2 Kokoano 23:9 - Ma Jou ai Demo-demo o Totobelohoka

⁹ De manga hidemo Ma Jouika abe ma dihira yoleleani o popangaoika de naa ngaro yahigilioli o Yerusaleemino, masara ona gea ko yahigunoakaua yoleleani Ma Jou o Yawe ai huhuba ma ngioka. De ngaro ko idadiua yoleleani Ma Jou ai huhuba ma ngioka masara ona gea yahigunoa la yolomo yomakokutuono de manga dodiawo o hidemo utu abe manga inomo o roti ko iwa ma ragi abe o Isiraele ma nyawa yahidailako Ma Jou ai hidemo mata-mataika.

2 Kokoano 23:9 ပူးပေါင်းရင်းမြစ်များ

2 Kokoano 23:10

De naga o Bene-Hinomo ma dolaka o pangao o Moloko ma huhuba ma ngi ma romanga o Tofete. De genangoka o nyawa to ona manga ngofaka yomahihuba de o uku o pangao o Molokika. De o koano gea duru wohibinaaha o Tofete gea la ko idadiokaua o Isiraele ma nyawa manga ngofaka ngaro o nauru eko o ngofeka genangoka yomahihuba.

1 Samuele 2:36

De naga ma oraha abe to ngona ani totoforauku ona yomaponuku to una ai himangoka abe tihidadi o hidemo ma gou-goungu. Ona ani totoforauku yomaponuku hokogea de ahao yomagahoko o tiwi de o inomo abe ka de manga huhaka de aino yotemo, ato, ‘Duru mimagahoko ngonaika mia hidemo Ma Jouika la nomihigunoa la ngomioo mikarajaanga miniduhunu o hidemo ma karajaanga ma goronaka. Hokogea mimagahoko la ngomioo ahao miamake o inomo ma hidoku ma hohutulu nia leleanino.’” Hokogea Ma Jou o Yawe ai hingahu o Elika abe una de ona ai tauoka ka imahikauku wahohowono ma titi una de ai ngofaka yahinooto manga horoodo o inomika hiadono ko yomalegaikakaua Ma Jouika.