2 Kokoano 22:3 - Ma Jou ai Demo-demo o Totobelohoka

^3-4 De o Yosia ai nyawa wahikoano ngade-ngade ma dekana o taongo ngimoi de tufangeino de una wohuha ma titi Ma Jou ai Tau ma ngoe irusakoka. De naga ai duduhunu o Safana abe wotobatulihi o koano ai hiaturu abe o kia dika naga. O Safana gea o Asalia ai ngofaka de to unangoli ai baba o Mesulama. De o wange moiuku o Safana gea o Yosia wiahokino de wihikarajaanga wato, “Safana, kiani noiki Ma Jou ai Tauika nitutumu nanga hidemo Ma Jouiye abe ka unangohi o hidemo wokokurutiye, ai romanga o Hilikia de ngona nadofanga ahi behehongo naa unangika, nato, ‘Nanga koano wonihibehehongo ngona o Hilikiaika la natailako o hidoaka Ma Jouika ma tiwi abe naga yagogono Ma Jou o Yawe ai Tauoka. O tiwi gea ma rupa o haaka abe ona Ma Jou ai Tau ma ngoranoka ma gogoana yodafongo mata-mata de ahao yagogono.

2 Kokoano 22:3 ပူးပေါင်းရင်းမြစ်များ

2 Kokoano 23:23

Masara naa de abeika, o Yosia wahikoano ngade-ngade ai taongo ngimoi de tufange ma dekanino de una wohiaturu la o Totilakuru ma rame-rame ihirame-rame Ma Jou o Yaweika o Yerusaleeme ma kotaka.