2 Kokoano 17:28 - Ma Jou ai Demo-demo o Totobelohoka

²⁸ Ho naga Ma Jou ai hidemo ma nyawa womatengo abe unangoo iwihihupu o Samaria ma kotaino de naa una abe o Asuru manga koano wihuloko wolio o Betele ma kotaika. De genangoka una wadotoko onangika la ka idadi yomahuba itiai Ma Jou o Yaweika.

2 Kokoano 17:28 ပူးပေါင်းရင်းမြစ်များ

Matiusu 15:14

Ho ngini ngaro ufa dika de niatoihene o Farisi ma nyawaika. Angamoi ona gea yomahiromanga hoka o nyawa yatobahihira-hira o nyawa utuikali abe yorafi-rafioka la ufa ma ngekomoka de yaino yorehene. Masara o Farisi ma nyawa gea tanu ona ma hirete yorafi-rafioka ma titi Ma Jou ai hininga duru ko ihiorikua. Ho gea nako o nyawa yorafi-rafioka de yahihira-hira o nyawa utuoli abe onangoo yorafi-rafi, gea ona mata-mata ahao yaboriotaka ma guhuku. Ho ngini ngaro ufa de niatoihene to ona manga demoika.”

Yesaya 29:13

De ahao nanga Baluhu Ma Jou wohihingahu ai demo moi ma titi ai nyawa abe yomanoa o Yerusaleeme ma kotaka wato, “O nyawa naa ona yomahingahu ato yagou-goungu to Ngohi ahi nyawa, de o higiriiri ma demo Ngohino ipaata manga uruoka de aino. Masara abe igoungu gea manga hiningaka de yomatingakika duru ma gurutika. De ma oraha ato yomahuba-huba Ngohino de gea yanii-niiki dika o nyawa manga hiaturu.”

Yohanese 4:22

De ngini o Samaria ma nyawa ko niwihiorikuahi Una gea abe niato nimahuba-huba Unangika. Ma ngomi o Yahudi ma nyawa wiwihioriki Una gea mimahuba angamoi o duduhunu ma titi, abe ka idadi o nyawa yahihohe manga howonino, gea o Yahudi ma nyawaka de aino.

2 Kokoano 17:27

De ma hingahu gea wodafongo ho wahibehehongo ai popareta ma nyawaika wato, “Ngini kiani niwilingiri o Isiraele ma nyawa una gea Ma Jou ai hidemo ma nyawa womatengo abe ma dihira wogogere o Samaria ma kotaka. Ho ka de niwimake de ahao niwihigilio o Isiraele ma tonakika. De ngohi ahao tihikarajaanga unangika la ona abe naa ma duru tahigogere genangoka, ahao onangika wadotoko Ma Jou ai hiaturu abe ilaku ma tonakoka gea, de ena gea abe ahao kiani wahitararono onangika.” Hokogea o Asuru ma nyawa manga koano ai hiaturu ma behehongo.

Yunusu 1:9

De o Yunusu wopaluhu onangika wato, “Ngohi o Isiraele ma nyawa, de tomahuba Ma Jou o Yaweika, Una gea Ma Jou o Horogaka abe o tonaka de ma gahi mata-mataika Una watulaada.” Hokogea wahingahu onangika.