2 Kokoano 23:7 - Ma Jou ai Demo-demo o Totobelohoka

⁷ De naga o nau-nauru Ma Jou o Yawe ai Tau ma goronaka abe manga badanga yomatobafuku-fukunu la ka idadi o nyawa yomakitigi de o nau-nauru gea la ato hokogea yomahuba o popangaoika. De to ona manga ngi-ngi enangoo o Yosia wohikokihibinaaha. De genangokaoo o ngo-ngofeka manga ngi abe yodumo la o ngoere yodiai abe o nyawa yapake ma oraha yomahuba o ngo Asitorete ma pangaoika. De ma ngo-ngofeka gea to onangoo manga ngi o koano wohibinaahaka.

2 Kokoano 23:7 ပူးပေါင်းရင်းမြစ်များ

1 Kokoano 14:24

De ma oraha gea nagali o nyawa abe yomahidadidorou ma huhuba ma ngi-ngioka gea, de manga howono duru itorou gea imaketero dika hoka o homoa ma nyawa manga howono abe ma dihiraino yomanoa ma tonakoka gea. Abe Ma Jou wakiniiki o homoa ma nyawa gea manga tonakoka de yaika la to Unangoli ai nyawa ka idadi yomanoa genangoka, masara naa onangoo manga howono ka imakadaene dika de ma nyawa gea.

1 Kokoano 15:12

Una wahihihanga o popangao mata-mata abe ma dihiraino ai totofora yodiai. De wahihihanga o nau-nauru abe manga badanga yomatobafuku-fukunu o pangao ma tauoka la ato hokogea yomahuba manga pangaoika, ona mata-mata wahihupu ai tonakino ka hiadono ona duru ko idadiokaua yolio manga tonakika.

1 Kokoano 22:46

De mata-mata utu abe wodiai o Yosafata ma oraha wohikoano abe hokokia wohidagi ai kuaha ai kokawaahaika de hokokia ai nyawa wahihira-hira o parangioka, ma ade-ade abe ma titi mata-mata gea ihitulihukuoka o buku moioka ma romanga, “O Kokoano abe Ihikoano o Yehuda ma Tonakoka manga Ade-ade.”

Gegetongo 25:1

Abe ma oraha o Isiraele ma nyawa yomanoa o Sitimi ma dolaka, naga o Moaba ma nyawa abe yogogere ma tonakoka gea. De ipahaino de naga utu o Isiraele manga nau-nauru yomahipeseke de o Moaba ma ngo-ngofeka abe ma titi yomaidu de ona.