1 Yohanese 3:7 - Ma Jou ai Demo-demo o Totobelohoka

⁷ De ahi ngofa-ngofaka o ngongakuoka, ufa nimahigunoa hiadono o nyawa onagona dika de inibudi abe ma titi o howono nanga wowangoka. Angamoi kiani ngone duru hohioriki itararono abe nako o nyawa onagona dika o totiai yanii-niiki manga wowangoka, ona gea yomahitaanoka abe yototiai Ma Jou ai himangoka abe hoka o Kristusoli Unangoo duru wototiai.

1 Yohanese 3:7 ပူးပေါင်းရင်းမြစ်များ

Higiriiri 106:3

De ngone abe ai behehongo hohingounu mata-mata ngone hogarago. De nanga gogao o nyawa utuika hapaliara duru irahai, De hoigo la mata-mata hodiai duru itiai Ma Jou ai himangoka.

Matiusu 5:20

“De naa tinihingahu abe ngini kiani naga nia totiai ma gou-goungu la dokena nanga himangika de ka idadi Ma Jou winihikoano nginika. De igoungu abe ona yotobadoto-dotoko o Musa ai Paretaino de abe ona o Farisi ma doomuino, ona gea yomaetongo ona ma hirete ato yototiaioka. Masara to ona manga totiai ko ma gou-goungua, ho ahao ko idadiua ona Ma Jou wahikoano abe ma titi manga totiaiino gea. Ho ngini naa kiani naga ti ngini nia totiai ma gou-goungu la ahao Una ka idadi winidafongo de winihikoano nginika.”

Lukasa 1:75

Abe hileleani Unangika de nanga hininga ma debi-debini, De nanga wowango ma datoro itotiai ai himangoka, Ka hiadono nanga wowango ma bahaika.”

Hidingoto 10:35

Abe o nyawa mata-mata ngaro o tonaka o kiaka dika yogogere masara ka idadi Una wadafongo o nyawa onagona dika abe iwihoromati Unangika de abe manga datorino de yodiai ma rorahai ai himangoka.

1 Korintusu 6:9

Ho ngini ufa nimaaduru abe hoka onangoli yotobadiai ma dorou. Ho marai ngini ka niawohanga abe o nyawa ma dorou ona gea Ma Jou ko wadafongua? Abe o nyawa hokogea ko idadiua yodadi ai kokawaaha ho Ma Jou ko idadiua wahikoano onangika. Ho ngohi tinihigaro tato ufa hiadono o nyawa inibudi nia hiningaka la niato o dorou o kia dika ka idadi nidiai de gea niato bote Ma Jou ka winidafongohi. Abe naa ona ko idadiua Ma Jou wahikoano, ona abe yomakitigi ko itiaiua, de ona yomahuba o pangaoika, de ona yoilakoka masara o nyawa utu manga fekata eko manga rokata yomagora, de ona yomakitigi o nauru de o nauru,

Efesusu 5:6

Ho mangale ma titi gea ma dorou duru Ma Jou wodohata, ho ahao naga ma oraha abe Una kiani wahohowono o nyawaika abe ona iwilawana de ona abe yotobadiai ma dorou gea. De masara igoungu naga utu o nyawa abe yoigo inibudi nginika de manga demo abe ko iwa ma titi, de gea hoka yotemo ato, “Ufa hopusingi abe hokokia nanga wowango ma datoro, angamoi nako Ma Jou Una duru ko wonahohowonua ngoneino.” De ngaro hokogea manga higaro ma demo nginika, ma ufa hiadono inibudi.

Efesusu 5:9

De ahi demo gea ma titi nako ngini niwango ai dawangeoka, ahao nia wowangoka naga ma hofoko mata-mata abe ma rorahai de ma totiai de abe ma gou-goungu.

Filiipi 1:11

De nako hokogea nianiiki, ka ihikaika o totiai ma hofoko naga nia kokiwowangoka abe gea ma hofoko o Yesusu Kristusoka de aino. Ho ahao o nyawa inimake nia wowangoka ma totiai ma hofoko gea de hiadono ma bahaika o nyawa iwihoromati de iwihigiriiri Ma Jouika.

Ibarani 1:8

Masara nako de Ma Jou ai Ngofaka gea duru yomakohowono, angamoi to Una ai kuaha ko de ma ora-orahua, masara gea ka hiado-adonika. De gea ma titi hiadono ma dodihiraino Ma Jou wotemo ai Ngofakika wato, “Ngona Jou ka hiado-adonika nogogere ani pareta ma kaderaka la nohikoano ka hiado-adonika. De Ngona duru de ani totiaioka abe nahikoano ani kokawaahaika.

Yakobusu 1:22

De ngini kiani ka ihikaika niatobanii-niiki to Una ai demo gea nia wowango ma goronaka, de ufa ka niihe-ihene dika genangino ma ko nidiaiua, angamoi nako hokogea de ngini nimabudioka abe niato ma titi niihene dika ai demoino de Ma Jou winisanangi nginika. Masara genangino de ngini duru niangofu Ma Jou ai mau.

Yakobusu 2:19

“De ngini niangaku ma demoika abe inahingahu ato Ma Jou Una gea ka womatengo dika. De gea niagoungu. Masara ngaro o toka-tokata ma enangoo yangaku ma demoika gea, de hongoli ena gea duru ifafara angamoi ihioriki ahao Ma Jou wahohowono enangika. Ho gea itararono abe ngaro o toka-tokata naga de ma tobahiorikoka ma titi ihioriki abe naga Ma Jou, masara gea ko ihiutumua enangika la ufa Ma Jou wahohowono enangika.”

1 Peturusu 2:24

De o Kristusu Una ma hirete to ngone nanga howo-howono womahimoku ai badangika abe ma oraha iwihidapakuika o gotaka gea. De gea Una wohonenge ma titi nanga howono la wato nanga howonino gea ko inahiparetakauali ngone naa. Masara to Una ai hininga la wato ngone howango ka ma totiaioka dika. Ho gea ka idadi hotemo hato mangale ma titi to Una ai kangela kohaamoko ai badangino hiadono ngini winihitogumoka nia howo-howonino.

1 Yohanese 2:1

Ahi ngofa-ngofaka o ngongakuoka, ahi hurata ma demo naa tohitulihuku de tohidingoto nginika la tato ibootohi ngini niahowono. Masara nako hiadono idadi abe niahowono, ufa niawohanga abe naga womatengo ka idadi winiduhunu de winihidemo Ma Jou o Baba ai himangoka. De Una gea o Yesusu Kristusu abe duru wotobatotiai, ho Una ka wakunu wonahidemo o Babaika nako idadi abe hahowonoka.

1 Yohanese 2:26

De ahi demo gea tohitulihi nginika la tato tinihitiari abe ma titi ona gea abe manga hininga ato inibudi nginika done tato inihirehene ma gou-goungoka de aino.

1 Yohanese 2:29

De ngone hohiorikoka abe Ma Jou Una gea duru wototiai dika, ho genangino de ka idadi hohioriki abe o nyawa onagona dika o totiai dika yanii-niiki manga wowangoka, ona gea Ma Jouoka de aino yomaboakali. Angamoi o totiai ma titi imanoa ka Unangoka dika, ho nako o nyawa yaniiki to Una ai totiai manga wowangoka, gea hohioriki abe onangoo tanu Unangoka de aino yoboa abe imaketero hoka manga totiai enangoo iboa Unangino.

1 Yohanese 3:18

Ho ahi ngofa-ngofaka, ngohi tonahigaro tato ufa nanga dora nanga uruoka dika imanoa abe tanu gea ena nanga demo ma homoa dika. Masara koaho ngone hagou-goungu homakodora abe ma titi nanga wowango ma datorino de genangino homahitaana abe nanga dora itagi utuika.

1 Yohanese 3:3

De onagona dika abe ma oraha naa yongano-nganono abe ma titi ahao yomahirupa moi de o Kristusu, ona ahao ka ihikaika yomahitebini manga wowangoka la ka idadi yotebi-tebini, angamoi gea ona yoigo ato yomaaduru hoka o Kristusoli abe Una gea duru wotebi-tebini ai hiningaka.

1 Yohanese 4:17

De mangale ma titi abe to ngone nanga wowango ma datoro o duniaka naa de gea imakiniiki de to Kristusoli ai wowango ma datoro ma dihiraino, ho genangino de ka idadi hotemo hato to Una ai dora duru ingodumoka abe to ngone nanga hiningaka. Ho ma titi ai dora ingodu-ngodumoka ngoneoka ho ahao ma wange adonoka abe Una wonatailako nanga datoro de gea ko hohawanua. De ma wange gea ngone naga de nanga domoroinoka ma titi ai dora imanoa ngoneoka.