1 Yohanese 3:17 - Ma Jou ai Demo-demo o Totobelohoka

¹⁷ Masara nako ma titi o kiahonanga dika de ngone ko homakuduhunua ngone de nanga gogianongoru abe naga de manga kurangoka, gea done sarakia Ma Jou ai dora imanoa ngoneoka? Abe nako to ngone nanga wowango ma perelu abe inawedonoka de hamake to nanga gianongoru womatengo abe naga ai kuranga masara nanga hiningaka ihitatokoka ho ko hiduhunua ma titi ai perelu, gea inahitaanoka abe to Una ai dora ko itagiua to ngone nanga hiningaka.

1 Yohanese 3:17 ပူးပေါင်းရင်းမြစ်များ

Sosawaro 19:17

O nyawa onagona dika abe yahidoa-doaka o huha ma nyawaika, gea imakadaene dika hoka iwihibau ai kiahonanga Ma Jou o Yaweika, angamoi Una gea ahao wahibalaha de ma rorahai ona yahidoa-doakika.

Lukasa 3:11

De o Yohanese wapaluhu onangika wato, “Onagona dika nginioka abe nia baju ma biri-birini naga hinooto, gea moi niahidoaka o nyawaika abe to ona manga baju ma biri-birini ko iwa. De nako nia inomo naga iniwedono, enangoo ka idadi utu niahikodoku onangika abe manga inomo ko iwa.”

2 Korintusu 8:9

De abe ma titi o hidoaka o nyawaika, de gea ka idadi homahihohininga ma titi nanga Baluhu idodutu o Yesusu Kristusu. Abe ngini nihiorikoka abe to Una ai hininga ma owa ngone o nyawaino. Abe Una gea ma dodihiraino o Horogaka de duru ko iwa ai kuranga o kia dika, masara mangale ma titi ngini hiadono gea mata-mata wanoaika de wodadi o huha ma nyawa. De womahigunoa wodadi wohuha la ai huhaino gea de ngini ka idadi nikaya abe ma titi niamake ma utumu ma rorahai abe naga Unangoka. Ho irahai nako ngone homaaduru abe hoka to Unangoli ai hininga, abe ma titi ngoneoo homahidoaka la o nyawa utu yamake ma utumu.

Ibarani 13:16

Masara ufa ka gea dika nanga huhuba Ma Jouiye, angamoi nagahi o huhuba utu ka idadi hotobadiai la genangino hihisanangi Unangika. De abe hotobadiai ma rorahai nanga wowangoka, de nagali abe haduhunu o nyawaika la manga perelu hahidailako. De nanga wowango ma datoro hinooto gea enangoo idadi hoka nanga huhuba Ma Jouiye abe duru iwihisanangi Unangika.

Yakobusu 2:15

Abe nako hoka naga yoboaino nia gianongoru abe duru yohuha ma titi manga baju ko iwa de manga inomo enangoo ma ko iwaka.

Yakobusu 2:16

De ahao nginioka nimatengo nitemo onangika niato, “Ngohi tonigahoko Unangiye la ani dodagioka de Ma Jou wonigoana ngona la ko kia-kiaua idadi ngonaika. De tonganono abe ahao inihidoaka ngonaika ani baju de ani inomo la gea iniwedono de ngona nosanangi.” Masara ngaro hokogea nitemoka ma hadongoo de ko kia-kiaua niahidoaka nia gianongoruika gea. De nako to ona manga badanga ma perelu ko niahidailakoua onangika, gea ti ngini nia demo onangika ka parahaja dika.

1 Yohanese 4:20

De abeika ngone hafikirohi ma titi nanga dora gea. Abe nako o nyawa yomahingahu ato, “Ngohi naa tidora Ma Jouika,” masara ngaro manga demo hokogea ma ona iwidohata manga gianongoruika, de ona gea yoeluku dika de ko yagoungua iwidora Ma Jouika. Angamoi nako ngone ko hadoraua nanga gogianongoruika abe ona ka idadi hamake de nanga lako, ho gea done sarakia de hidora Ma Jouika abe Una gea duru ko himakeua de nanga lako? Gea ko idadiua!

1 Yohanese 5:1

De onagona dika yongaku abe ma titi o Yesusu Una gea nanga Koano abe Ma Jou wonahibehehongoka, ona gea mata-mata yomaboaka Ma Jouino ho yodadi to Una ai ngofa-ngofaka mata-mataika. Ho to Ma Jou ai ngofaka mata-mataika, onangika gea abe ngone kiani hakokidora. De gea nako hoka hidora nanga gianongoru womatengo abe de ai ngofakoka, gea itararonoka abe to una ai ngofa-ngofakikaoo hadora onangika angamoi ona yomaboa unangino gea.