2 Kokoano 24:12 - Ma Jou ai Demo-demo o Totobelohoka

¹² De ma oraha o Nebukanesara woboa o Yerusaleeme ma kotaino de o Yoyakini de ai duduhunu ma nyawa, de ai popareta ma hihira mata-mata, de o koano ngoi meme, ona mata-mata ka ma moi yomahidoaka o Babele ma koanoika angamoi gea yomangaku yokalaka. De o Yoyakini iwipakiti ho iwiaoka. De mata-mata gea idadi abe ma oraha o Nebukanesara wohikoano o Babeloka ai dekana ngade-ngade ai taongo tufangeino.

2 Kokoano 24:12 ပူးပေါင်းရင်းမြစ်များ

2 Kokoano 24:11

De ahao o Nebukanesara unangoo woboa abe ma oraha ka yaparangiohi o Yerusaleeme ma kotaika.

2 Kokoano 25:8

De ngade-ngade o mede moi ipahaino de o hidimono womatengo o Babeloka abe ai romanga o Nebusaradana woikoli o Yerusaleemika la utuohi wohirusaka. De ma oraha wodiai hokogea duru adaene o mede motoa de ma wange tumidoka abe o Nebukanesara wohikoano o Babele ma kotaka ai taongo ngimoi de hiwo ma dekanino. De o Nebusaradana, abe naa woiki duru de ai kuahaka o Yerusaleeme ma kotaika, una wileleani o Nebukanesarika abe una o koano ai gogoana ma doomu manga hidimono.

Estere 2:5

De ma oraha gea naga o Isiraele ma nyawa womatengo ai romanga o Modekai wogogere o Susana ma kota ma honongaka abe o koano ai tau naga genangoka. O Modekai gea ai baba o Jairi, de ai ete o Simei, de ai kuwewete o Kisi de manga tofora o Isiraele ai ngofaka o Benyamini ho ona yomahiromanga o Benyamini ma nyawa.

Estere 2:6

Ma dihira o Modekai ai kuwewete o Kisi gea wogogere o Yerusaleeme ma kotaka masara o Babele manga koano o Nebukanesara de ai tentara yaparangi hiadono ona o Isiraele ma tonaka ma hononga, abe ma romanga o Yehuda, yahikala. Ho o Nebukanesara de ai tentara yataoko o Yehuda ma nyawa manga koano o Yekonia de ai nyawa ko manga ngoe abe yogogere o Yerusaleemoka. De o Babele ma nyawa yahidadi manga huhuloko ho o Modekai ai kuwewete o Kisi naga o Isiraele ma nyawa manga doomuoka ma oraha yakokiao o Babele ma kotaika.