1 Yohanese 5:15 - Ma Jou ai Demo-demo o Totobelohoka

¹⁵ De mangale hohioriki abe Una wonahigihene, gea hohiorikoo abe nanga gogahoko o kia dika homagahoko Unangiye abe iti imakiniiki de to Una ai mau, de gea ena ahao wonahidoaka ngoneino.

1 Yohanese 5:15 ပူးပေါင်းရင်းမြစ်များ

1 Kokoano 3:12

Ho mangale ma titi ani gogahoko gea irahai ho ka idadi tohimoteke enangika. Abe Ngohi tonihidoaka ngonaika o sosawaro de o tobahioriki ma amoko hiadono ngaro onagona dika ma dodihirainohi de onagona dika abe nanga himangika masara duru ko yaiwa abe manga hininga imaketero hoka to ngonali ani hininga!

Sosawaro 10:24

Ona abe yototualono duru yomodongo o boditoika de igoungu ika-ika de o bodito yadaene. Masara ona abe yanii-niiki Ma Jou ai totiaiika, ona yongano-nganono la yamake ma rorahai manga wowangoka. De igoungu to ona manga nganganono ma rorahai ena gea ahao yamake.

Sosawaro 15:29

Ma Jou o Yawe de o dorou ma nyawa yomakitingaka kohagurutika, masara abe o totiai ma nyawa, to ona manga niniata ma demo de Una wahigihene enangika.

Maruku 11:24

Gea ho tinihingahu tato abe ma oraha nimagahoko moi Ma Jouino, gea iti ningaku abe nia gogahoko gea Ma Jou ka idadi winihidoaka. De nako hokogea nia ngongaku, ahao Ma Jou winihidoaka nia gogahoko gea.