2 Kokoano 22:11 - Ma Jou ai Demo-demo o Totobelohoka

¹¹ De o Safana wibasa o Yosiaika de una duru wototoihene Ma Jou ai Demo-demo gea abe ma dihira Ma Jou wohitulihukuoka ai Pareta ma Bukuoka. De o Yosia duru ai hininga ihuhaholi ka hiadono ai baju ai badangoka de wakakihi la wohitunguu ai hininga ma huha.

2 Kokoano 22:11 ပူးပေါင်းရင်းမြစ်များ

Dodadi 37:34

De duru o Yakubu ai hininga ma huha hoka woigo womarofu hiadono ai pakeangoo wakakihoka. De ahao womaturuuru de hoka o karongo womahinoauku ma titi ai hininga ma huha. De hiadono duru ai dekana o wange-wangeiye hokogea ai huha dika iwihipareta.

2 Kokoano 22:10

Gea o Safana wihingahu ibooto o Yosiaika de ahao wihimatoko Ma Jou ai Behehongo ma Buku gea, de wato, “Abeika o buku ma lulu nenanga abe nanga hidemo Ma Jouika o Hilikia wohihidoaka ngohino.” Hokogea wihingahu de ma buku gea wihimatoko o Yosiaika de ahao womulaenge ma buku gea wibasa unangika.

2 Kokoano 22:19

Ngohi Ma Jou o Yawe tonimake abe ma oraha ahi demo gea inibasa ahi bukuino de ngona duru nomatoduba de nomahitipokouku to Ngohi ahi himangoka. Abe ma oraha ngona noihene ahi hohowono ma demo o kotaika nenanga de duru ngona nohuha. De hokogea ani hininga ihuha angamoi ahi demo gea yadaene o kota ma kokawaaha mata-mataika de hiadono ahi hohowono ti ngini nia tonakoo ka yadaene mata-mataika. De angamoi Ngohi ahao tinihiofioka ngini abe nigogere nia tonaka ma amokika abe tinihikokihupuoka nia tonakino. Masara ka de ngona noihene ahi hohowono ma demo gea de ani huha duru ilamoko ka hiadono ani baju nakakihi de ani toduba nohigari ahi himangoka. Ho Ngohi Ma Jou o Yawe toihene ani toduba ma demo.

Yosua 7:6

De ma oraha yomahiadonino o Isiraele ma nyawa manga ngiino de o Yosua woihene abe idadi kangano de duru wohuha. De ahao una de o Isiraele manga baluhu yoiki Ma Jou o Yawe ai Behehongo ma Petika de genangoka manga pakeanga yakakihi de yomaoku-okutuku de o tonaka ma kafo manga mumukuku la ihitunguu manga hininga ma huha. De yomakokimotumuku o tonakoka Ma Jou o Yawe ai Behehongo ma Peti ma himangoka. De genangoka yomamotumuku ka hiadono yofutu.