2 Kokoano 13:17 - Ma Jou ai Demo-demo o Totobelohoka

¹⁷ De ahao wihibehehongoli wato, “Yoasa kiani naa o jendela nafelenga abe yohimangika o wange ma hiwarika.” Ho o koano ma jendela gea wofelenga. Ka de ma jendela wafelengaka de o Elisa wihulokoli, wato, “Naa, ngona notoimi ma hoanika!” Hokogea wihuloko de hokogea ma koano wodiai. De ahao o Elisa duru wotemo de ai kuaha, wato, “Ahi koano, o hihiipi naa abe notoimoka idadioka Ma Jou o Yawe ai dodunguu ma hihiipi. Abe ai hihiipi naa ihitunguu o lolaku duru ihiboa ngonaika abe ma oraha nimaketeparangi de o Arama ma nyawa. Abe nako ma oraha ngini niaparangi o Arama ma nyawaika manga tonakoka abe niangika manga kota o Afekika de gea ngona nolaku ka hiadono to ona manga tentara nahikokibinaahaka.”

2 Kokoano 13:17 ပူးပေါင်းရင်းမြစ်များ

2 Samuele 5:24

Abe ma oraha ngini niihene ma ilingi moi o gota gea daku ma deka-dekaroka abe ma ilingi hoka o nyawa manga ngoe yomakode-kode, gea kiani nimahidiaioka! Angamoi ma ilingi gea ma dodunguu abe Ma Jou o Yawe wosoboka winihihira-hira la wahikala o Filistina manga tentara gea.”

1 Kokoano 20:26

De igoungu, adonoka ma oraha o hiwaroli abe o tonakino iwango ma hungioli, de una o Arama ma nyawa manga koano o Bene-Hadada gea, ai tentara ma hungi watoomuinoli de ona yosobo yoiki yaparangi o Isiraele ma nyawa. Masara ma oraha naa de ona yoiki o tonaka ma dolaika abe ihiromanga o Afeke ma dola.

1 Kokoano 20:29

De o Bene-Hadada ai tentara de o Ahaba ai tentara gea manga wange tumidino yomagoo-gogere dika manga dodogumu ma ngioka ona ka yomarihimangino dika de ko yomaketeparangiuahi. Ho manga wange ma tumidoka gea de ona ahao yomulaenge yomaketeparangi, de ma wange gea dika o Isiraele ma nyawa yakunu yatoma abe o Arama ma nyawa manga tentara abe yalou-lou yasana o ratuhu moi.

2 Kokoano 13:16

De ahao o Elisa wihibehehongoli unangika, wato, “Ngona naso enangika de nomahidiai la notoimi.” Hokogea o Elisa wihuloko de ahao o Elisa watamunu ma koano ai giama arihononga de to una ma hirete ai giama.

2 Kokoano 13:18

“De naa Ma Jou ai dodunguu moioli kiani nodiai de o hihiipi utu gea. Ho ngona ma hihiipi nafokotino ka ma moi de ahao nohiboha-boha o tonakuku.” Hokogea o Elisa wihibehehongo o koanoika de hokogea o Yoasa wodiai abe o hihiipi o pakiti moi una wagorakino de wohiboha o tonakuku ma hangeou.

Huhupu 4:17

De kiani to ngona ani tutukunu gea nao la de gea ena nohidadi o heheranga o nyawa manga himangoka.” Hokogea Ma Jou wihingahu ibooto o Musaika.

Huhupu 4:2

Ka de hokogea o Musa womademo de Ma Jou wileha unangika wato, “Gea ani kia nasoino?” De o Musa wopaluhu wato, “Naa ahi tutukunu abe tapake o domba de o kabingi togoana.”

1 Korintusu 1:18

De gea kiani to Una ai buturungino dika tapake abe o nyawaika tahingahu-ngahu ai gota isosalioaino ma abari gea. Angamoi igoungu naga o nyawa utu abe ka ihikitingakohi Ma Jouino, de ona gea o Kristusu ai abari yafikiri ato ibodo de ko iwa ma utumu genangino. Masara ngoneoli abe hingaku-ngakuoka, ngone ko hafikirua hato ibodo, masara ngone hato ma abari gea de ma buturungoka, de ma buturungu gea Ma Jouoka de aino.

1 Samuele 4:1

Ho nako naga o Samuele ai hingahu o Isiraele ma nyawaika ona mata-mata duru yototoihene ai demoika gea. De ma oraha gea o Isiraele ma nyawa de o Filistina ma nyawa yomaketeparangi. De o Isiraele ma nyawa manga tentara to ona manga dodogumu ma ngi imahikitigino de o Eben-Haesara de o Filistina manga tentara manga dodogumu ma ngi o Afekoka.