2 Kokoano 1:10 - Ma Jou ai Demo-demo o Totobelohoka

¹⁰ De o Elia wipaluhu wato, “Ngona nagoungu abe ngohi naa Ma Jou ai uru ma dodofanga. De mangale ma titi naga ahi kuaha Unangoka ho naa togahoko la naga o uku ma dokara yoguti daku ma dihangoka de auku nginiuku de inihibinaaha ngona de ani tentara mata-mataika!” De ka de wotemo ipaha de o uku ma dokara yoguti onanguku de yokokihonengoka.

2 Kokoano 1:10 ပူးပေါင်းရင်းမြစ်များ

1 Kokoano 22:28

Masara o Mika ka wotemoli wato, “Nako hoka ngona o parangioka de nolio de ko kia-kiaua idadi ngonaika, gea ma titi Ma Jou o Yawe ko wotemoua to ngohi ahi uruino!” De ahao ka wodogoli wato, “Ngini mata-mata koaho niongano-nganono ahi demoino naa de ufa niawohanga!”

2 Kokoano 1:11

De ipaha ma koano woihene hokokia idadi de ahao wahidingoto ai tentara ma nyawa yamoritoali de to onangoli manga hidimono womatengo. De ma hidimono gea unangoo witemo o Eliaika de ai demo imaketero dika de una wohira-hira abe wato, “Ngona naa abe nodadi Ma Jou ai uru ma dodofanga, nanga koano wonihuloko la noutiuku de homakiniiki hoiki unangika.”

Higiriiri 105:15

Ma Jou wahitiari wato, “Ngini ufa to Ngohi ahi nyawa niahikangela, Ona gea tairikoka de tomahitongohioka, De naga ahi uru ma dodofanga manga hidogoronaka, ho ufa onangoo niahikangela.”

Higiriiri 106:18

De ma moioli Ma Jou wohiboa manga doomuino o hohowono ma rupa o uku. De abe ona yodiai itotorou Ma Jouika yauku hiadono yotinoka.

Gogao 10:2

Ho ka itodokanino naga o uku Ma Jou o Yaweoka de aino de yadaene o Nadaba de o Abihu o Tau o Ngoerino ma himangoka de genangoka ona yokokihonenge Ma Jou o Yawe ai himangoka.

Gegetongo 11:1

O Isiraele ma nyawa manga dodagi ma goronaika ko itedekanuahi de yomulaenge iwihigurubungu Ma Jou o Yaweika ma titi yamake manga kangela ma ngoe manga dodagioka. De Ma Jou o Yawe ko wosanangiua ka ihikaika woihene manga gurubungu ma demoika ka hiadono ai ngamo itagi onangika. Ka itodokanino de naga o uku itokara manga tau ma doomu ma datekoka abe Ma Jou o Yaweoka de aino ma uku gea. De ma uku Ma Jou o Yaweino gea duru itokara ma amokika manga doomu ma ngi ma honongaka hiadono naga o nyawa utu yauku hiadono yotinoka. De ngaro ikuranga yowoe abe yohonenge o uku ma goronaka, masara manga tau o ngoerino manga doomu ma datekoka kohangoe ko iwaka angamoi youku de ma uku gea.

Gegetongo 16:35

Masara ona yaratuhu hinooto de yamoritoa gea abe iwinii-niiki o Kora ko yoarua yomahikabarihi ho ona nagahi manga dingiioka de itodokanino nagali o uku Ma Jou o Yaweoka de aino! De o uku gea duru ka itodokanino itokara ma amokika de yakokiuku ka ma moi o nau-nauru yaratuhu hinooto de yamoritoa gea abe yomahihuba manga manyanyi, gea ona mata-mata Ma Jou wakokitufukoka.

Matiusu 21:41

De o hohidimono gea yopaluhu ato, “Nako ngomi miato koaho una woboa la ona abe ai redi yogoa-goana de abe yotobatorou, koaho wahibinaaha de o hohonenge ma dorou onangika. Wahibinaaha ibooto de ahao o nyawa utuoli wairiki la onangoli ahao yogoa-goana ai angguru ma redi gea, la nako adonoka ma oraha abe ahao amake o redi ma hasili de ona iwihidoaka ma dutuika ma hasilino ma hononga ai angguru ma redino gea.”

Lukasa 9:54

De abe ma oraha o Yakobusu de o Yohanese yoihene ma titi o Samaria ma nyawa manga ngongoluku gea de yotemo o Yesusika ato, “Mia Baluhu, nako Ngona ka nomodeke, koaho irahai ngomi migahoko o uku o Horogaka de manga kaponguku la yahikokibinaaha ona gea.”

Hidingoto 12:19

De ma koano o Herodese wahuloko ai tentara la duru ihidodiai iwilingiri o Peturusu masara ka parahaja dika angamoi ko iwimakeua. De mangale ma titi ko iwimakeua ho ma koano wahokino ai tentara gea abe o futuika iwigoa-goana o Peturusu de waleha-leha de watailako onangika. De watailako ipahaino de wahuloko la ona ka yatomaka dika. De gea ipaha de o Herodese o Yudea ma tonaka wanoaikahi de woiki o Kaisarea ma kapongika de womagoo-gogere genangoka.

Ibarani 12:29

Angamoi duru igoungu abe nako ma oraha nanga Jou wahohowono o nyawaika de ai hohowono gea imaketero hoka o uku moi duru kohaamoko abe yahibinaaha mata-mataika abe adaene enangika. Ho gea hiadono tonahigaro tato irahai ngone naa hasoino Ma Jou ai hininga ma owa ngoneino.

Himatoko 11:5

De nako o nyawa onagona dika manga hininga ato yahikangela eko yahiodiri ona yahinooto manga badangika, gea ona yahinooto ahao manga uruiha ihupu o uku de hiadono manga musu gea yatufuku hiadono yotinoka. De kiani hokogea ahao o nyawa yohonenge nako ihitaili la yahikangela yahinootoika gea.