2 Kokoano 21:11 - Ma Jou ai Demo-demo o Totobelohoka

¹¹ De hokonaa ai demo onangika, wato, “O Manase, una abe o Yehuda ma nyawa wahikoano, una wodiai duru itorouholi. Abe ngaro tahidotelega una de o Amori ma nyawa abe ma dihira yogogere ai tonakoka ma, ka unangohi wodiai itorou. De una waribuutu o Yehuda ma nyawaika la onangoo yomahuba-huba ai popangaoika hiadono onangoo yahowono ilamoko Ngohino.

2 Kokoano 21:11 ပူးပေါင်းရင်းမြစ်များ

Dodadi 15:16

Ho ani totofora yalape iatuku o tonakoka gea de ahao o Kanani ma tonakino naa yokokiboa ani totoforauku. De hokogea ma dekanino de ahao ona tahigogere nenangoka angamoi o Amori ma nyawa, abe ma oraha naa yogogere nenangoka, to ona manga howono Ngohino ko ilamokuahi. Ho Ngohi todamaa ka hiadono manga dualono ilamoko hiadono ko tomatongohonokaua de ahao totemo tato, ‘Ibooto!’ De ma oraha gea ona taturuuru abe ani totoforauku tahigogere o tonakoka naa.” Hokogea Ma Jou wihingahu o Abaraamika.

1 Kokoano 14:16

De hokogea Ma Jou ai nyawa, abe o Isiraele ma nyawa, wahidoaka ona o hohowonika ma titi o Yerobeama ai howono. Abe manga koano wahigaro de waribuutu o Isiraele ma nyawaika la onangoo duru yaniiki ai howono ma datoro.” Hokogea Ma Jou o Yawe ai hohowono ma hingahu o Yerobeamika de to una ai kokawaahaika mangale ma titi manga howono.

1 Kokoano 15:30

De hokogea ai behehongo ma hingahu idadi angamoi o Isiraele ma nyawa manga Jou, abe Ma Jou o Yawe, duru wingamo o Yerobeamika ma titi to una ai howono kohangoe abe wodiai Ma Jou ai himangoka. Abe ma titi wahowono Ma Jouika abe o Isiraele ma nyawa duru wahirehene o dorouika hiadono onangoo yahowono ilamoko Unangika.

1 Kokoano 16:19

De hokogea wohonenge angamoi ai howono ma ngoe abe to unangoo ai wowango ma datoro itorou Ma Jou o Yawe ai himangoka. Abe o Simiri gea unangoo womahuba-huba o popangaoika imaketero hoka manga koano ma dihira, o Yerobeamoli wodiai de hiadono o Isiraele ma nyawa wahihira-hira o howonika dika.

1 Kokoano 21:26

De o Ahaba duru womahitaanoka kiani ai hohowono duru itubuho angamoi ai dula-dulaka duru ma dorou o popangaoika abe womahuba-huba imaketero hoka o Amori ma nyawa abe ma dihira yogogere o Isiraele ma tonakoka gea. De ona abe ma dihira gea Ma Jou waduhuokahi ma tonakino gea de ahao to Una ai nyawali wahingohama manga tonakika gea.

2 Kokoano 21:10

De Ma Jou o Yawe naga ai hingahu ai nyawaika ma titi manga howono. De wipake womatengo abe una wihidadi to Una ai uru ma dodofanga la ai demo gea wadofanga o Isiraele ma nyawa mata-mataika.

2 Kokoano 21:16

De Ngohi duru tingamo o Manaseika mangale ma titi una duru wahigaro o Yehuda ma nyawaika la ka ihikaika yahowono Ngohi Ma Jou o Yawe ahi himangoka. De hongoli ahi ngamo ifae unangika abe una duru o nyawa manga ngoe watoma ngaro ko yahowonua. De hokogea manga awunu wakopoa o Yerusaleeme ma kota ma dobikoka ka hiadono ihahuru ma dobikika.” Hokogea Ma Jou o Yawe ai hingahu abe ai uru ma dodofanga wadofanga o Yehuda ma nyawaika.

2 Kokoano 21:2

De o Manase una duru wodiai abe itotorou Ma Jou o Yawe ai himangoka angamoi una waniiki o nyawa manga biaha abe ma dihira Ma Jou o Yawe wahihupu o Kanani ma tonakino. Ho ona gea Ma Jou wahihupu de waturuuru de o Isiraele ma nyawa abe onangoli wahigogere o Kanani ma tonakoka gea.

2 Kokoano 21:20

De o Amono una wodiai itorou Ma Jou o Yawe ai himangoka imaketero hoka ai baba o Manaseoli.

2 Kokoano 21:21

Abe o Amono waniiki to ai baba ai datoro ho unangoo womahuba-huba o popangaoika de ena gea woleleani imaketero hoka ai babali.

2 Kokoano 21:9

Masara o Isiraele ma nyawa manga Jou ko iwihigihenua de manga koano o Manase wahigaro ma dorouika hiadono ka onangohi manga dorou ilamoko abe nako de ona abe ma dihira Ma Jou o Yawe wahihupu o Kanani ma tonakino. Abe o Kanani ma nyawa manga dutu kohangoe Ma Jou wahibinaaha ma titi yodiai itorou.

2 Kokoano 23:24

De utuohi o Yosia manga tonaka wohitebini abe o kia naga abe ko Ma Jouokaua, de to Una ai mauokaua de aino, gea ena wohibinaaha. Abe ona yotobamai-maihi o tokatino ma duduhunu, de abe ona yatobagahoko o goma-gomangika, ona mata-mata gea ahao ko moiokaua naga. De ma dihiraino o tau homoi-homoiika naga manga gogoana manga babatingino de naga o popangao ma rupa duru ma ngoeohi abe duru Ma Jou waemono enangika. Ho enangoo o Yosia wohiofioka o Yerusaleeme ma kotaka ka hiadono o Yehuda ma tonaka mata-mataika ena gea ko iwaka.