1 Yohanese 2:9 - Ma Jou ai Demo-demo o Totobelohoka

⁹ De nako o nyawa yomahingahu ato, “Ngohi tomanoa ai dararonoka,” masara ona gea yadohata manga gianongoru abe yomahingongaku moioka, gea ko o dararonokaua yomanoa masara ka o fufutuokahi yomanoa ona gea.

1 Yohanese 2:9 ပူးပေါင်းရင်းမြစ်များ

2 Samuele 13:22

De o Abasalomo unangoo duru wingamo o Anonika ma titi womihimalekoka to una ma hirete ngoi biranga o ngo Tamarika. Ho una duru ko witemo-temokaua ai riaka o Anonika.

Higiriiri 82:5

De ahao Ma Jou ka wotemohi ma titi o jou-jou utu gea, wato, “Ona duru ko kia-kiaua yataoko itiai, ho imaketero ka ihikaika yohuruputu angamoi o fufutu dika yatobaniiki. De mangale ma titi manga hininga gea hiadono o dunia ma amokika de hoka ihikelu-keluoka, abe ma titi o totiai ko ilakuokaua o duniaka.”

Yohanese 9:41

De o Yesusu wapaluhu onangika wato, “Nako de ma titi nginioo hoka nirafioka, abe igoungu ko niwihiorikua Ma Jou, gea ko iwa nia howono hiadono inihohowono. Masara angamoi ngini nimagoraka niato ma gou-goungu abe Ma Jouino duru nihioriki, ngaro ko nihiorikua, gea nimahitaana abe itiai ti ngini nia hohowono ka inidaenohi.” Hokogea o Yesusu wahidumutu manga sade onangika.

Hidingoto 1:15

De o wange moiuku de naga yomatoomuino ngade-ngade o nyawa yaratuhu moi de yamonaoko abe ona iwingaku-ngakuoka o Yesusika. De manga doomu ma goronaka gea de o Peturusu womaokoino de wahingahu ona mata-mataika wato,

2 Peturusu 1:9

Masara naga o nyawa abe ona manga hiningaka ato ngaro ufa dika yoaguru manga ngongakuika. De mangale ma titi ona gea ko yoagurua manga ngongakuoka ho ko iwa manga hininga ma hofoko ma rorahai abe ahao naa tafetongoka. De o nyawa gea yomaketero hoka yorafioka manga hiningaka ho ko yomahiorikokaua. De gea ona yawohangoka abe ma titi ma dihiraino de Ma Jou waofioka to onangoo manga howo-howono abe ma dodihiraino yodiaioka, de gea ma titi hiadono ona gea yomaketero hoka manga hiningaka yokokirafioka.

1 Yohanese 1:6

Ho nako ngone homahingahu hato haniiki Ma Jou ai datoro itiai de naga nanga gogao itiai Unangika, masara nanga hiningaka tanu o fufutuoka homanoa, gea ngone hoeluku dika de to Una ai demo ma gou-goungu ko haniikua.

1 Yohanese 2:11

De masara nako o nyawa onagona dika de yadohata manga gianongoru abe o ngongaku moioka, ona gea yomanoa o howonoka ho gea hoka o fufutuoka dika yotagi-tagi. De hongoli ona gea duru ko ihiorikua to ona manga dumutu o kiaika yoiki, angamoi ona gea yorafioka ma titi ifufutuokaholi hiadono ko yomahiorikokaua.

1 Yohanese 2:4

Masara nako naga o nyawa yomahingahu ato, “Ngohi duru tihioriki Unangika,” masara ko yaniikua to Una ai behehongo, gea yahitaanoka abe ona yoelu-eluku dika de ko yomahigunoaua la Ma Jou ai demo ma gou-goungu yahihira-hira manga hiningaka.

1 Yohanese 3:10

De hokonaa ngone ka idadi hahikohowono o nyawa la hahioriki to onagona manga wowango ma datoro iboa Ma Jou ai hiningaka de aino de to onagonali abe manga datoro ihititi o Ibilihi ma haeke ma hiningaka. Abe onagona dika o totiai ko yanii-niikua manga wowangoka de manga gogianongoru o ngongakuoka ko yadoraua onangika, ona gea abe manga datoro ko imakiniikua de Ma Jou ai hininga abe tanu kiani imanoa ai ngofa-ngofaka homoi-homoioka. Masara to ona gea manga hininga imakadaene dika abe hoka o Ibilihi ma haekoli ma ngofa-ngofaka yodiai. Ho naa duru tinihigaro nginika la ufa nimaaduru abe hoka onangoli o Ibilihi ma haeke ma ngofa-ngofaka, masara kiani niwango nitotiai abe hoka itiai Ma Jou ai ngofa-ngofaka yowango, angamoi ngini niagoungu nidadioka to Una. Ho koaho ngini o totiai dika nianii-niiki de nia dora itagi nia gogianongoruika.

1 Yohanese 4:20

De abeika ngone hafikirohi ma titi nanga dora gea. Abe nako o nyawa yomahingahu ato, “Ngohi naa tidora Ma Jouika,” masara ngaro manga demo hokogea ma ona iwidohata manga gianongoruika, de ona gea yoeluku dika de ko yagoungua iwidora Ma Jouika. Angamoi nako ngone ko hadoraua nanga gogianongoruika abe ona ka idadi hamake de nanga lako, ho gea done sarakia de hidora Ma Jouika abe Una gea duru ko himakeua de nanga lako? Gea ko idadiua!