2 Kokoano 23:1 - Ma Jou ai Demo-demo o Totobelohoka

¹ Ho ka de o Yosia woihene Ma Jou ai hingahu unangika gea de una wahokino o Isiraele ma nyawa manga dimo-dimono mata-mata abe naga o Yerusaleeme ma kotaka de ona utu ka hiadono mata-mataika abe naga o Yehuda ma tonakoka wato kiani yokokiboa unangino.

2 Kokoano 23:1 ပူးပေါင်းရင်းမြစ်များ

2 Samuele 6:1

De ahao ma moioli o Dautu o Isiraele ma nyawa manga tentara manga nau-nauru watoomu abe ona ma dihirainohi yairikokau ma titi ka onangohi yososawaro yoparangi. De ona manga ngoe yasana moruange.

2 Kokoano 23:2

De ahao woiki daku o loku ma tubuiye abe genangoka Ma Jou o Yawe ai Tau de abe ona iwiniiki naga o nau-nauru mata-mata abe wahokino, de nagaoo o Isiraele ma nyawa manga hidemo Ma Jouika, de ona Ma Jou ai uru ma dodofanga, de ai kokawaaha abe yogogere o Yerusaleeme ma kota ma goronaka, onangoo ko manga ngoe yomakiniiki Ma Jou ai Tauika. Ho naga manga doomuoka, abe Ma Jou ai Tau ma lokuoka gea, o Isiraele ma nyawa abe ona yototipokouku de hiadono ona yokokurutiye ona mata-mata yomatoomuino genangoka. De ahao o koano waleino o buku ma lulu gea abe yamake Ma Jou o Yawe ai Tau ma goronaka. De o Yosia una ma hirete wabasa Ma Jou ai behehongo onangika abe ma buku ma luluino la ona mata-mata genangoka ka idadi yoihene.

Higalioli 31:28

Ho irahai ngini niabehehongo nia balu-baluhu de nia hohihira la yoboaino de yomatoomuino ahi himangoka. De ma oraha ona naga ahi himangoka de ngohi ka idadi tahiree-reeika onangika ma titi ahi hitiari ma demo naa. De hongoli marai koaho haahoko o dunia naa de ma dihangoo la enangoo idadi hoka o hakihii ma nyawa angamoi ena mata-mata yoihene ahi hitiari ma demo naa.

Yosua 24:1

O Yosua ai hingahu o Isiraele ma nyawa manga hohidimono mata-mataika ibooto de ahao una o Isiraele ma nyawa ma kokawaaha de manga hihira wakokiahokino la ona mata-mata yokokiboa o Sikeme ma kotaika. Ho ona yoboa de yomatoomuino ka ma moi de manga hohidimono abe yaperekioka, de manga haeke o dodoomuoka, de ona abe yatobauru-urusu manga gogianongoru abe yahowono, de manga tentara ma hohidimono ona mata-mata yoboa o Sikeme ma kotaino. De ona mata-mata gea yomatoomuino Ma Jou ai himangoka yododamaa to Una ai demo onangika.