2 Kokoano 1:4 - Ma Jou ai Demo-demo o Totobelohoka

⁴ Ho naa Ma Jou o Yawe ai demo abe ka idadi niwidofanga nia koanoika. Una wato, “Naa tonihingahu abe ngona duru ko nomomikokaua ani ngingiduino angamoi naa kiani ngona nohonengoka!”’” Ho gea de ahao o Elia wosoboka la woiki wabuhuku ma koano ai nyawa de wadofanga Ma Jou ai demo onangika.

2 Kokoano 1:4 ပူးပေါင်းရင်းမြစ်များ

Dodadi 2:17

Masara naga o gota moi dika imatotogoronauku o redioka naa ufa naolomo ma hofoko, angamoi genangino nohioriki ma owa de ma dorou. De hokogea tonihingahuoka angamoi ka de o wange gea abe ko nohihingounua de naolomo, ka ma wange gea dika de nohonenge.” Hokogea Ma Jou o Yawe ai hitiari o Adamika.

Dodadi 3:4

De o dodiha gea imipaluhu de o budi ma demo munangika ato, “Masara koua, niaolomo dika angamoi ngaro ma hofoko gea niaolomo ka idadi de ngini ko nihonengua.

1 Kokoano 14:12

De ahao o uru ma dodofanga o Ahia gea womitemo o Yerobeama ngoi fekatika abe naa yomarihimanga, wato, “Masara nako ngona naa nolio dika! De ka de nowohama ani kotaika de ani ngofaka o Abia ai womaha ka itoaka ho wohonenge.

1 Kokoano 18:2

Ho o Elia wosobo wato witutumu o Ahabika la womahimatoko unangika. De ma oraha gea o hafini duru kohagiria o Samaria ma tonakoka mangale ma titi o hiwara o taongo hangeino ma dekana.

2 Kokoano 1:16

De ona iwiadono ho o Elia woboa ma koano ai himangino de una wotemo wato, “Naa ka idadi tonidofanga ngonaika Ma Jou o Yawe ai demo moi. Abe Ma Jou wonitemo wato, ‘Done ma titi o kia hiadono ngona nahidingoto ani nyawa o Ekonika la nolingiri o demo ma titi ngona abe to ona gea manga jou o Baala-Sebuboka de aino? Bote ngona nafikiri nato o Isiraeloka naa de ko iwa Ma Jou la ka Ngohino dika nohileha gea? Ho mangale ma titi ani datoro gea hiadono ngona ko idadiokaua toniduhunu ho o hitogumu ani badanga ma kangelaino ko namakeua. De ngona marai ani ngingiduino ko nomomikokaua angamoi itigioka ani gahe nohonenge!’ Hokogea to Una ai demo abe ngohi tonidofanga ngonaika ahi koano.”

2 Kokoano 1:5

De ma koano ai nyawa yoihene ma demo abe o Elia wadofanga onangika de ahao ona ko yogila-gilauali o Ekonika masara ka iwigilio manga koanoika. De iwiadono ma koanoika de una waleha wato, “Ngini naa duru ko initedekanuahi, ho marai ma titi o kia naga hiadono nimataiti nilioino?”

2 Kokoano 1:6

De ona iwipaluhu ato, “Mia koano, marai naga o nauru womatengo abe mimakamake de una mia dodagi ma gogiriaka, de una gea womihuloko la ka milio naangino de minidofanga ngona mia koanoika Ma Jou o Yawe ai demo moi. Abe Ma Jou wonitemo wato, ‘Done ma titi o kia hiadono ngona nahidingoto ani nyawa o Ekonika la nolingiri o demo ma titi ngona abe to ona gea manga jou o Baala-Sebuboka de aino? Bote ngona nafikiri nato o Isiraeloka naa de ko iwa Ma Jou la ka Ngohino dika nohileha gea? Ho mangale ma titi ani datoro gea hiadono ngona ko idadiokaua toniduhunu ho o hitogumu ani badanga ma kangelaino ko namakeua. De ngona marai ani ngingiduino ko nomomikokaua angamoi itigioka ani gahe nohonenge!’ Hokogea to una ai demo abe ngomi minidofanga ngonaika mia koano.”

1 Samuele 28:19

De hongoli Una ko itedekanuahi de winihidoaka ngona de o Isiraele manga tentara ma nyawa o Filistina ma nyawa manga giamika. Abe itebini dika de Una wohiaturu la ona inihikala ngini mata-mataika, de ngona de ani ngofa-ngofaka nihonenge de ahao niboa naangino la ngone homahingi moioka dika.