roria-dodoto, abe ona gea yomaboa ma oraha o Babele ma nyawa yoboaino de yahikala o Isiraele ma nyawaika hiadono yataoko de yaoika o Babele ma tonakika.

Matiusu 1:12

De naa tinihingahuoli abe ma titi to Yesusu ai totofora utuoli abe ona yowango ma oraha o Isiraele ma nyawa naga o Babele ma nyawa manga kuahaka de ka hiadono ma oraha o Yesusu womaboa. Ho o Yekonia ai ngofaka ai romanga o Seatiele, de ukuoli o Seatiele ai ngofaka gea o Serubabele.

Matiusu 1:17

Ho ona mata-mata abe manga roma-romanga tinihingahuoka, ona gea yodadioka to Yesusu Kristusu ai totofora. De nako ngone haetongo to ona manga lape-lapeuku abe ma dodihiraka o Abarahaamoka de auku de ka hiadono nanga koano o Dautuku, gea manga lape ngimoi de iatuku. De abe nako haetongoli manga lape abe ma oraha o Dautoka de auku abe ka hiadono ma oraha o Isiraele ma nyawa yataoko de yaoika o Babele ma tonakika, de gea enangoo naga manga lape ngimoi de iatuku. De nagali ma lape ngimoi de iatukuoli abe nako to ona manga lape haetongo abe ma oraha o Isiraele ma nyawa naga o Babele ma tonakoka de ka hiadono womaboa nanga Koano o Kristusu.

1 Samuele 13:19

De ma oraha gea ngaro o Isiraele ma tonaka ma amokika masara ko iwa o nyawa abe yotobatutuku o behi, angamoi o Filistina ma nyawa ko yahigunoaua o karajaanga gea. Abe ona yohawana nako naga abe o behi yotuu-tutuku, gea ahao o Isiraele ma nyawa ka idadi yamake manga parangi ma dae o humaranga de o kuama.