1 Yohanese 5:3 - Ma Jou ai Demo-demo o Totobelohoka

^3-5 Angamoi nako ngone hidora Ma Jouika, gea ma titi haniiki to Una ai behehongo ngoneino. De gea tanu ko itubuhoua la ai behehongo ngone hanii-niiki, masara gea hatoli iuwini, angamoi ngone hodadioka Ma Jou ai ngofa-ngofaka. Abe ngone hongaku-ngakuoka ma titi o Yesusu Una Ma Jou ai Ngofaka, ho ma titi nanga ngongakuino gea de ngone hohikokikalaka o dunia naa ma kuahaika. De nako ngone ma dunia hohikalaka, gea hatoli igapanga la ai behehongika hanii-niiki. Ho iti ngone hanii-niiki to Una ai behehongika de gea inahitaanoka abe ngone hagou-goungu hidora Ma Jouika de ai ngofa-ngofakikaoo hadora abe nanga gogianongoru mata-mataika.

1 Yohanese 5:3 ပူးပေါင်းရင်းမြစ်များ

Huhupu 20:6

Masara ona abe ihihingounu Ngohi de yaniiki ahi pareta ahao onangika tadora hiadono manga gawo ma pukuku de hiadono yolape o sana moiuku manga ngoeuku.”

Sosawaro 3:17

De nako o sosawaro Ma Jouino ngona naniiki de ena gea idadi ani hihira ani wowangoka hiadono ani wowango ma dodagi ma goronaka naga nadaene o sosanangi ma ngoe. De nagali o sosawaroino ma utumu abe iniao o hikadame ma ngekomika.

Mika 6:8

Koua, ahi gogianongoru! Duru ko hokogenangua abe Ma Jou woigo la ngone hodiai! Abe Una wonahingahuoka nanga datoro hokokia abe itiai, de abe duru imakiniiki de to Una ai mau ngoneino. Abe Una woigo la ngone hatobaniiki o totiai ma datoro, de woigo la nanga gogaoino de hatobagou-goungu abe Unangika de nanga date-datekika. De nagali woigo la nanga wowangoino de hohidodiai hotagi-tagi ka Unangika dika. De gea ena abe Ma Jou o Yawe ai mau ngoneino la ka idadi wonadafongoli.

Matiusu 23:4

De ona ka ihidogo Ma Jou ai Paretaino de to ona ma hirete manga pareta abe yomahohiningaiye, de manga paretaino gea de duru yahitubuho o nyawaika. De manga pareta gea kohadubuho hiadono o nyawa tanu ko yakunua yaniiki enangika. De gea ho Ngohi tahiketero ona yotobadotoko ma paretaino de o Farisi ma nyawa. Abe Ngohi tato imaketero hoka o nyawa manga ginaika ona ihitubuho ho duru yahikangela onangika. Masara ona gea duru ma hohutuloo de ko yaduhunua onangika, ka yahikangela dika onangika.”

Yohanese 14:15

De o Yesusu ka wotemohi ona iwitobaniikika wato, “Ho ngini nako nihidora Ngohi maraioka duru nihihigihene ahi behehongo nginika ngaro o kia dika tinihibehehongoka.

Yohanese 15:10

De gea kiani nihihingounu. Ngohi tohingounu ahi Baba ai behehongo mata-mata ho ka ihikaika tomanoa ai doraka. De imaketero hokogea nginioo ka ihikaika nimanoa ahi doraka iti ahi behehongo nihingounu.

Yohanese 15:14

De ngini naa nidadioka ahi dodiawo nako nidiai hoka tinihibehehongoka.”

Roma 7:12

Ho ka idadi tohigalioli abe ahi demo kangano abe ngohi tato nako Ma Jou ai Pareta, gea ko itoroua masara ka itebi-tebini dika, de to ena ma demo mata-mataika gea duru ka itotiai dika de irorahai angamoi Ma Jouoka de aino iboa. Masara ma howono gea duru imanoa ngohioka angamoi ko tanii-niikua ai Paretaika.

Roma 7:22

Angamoi nako ahi hiningaka gea ngohi duru tosanangi dika taniiki Ma Jou ai Paretaika ho hiadono toigo ma rorahai todiai.

Ibarani 8:10

De ahao ka wogila-gilahi wotemo wato, “Ho ngona naa Ngohi ani Baluhu idodutu tonihingahu ngonaika abe ahao ma oraha dokengika de o behehongo ma hungioli tahidoaka o Isiraele ma nyawa mata-mataika. De hokonaa abe ahi behehongo ma hungi ma demo ahao tahidoaka onangika. Ahao to Ngohi ahi pareta tohingohama to ona manga hininga homoi-homoi ma goronaika la enangika gea duru yongano-nganono, de gea ngade-ngade imaketero hoka ahi pareta gea tohitulihika to ona manga hiningaika. De ma oraha gea ona ahao duru yagou-goungu yomahuba-huba Ngohi manga Jouino, de gea Ngohi duru tafetongo onangika tato to Ngohi ahi nyawa tatobapaliara.

1 Yohanese 2:3

De nako ngone hingakuoka de Ma Jou ai behehongo ma demo ngone hanii-niiki nanga wowangoka, gea inahitaanoka abe ngone hagou-goungu hihioriki Unangika.

2 Yohanese 1:6

De nako nanga dora itagi gea ma titi o kia? De gea ma titi abe ngone ka ihikaika hatobaniiki to Una ai bobehehongo to ngone nanga wowangoka. De nako ai behehongo moi ngoneino abe ka ma dodihirainohi hoihene, de gea ena wohigali-gali wonahibehehongo wato nanga wowangoka de kiani ka ihikaika homakodora.