2 Kokoano 1:15 - Ma Jou ai Demo-demo o Totobelohoka

¹⁵ De ma hidimono gea wotemo ipaha de ahao Ma Jou o Yawe ai malaekata witemo o Eliaika wato, “Noutiuku dika de nimakiniiki de una, de ngaro ufa dika ngona nimodongo.” Ho o Elia womaokoiye de ona yosobo yomakiniiki abe manga dumutu ma koanoika.

2 Kokoano 1:15 ပူးပေါင်းရင်းမြစ်များ

Dodadi 15:1

Mata-mata gea ipaha de ahao naga moi o himatoko Ma Jou o Yaweoka de aino abe wihimatoko o Abaraamika. De ai himatoko gea imaketero hoka duru yomarihimangino, de Ma Jou wihingahu wato, “Abaraama, ngaro o kia dika naga ma ufa nohawana, Ngaro naga ani musu ma Ngohi todadi ani dadatoko, De ani utumu o kiahonangino abe Ngohino ahao namake kohaamoko, Mangale ngona nosanangi nohiniiki Ngohi naa.”

1 Kokoano 18:15

De o Elia wihingahu unangika wato, “Iya, nagoungu Ma Jou o Yawe wowango-wango, de gea Una tileleani ngohi ho Una ka ihikaika wohimake. Ho naa ngohioo tagou-goungu totemo tato duru o wange naa dika de ngohi ma hirete tomahimatoko o Ahabika.”

2 Kokoano 1:14

De ngohi tohioriki abe ma dihiraino de ma hinooto ibooto o uku ma dokara yoguti daku de auku de yahohonenge mia dodiawo o tentara ma nyawa yaratuhu moi de manga hidimono yahinooto gea. Masara ngohi duru tomagahoko la ufa ngomi naa mia wowango nohibinaaha abe hoka onangoli.”

2 Kokoano 1:3

Masara gea ahao Ma Jou o Yawe ai malaekata woiki o Eliaika abe una o Tisebe ma nyawa de wihuloko moi o Eliaika. Abe ma malaekata gea wato, “Ngona nomasikaa de noiki nabuhuku ma koano gea ai nyawaika. De kiani nadofanga ma demo naa onangika, nato, ‘Mode ngini niato bote ko iwa nanga Jou o Isiraeloka naa! De gea ma titi hiadono ngini naa nia dumutu o Baala-Sebubika, o Ekono ma nyawa manga jou gea, de niolingiri to ena ma demo nia koanoika!

Matiusu 10:28

De to Una ai demo o Yesusu wohigila-gilahi wato, “De naa tohigalioli ahi demo abe tato ufa niamodongo o nyawaika. Angamoi ngaro o nyawa inihikangela nginika de inihidee la ato initoma, ma gea ti ngini nia badanga dika abe ka idadi yatoma. De nako ti ngini nia jiwa, gea o nyawa ko yakunua yahohonenge enangika, masara abe nako Ma Jou, Una dika ka idadi wahibinaaha o nyawa manga badangoo de manga jiwaoo o Naraka ma ukuika. Ho koaho niwimodongo Unangika dika de niwihoromati ma titi ai kuaha kohaamoko gea.”

Ibarani 11:27

De mangale o Musa wingaku ho o Mesiiri ma tonakoka de waino wohupu, de gea woara ko mangaleua ma titi abe wohawana ahao ma koano wingamo unangika. De o Musa ka ihikaika wogila-gila waniiki ai ngekomo ma hidumutika de woluku iwihirehene genangino, de gea ma titi to una ai hininga ma lakoka de aino imaketero hoka ka ihikaika widamaana Ma Jouika, abe Una gea tanu ko idadiua ngone himake de nanga lako biaha.