1 Yohanese 4:4 - Ma Jou ai Demo-demo o Totobelohoka

⁴ Masara nako ngini naa, ahi ngofa-ngofaka, ngini nidadioka to Ma Jou ai nyawa, ho tanu niahikalaka ona gea abe yodoto-dotoko o ngelu-ngelukino. De gea ngini nilaku ma titi nako Una abe womanoa ngoneoka de ena gea abe imanoa o dunia ma nyawaka, masara duru ka Unangohi ai kuaha ilamoko, de Una dika abe winihiakunu nginika la ka idadi ngini nilaku.

1 Yohanese 4:4 ပူးပေါင်းရင်းမြစ်များ

Yohanese 12:31

Adonoka ma oraha o dunia ma hohowono, abe ma oraha naa de idadi Ma Jou wohikala ena gea abe o dunia apareta.

Yohanese 14:30

Ho naa Ngohi ko itedekanokaua de ko tinihitararonokaua abe hokonaa tinihitararono angamoi ena gea abe o dunia yapareta itigioka iboa nginika, ma ena gea ko idadiua ihipareta Ngohino.

Yohanese 16:11

De abe ma titi o hohowono o binaahaika enangoo Ma Jou o Womaha wahitararono duru itaana. Abe o Ibilihi Ma Jou wahohowonoka o binaahaika de angamoi o Ibilihi gea o dunia ma nyawa yapareta ho onangoo ahao wahohowono o bobinaahaika.”

Yohanese 17:23

Ho Ngohi naga onangoka de Ngona naga Ngohioka. De toigo la manga rimoi duru itiai la gea o dunia ma nyawa mata-mataika ka idadi duru ihioriki gea Ngona Baba nohihidingotuku o duniauku naa. Iti ona ihiorikoo ani dora itagi ihingaku-ngakuika imaketero hoka itagi Ngohinoo.”

Roma 8:31

De naa abeika honganonoli abe ma titi Ma Jou ai duduhunu kohaamoko de kohangoe abe ngoneino. De ai duduhunu gea mata-mata duru itaana abe Una ai hiningaka de duru wosanangi wonaduhunu ngone naa. De naa tonaleha, nako Ma Jou Una ma hirete wonatobaduhunu de ai hiowa gea mata-mata, done ka onagona yakunu inalawana de hiadono inahikala?

Roma 8:37

De ngaro ngone haohana o kangela gea mata-mata nanga wowangoka, masara ena gea ko idadiua inahikala de ko idadiua inahikatingaka ngone o Kristusu ai doraka de aino. Abe ma titi ngone naa duru holaku-laku ma titi o Kristusu wonatobadora ngoneino.

1 Korintusu 2:12

De ngomi abe mihingahu-ngahu o Abari ma Rorahai, ngomi naa ko womihidoakua o dunia naa ma hininga, masara Ma Jou o Womaha dika, Una gea womihidoaka ngomino la ngomi ka idadi mihioriki de miataoko ma demo gea mata-mata abe iti ka Ma Jou womihidoakoka ngomino.

1 Korintusu 6:13

De o demo moioli naga yotemo-temo nginioka ato, “O inomo naga la ihisanangi nanga ohu, de nanga ohu naga la ka idadi ma inomo ihisanangi enangika.” De ma demo gea igoungu, masara ahao naga ma oraha abe nanga ohu de nanga inomo gea hinootoo Ma Jou wohibinaaha mata-mata. Masara abe nanga badanga, ufa ngone hafikiri hato nanga badanga naga la homahisanangi dika de homakitigi abe ko itiaiua. Hokogenangua ma titi, masara nanga badanga naga la hihisanangi nanga Baluhu. De nanga Baluhu, Una gea nanga badanga ma dutu.

2 Korintusu 6:16

De done sarakia Ma Jou ai Tau de o popangao ma tau imakiniiki? Duru imakohowono! De abeika ma titi ena gea homafikirohi, angamoi ngone naa homaketero abe hoka Ma Jou ai Tau abe Una gea duru wotobawango ka hiado-adonika. Abe Ma Jou Una ma hirete ma dodihiraino de wotemo wato, “Ngohi ahao tomanoa onangoka de totagi-tagi to ona manga hidogoronaka. De Ngohi todadi to ona manga Jou ho ona to Ngohi ahi nyawa.”

Efesusu 2:2

De ngini ma oraha gea nia wowango ma goronaka de gea nimaaduru dika abe hoka o dunia ma nyawa utu yowango manga howo-howono ma goronaka. De gea ngini nianiiki dika o Ibilihi ma haeke ma hininga, abe ena gea hohiromanga hato daku ma hoanino ma hidimono ikokurutiye ena gea. De o toka-tokata ma haeke gea ena abe ma oraha naa ka ikarajaangohi o nyawa manga hiningaka la ona duru yoluku iwihingounu Ma Jouika ho hiadono yahowo-howono Unangika.

Efesusu 3:17

De gea tinigahoko la o Kristusu ka idadi womanoa ngini homoi-homoi nia hiningaka ma titi nia ngongakuino, de abe tato la ngini nia ngongaku utuohi idogo Unangika, la utuohi nimaketebiaha de Una nia borihiningaka. De gea ngohi toigo la ngini duru nimahingutukuku Ma Jou ai dorauku la ufa genangoka de nikelu-kelu.

Efesusu 6:10

De naa ahi gogianongoru, ahi dodotoko moiokahi naa abe ahi huratoka tato tinihingahu nginika. De gea ngini kiani ka ihikaika nimahiputurungu nanga Baluhu idodutuika de to Una ai kuahaino abe duru kohabuturungu ai kuaha gea.

1 Yohanese 2:1

Ahi ngofa-ngofaka o ngongakuoka, ahi hurata ma demo naa tohitulihuku de tohidingoto nginika la tato ibootohi ngini niahowono. Masara nako hiadono idadi abe niahowono, ufa niawohanga abe naga womatengo ka idadi winiduhunu de winihidemo Ma Jou o Baba ai himangoka. De Una gea o Yesusu Kristusu abe duru wotobatotiai, ho Una ka wakunu wonahidemo o Babaika nako idadi abe hahowonoka.

1 Yohanese 2:13

De abe ngini o balu-baluhu, ngohi ahi demo tohidumutu nginika mangale ngini niwihioriki Unangika abe ka ma dodihirainohi de Una gea nagau. De abe ngini hatoli ka o goohi, ngohi ahi demo tohidumutu nginika ma titi ngini nihikalaka enangika abe duru ma datoro itobalawanika.

1 Yohanese 3:20

Ho ngaro ngone ma moi ma moi homamao nanga hininga ko iriidua abe nagahi nanga howono ho kiani Una wonahohowono ngoneino, masara tanu ai hohowono gea ngoneino waofiokau. De nako to ngone nanga hininga de Ma Jou, ma ka to Unangohi ai tobahioriki duru ilamoko angamoi Una gea duru mata-mataika wohioriki. De gea Una duru ko wawohangua abe nanga hohowono waofioka ho ko inadaenokauali. Ho gea ka idadi ngone honganono abe duru ka to Unangohi ai hininga itaana ho ngaro ufa dika de hopusingohi ma titi nanga hininga gea nanga hohowonika. De gea ena ma titi hiadono to ngone nanga hininga ka idadi iriidi dika to Una ai himangoka de ko iwa nanga hawana.

1 Yohanese 4:13

De mangale ma titi Una wonahidoakoka ngoneino Ma Jou o Womaha la Una womanoa ngone homoi-homoioka, ho ma titi genangino ho duru hohioriki itararono abe ngone hagou-goungu homanoa Unangoka de abe Unangoo wagou-goungu womanoa ngoneokaoo.

1 Yohanese 4:16

De naga moiohi abe inahitaana ngoneino ma titi nanga gogao Ma Jouika, de gea abe Ma Jou ai dora naga imanoa ngoneoka. Angamoi ngone duru hohioriki de hongaku ma titi Ma Jou ai dora itagi ngoneuku. De mangale ma titi abe Ma Jou ai hininga gea duru ihititi o doraka, ho ka idadi hohioriki abe onagona dika yomanoa o doraka gea ona yomanoaoo Ma Jouoka, de Ma Jou Unangoo womanoa onangokali.

1 Yohanese 4:6

Masara ngomi naa to Ma Jou ai nyawa abe Una womihidadi ngomi to Una ai hidingoto ma nyawa, ho onagona dika abe iwihioriki Ma Jouika, ona gea imihigihene to ngomi mia demoino. Masara nako o nyawa utu abe ona ko to Unangua ai nyawa, ona gea ko imihigihenua ngomino. De ma titi o nyawa manga dodoihenino gea de ka idadi hahikohowono ona abe Ma Jou o Womaha naga onangoka de wahihira-hira ona la hiadono ona yaniiki ma gou-goungu ma demoika, de abe onangoli yatobaniiki o ngelu-ngelukika ma titi o womaha utuoli yahihira-hira ona gea.

1 Yohanese 5:19

De ngone hohioriki abe nako o dunia naa mata-mataika, gea duru o Ibilihi ma haeke ma giamoka imanoa. De hohiorikoo abe nako ngone naa, ngone hagou-goungu hodadioka Ma Jou ai ngofa-ngofaka idodutu.

Himatoko 12:11

De ona nanga gogianongoru ihikala enangika ma titi yomahinganono o Domba ma Ngofaka ai awunika de ma titi Ma Jou ai Demo-demo abe ona yahingahu-ngahu de duru yahigaro o nyawa utuika la ato ka idadi iwingaku Ma Jouika. De ona ngaro o honenge yaohana ma titi o Abari ma Rorahai yahingahu-ngahu, masara ona ato koaho yohonenge dika iti ufa yorehene Ma Jouino. De hokogea ma titi hiadono ka idadi ihikala o Ibilihi ma haekika.”