1 Yohanese 3:9 - Ma Jou ai Demo-demo o Totobelohoka

⁹ Ho onagona dika yomaboali Ma Jouino, ona gea o howono ko anii-niikua, angamoi gea Ma Jou ai ngofa-ngofaka yodadioka, ho Ma Jou ai hininga imanoa onangoka. De ona gea tanu ko yadadiua yatobahowono angamoi duru Ma Jouoka de aino ona yomaboa.

1 Yohanese 3:9 ပူးပေါင်းရင်းမြစ်များ

Matiusu 7:18

De nako o gota ma rahai gea ko idadiua ihihofoko de ma hofoko ma dorou, de nako o gota ma dorou gea ko idadiua ihihofoko de ma rorahai.

Yohanese 1:13

Ho gea yodadi Ma Jou ai ngofa-ngofaka ko imakadaenua hoka o duniaka ma ngofaka abe manga baba o nyawa hiadono yomaboa manga eleino. Masara ona manga ngongaku Unangika ma titi hiadono Ma Jou wahidadi to Una ai ngofa-ngofaka idodutu.

Yohanese 3:3

De o Yesusu wopaluhu unangika wato, “Naa duru tagou-goungu tonihingahu, o nyawa abe Ma Jou ahao wahikoano ona gea kiani yomaboali.”

Hidingoto 4:20

Masara nako ngomi miato ko idadiua mimarii-riidoka dika de mianoaika abe miade-ade o nyawaika. Abe kiani miade-ade ma titi ma datoro ma hohailoa gea abe ngomi miamakeoka de ma dodotoko ma rorahai abe miihenoka. Kiani mihigila-gila dika miahiabari o nyawaika.”

Roma 6:2

Koua! Duru ko idadiua hokogea hodiai! Angamoi Ma Jou ai hininga ma dumutu naga ngoneino la wato ngone howango hototiai dika. De hokonaa ma titi muruono naga hiadono ngone hingaku-ngakuoka duru ko idadiua haniikohi o howono nanga wowangoka. Abe ma titi ihira, ngone naa tanu homaketero hoka hohonengoka ma titi nanga howonika gea.

Galatia 5:17

Angamoi nako to ngone nanga hafini ma dorou, gea duru yoigo yaniiki o kia dika abe imakalawana de Ma Jou o Womaha ai hininga. De hokogenangoo Ma Jou o Womaha wonahigaro la hohafini ma rorahaiika abe imakalawana de to ngone nanga badanga ma hafini ma dorou. Ho ena gea hinootoo duru imakokalawana nanga hininga ma goronaka, ho hiadono nanga hidee utu yaruwae de atatoko la ma bahaika de nanga hidee gea ko idadiua ihofoko.

Titusu 1:2

De mangale ma titi nanga ngongaku Unangika de abe ma gou-goungu hataoko itiai, ho hiadono ngone ka idadi duru honganono abe ahao hamake o wowango ka hiado-adonika. Angamoi o dunia naa ko watulaadauahi de Ma Jou wohibehehongoka wato ahao ai nyawa yamake o wowango ka hiado-adonika. De angamoi Una gea duru ko wotobaelu-elukua ho ngone duru kiani hongaku abe ahao hamake nanga wowango gea abe imaketero hoka ma dodihiraka de wonahibehehongoka ngoneino.

1 Peturusu 1:23

De ngini ka idadi nimakodora hokogea angamoi ngini nimaboakali ho nia wowango naga ma hungioli. De abe ma titi nia wowango ma hungi gea, abeika nimafikirohi ahi demo naa. Abe nia wowango naa ko iboaua nia dimono o duniaka de aino, abe o duniaka ma wowango ahao kiani naga to ena ma bobaha. Masara nako ti ngini nia wowango ma hungi naa, gea duru ko iwa to ena ma bobaha angamoi gea ena iboa Ma Jou ai Demo-demoka de aino. Ho mangale Ma Jou ai Demo-demo itobawango de itobatongohono, ho ti ngini nia wowango enangoo ko iwa ma bobaha angamoi ihititi ai Demo-demoino.

1 Yohanese 2:29

De ngone hohiorikoka abe Ma Jou Una gea duru wototiai dika, ho genangino de ka idadi hohioriki abe o nyawa onagona dika o totiai dika yanii-niiki manga wowangoka, ona gea Ma Jouoka de aino yomaboakali. Angamoi o totiai ma titi imanoa ka Unangoka dika, ho nako o nyawa yaniiki to Una ai totiai manga wowangoka, gea hohioriki abe onangoo tanu Unangoka de aino yoboa abe imaketero hoka manga totiai enangoo iboa Unangino.

1 Yohanese 3:6

Ho nako Unangoka o howono ko iwa, ho duru itararono abe onagona dika naga yomanoa Unangoka gea ona abe ko yahowo-howonua. Masara abe naga utu yatobahowo-howono, ona gea manga gogao Unangika itoakokahi ho ngade-ngade hoka ona gea ko iwihiorikua.

1 Yohanese 4:7

Ahi gogianongoru abe duru tinidora nginika, ngone naa irahai homakodora, angamoi o dora ma titi gea Ma Jouoka de aino, ho Una gea abe wonahiakunu ngone la ka idadi homakodora de nanga gogianongoru. De nako o nyawa yomakodora gea yomahitaanoka abe ona iwihioriki Ma Jouika de abe manga wowango ma hungi yamakeoka Unangino.

1 Yohanese 5:1

De onagona dika yongaku abe ma titi o Yesusu Una gea nanga Koano abe Ma Jou wonahibehehongoka, ona gea mata-mata yomaboaka Ma Jouino ho yodadi to Una ai ngofa-ngofaka mata-mataika. Ho to Ma Jou ai ngofaka mata-mataika, onangika gea abe ngone kiani hakokidora. De gea nako hoka hidora nanga gianongoru womatengo abe de ai ngofakoka, gea itararonoka abe to una ai ngofa-ngofakikaoo hadora onangika angamoi ona yomaboa unangino gea.

1 Yohanese 5:18

De ngone hohiorikoka abe onagona dika yomaboali Ma Jouino, ona gea ko yomanoaua o howonoka. Angamoi womatengo gea abe Unangoo womaboa Ma Jouoka de waino de wodadi Ma Jou o Ngofaka, Una gea ka ihikaika wagoana de wadatoko onangika, ho o Ibilihi ma haeke ngaro ma hohutuloo ma ko idadiua yaruwae hiadono ona yoruba de yahowono.

3 Yohanese 1:11

Ho ahi dodiawo, naa ngohi tonihitiari ngonaika tato ufa nomaaduru hoka onangoli manga datoro ma dorou, masara kiani natobaniiki ma rorahai dika ani wowangoka. Angamoi onagona dika ma rorahai yotobadiai, ona gea manga wowango ma titi Ma Jouoka de aino iboa. Masara abe onagona dika yotobadiai itorou, ona gea tanu imaketero hoka ona ko iwihiorikua Ma Jouika.