2 Kokoano 2:21 - Ma Jou ai Demo-demo o Totobelohoka

²¹ De ma bokolo iwihidoaka o Elisaika de ahao una woiki ma ngiika abe manga akere ibubungiye de ma gahi gea wakopoa ma akeruku. Ka de ma gahi wakopoa hokogea de wotemo wato, “Hokonaa Ma Jou o Yawe ai hingahu nginika, wato, ‘O akere ma dorou nenanga idadioka o akere ma rorahai. Ko idadiokaua o nyawa yohonenge eko o ngo-ngofeka yokilianga ma titi o akere naa. De ngaro nia redi ma tonaka ma, o akere naa ihikutufuru de nia datomo ko ihikangelakaua hiadono ko ihasilua.’” Hokogea o Elisa wodiai o heheranga de Ma Jou ai kuaha.

2 Kokoano 2:21 ပူးပေါင်းရင်းမြစ်များ

2 Kokoano 2:20

De o Elisa womagahoko onangika wato, “Niale o bokolo duru ma hungi de o bokoloka gea nionoa o gahi de ahao ma bokolo gea nihihidoakino.” Ho ona yaoino ma bokolo abe de ma gahioka hoka womagahokoka.

2 Kokoano 2:22

De o Yeriko ma kota ma akere gea ka ma rorahaiohi imaketero hoka o Elisa wotemoka ka hiadono ma oraha o ade-ade naa ihitulihuku.

2 Kokoano 4:41

De o Elisa wato, “O tarigu nohileino!” De ahao ma tarigu gea woderero manga inomuku o manyila ma amo-amokuku de ahao wotemoli, wato, “Naa idadioka haolomo de ko inapadohakaua.” De ahao ona ma inomo gea yokokiolomo de ko yapadohakaua.

2 Kokoano 6:6

De Ma Jou ai uru ma dodofanga, o Elisa gea, wileha unangika, wato, “Ahi dodiawo, ka idadi nohihidumutu abe o kiauku itubuku?” Hokogea wileha de una wihidumutu abe o kiauku itubuku. De ahao o Elisa o gota ma jaga moi ma eteteke waotoino de o gota ma jaga ma dobiki waumo o bahuku ma dingiiuku. Ka de o gota ma dobiki gea waumo de itubuku ma bahuku ma dingiiuku ma akeruku de ka itodokanino de ma bahuku daukiye ipuda! De duru o akere ma lokuoka dika ipudaiye o bahuku o behino gea abe ko ilutuokaua.

Gogao 2:13

De ti ngini nia huhuba o gandumino mata-mata kiani nihisapuru de o gahi. O huhuba ma hisapuru o gahi gea idadi o hohininga ma dodunguu abe ihitunguu to Ngohi nia Jou ahi behehongo o Isiraele ma nyawaika abe ilaku ka hiado-adonika. Ho ufa ngini niawohanga ma hisapuru o gahi gea ma oraha nimahihuba Ngohino nia huhuba o gandumino. De nia huhuba utu ngaro o domorino eko nia huhuba o aewanino utu ma, kiani mata-mataika nia huhuba de ma hisapuroka o gahi.”

Matiusu 5:11

De ahao o Yesusu wogila-gila wadotoko iwinii-niikika wato, “De nako ngini nihinii-niiki Ngohi de genangino ma titi abe o nyawa iniwea-weara nia roma-romanga de inihikangela nginika, de abe inihiade-ade de o ngeluku ma dorou nginika, de gea nginioo niamake ma hiowa Ma Jouino.

Maruku 9:50

“De nako o huhuba, gea kiani naga de ma gahioka la imakiniiki de o huhuba ma hiaturu. De o gahi gea duru irahai. Masara nako o gahi la imakasapuroka de o tonaka, done sarakia nidiai la ma gahi ireeukuoli? De hokogenangoo imaketero hoka ngini naa. Abe ngini kiani nihiniiki Ngohi de nia hininga ma gahumu. Ho ufa nimahisapurika de o peseke, la gea ngini ka niakunu nihiniiki Ngohi de nia hininga ma gahumu. De moioli ahi behehongo, kiani ngini nimakao irahai.” De hokogea o Yesusu ai dodotoko abe iwinii-niikika la manga wowango duru itebini Ma Jou ai himangoka.

Yohanese 9:6

Hokogea o Yesusu wotemo ibooto de ahao o tonakuku waobiruku o Yesusu, de ai kibiri wohikaruwaeino de ma tonaka gea. Hokogea wodiai hiadono idadi hoka o tonaka ma tau-taulu de ahao wohiehe worafi-rafi ai lako ma lokuino.

Himatoko 21:4

De Una ahao manga koongo mata-mata abe manga lakoka de aino gea wakokiehe, angamoi ma kotaka gea duru ko iwaka o nyawa yohonenge de manga hininga ma huha de yoari-ari, de ngaro manga badanga ma kangela ma enangoo ko iwaka. De genangoka de imahikaika duru ko iwaka mata-mata gea. Angamoi gea ihira-hiraika duru ko iwakau.” Hokogea itemo ma ilingi gea.