2 Kokoano 22:9 - Ma Jou ai Demo-demo o Totobelohoka

⁹ De ahao o Safana woboa o Yosiaino de wihingahu wato, “Ahi koano, ka idadi naa tonihingahu abe ona Ma Jou o Yawe ai Tau ma ngoranoka abe o nyawa manga hidoaka o tiwi yotobadafongo, ona yodiai abe hoka nahibehehongoka onangika. Ho ma tiwi ena gea abe mata-mataika ma dihiraino yatoomuino, gea yahidoakoka onangika abe yatagongo itiai Ma Jou o Yawe ai Tau ma hidiai ma karajaanga ma hiaturu. De o hewa ma tiwi yahidoaka onangika abe yotobadiai ma karajaanga Ma Jou ai Tauoka.”

2 Kokoano 22:9 ပူးပေါင်းရင်းမြစ်များ

2 Kokoano 22:10

Gea o Safana wihingahu ibooto o Yosiaika de ahao wihimatoko Ma Jou ai Behehongo ma Buku gea, de wato, “Abeika o buku ma lulu nenanga abe nanga hidemo Ma Jouika o Hilikia wohihidoaka ngohino.” Hokogea wihingahu de ma buku gea wihimatoko o Yosiaika de ahao womulaenge ma buku gea wibasa unangika.

2 Kokoano 22:12

De naga o nyawa yamotoa yokokurutiye o Yehuda ma tonakoka abe o Yosia wabehehongo la yoboa unangino. Ona o Hilikia, una manga hidemo Ma Jouika, de o Ahikama abe ai baba o Safana, de o Akaboro abe ai baba o Mikaha, de o Safana abe wotobatulihi o koano ai hiaturu o kia dika naga, de o Asaya una abe ka ihikaika o koano ai datekoka la witobaduhunu de o sosawaro ma demo. Ho ona yamotoa yokokiboa de ahao wahibehehongo onangika abe hokokia kiani yodiai.

2 Kokoano 22:3

De o Yosia ai nyawa wahikoano ngade-ngade ma dekana o taongo ngimoi de tufangeino de una wohuha ma titi Ma Jou ai Tau ma ngoe irusakoka. De naga ai duduhunu o Safana abe wotobatulihi o koano ai hiaturu abe o kia dika naga. O Safana gea o Asalia ai ngofaka de to unangoli ai baba o Mesulama. De o wange moiuku o Safana gea o Yosia wiahokino de wihikarajaanga wato, “Safana, kiani noiki Ma Jou ai Tauika nitutumu nanga hidemo Ma Jouiye abe ka unangohi o hidemo wokokurutiye, ai romanga o Hilikia de ngona nadofanga ahi behehongo naa unangika, nato, ‘Nanga koano wonihibehehongo ngona o Hilikiaika la natailako o hidoaka Ma Jouika ma tiwi abe naga yagogono Ma Jou o Yawe ai Tauoka. O tiwi gea ma rupa o haaka abe ona Ma Jou ai Tau ma ngoranoka ma gogoana yodafongo mata-mata de ahao yagogono.

2 Kokoano 22:8

De ipahaino de o Hilikia gea wihingahu o Safanika, wato, “Abeika, ngohi naa tamakeoka o buku nenanga abe ma dola Ma Jou ai Behehongo abe naga ai behehongo ma hiaturu de ai pareta mata-mata ingodumu ma bukuoka! De ma buku nenanga tamake Ma Jou o Yawe ai Tau ma goronaka ma oraha mimahidiai o karajaanga mihidagi.” Hokogea o Hilikia wihingahu o Safanika de ahao o buku ma lulu gea wihidoaka unangika de ahao o Safana wabasa Ma Jou ai behehongo ma buku gea.