1 Yohanese 1:10 - Ma Jou ai Demo-demo o Totobelohoka

¹⁰ De nako ngone homahingahu hato ngone ko hahowonua, gea imaketero abe hoka hihiromanga Ma Jouika hato Una woelu-eluku, angamoi ma dihiraino de Una wonahingahuoka abe ngone hahowonoka Unangika. Ho nako nanga hiningaka hokogea itagi, gea inahitaanoka abe to Una ai Demo-demo duru ko imanoaua to ngone nanga hiningaka.

1 Yohanese 1:10 ပူးပေါင်းရင်းမြစ်များ

Yohanese 3:33

Masara onagona dika yangaku o Horogaino ma hingahu, ona gea duru iwitaana Ma Jou wagou-goungu abe manga ngongaku ihititi ai demo ma gou-goungika.

Kolose 3:16

De kiani nimahigunoa la o Kristusu ai demo-demo imanoa nia kokihiningaka hiadono duru niongano-nganono ai demo gea. Abe kiani niapake nia tobahioriki ma gahumu ai demoino gea ma oraha nimakodotoko de ma oraha nimahiketehitiari. De abe ma oraha niapake o Higiriiri ma Nyanyianga ma buku abe ma dihira ihitulihukuoka, de o nyanyianga utuoli naga abe niwihigiriiri Ma Jou, gea mata-mata ka idadi ninyanyi la nimahiketehipoputurungu nia ngongakuoka. De abe ninyanyi, gea niwihigiriiri de nia hininga ma tarimakase Unangika.

1 Yohanese 1:8

De nako ngone homahingahu hato ko iwa o howono ngoneoka, gea homabudioka dika de inahitaana abe to Una ai demo ma gou-goungu ko imanoaua ngoneoka.

1 Yohanese 2:14

De ngini to ngohi ahi ngofa-ngofaka o ngongakuoka, mangale ngini niwihiorikoka nanga Babaika ho ngohi ahi demo tohidumutu nginika. De abe ngini o balu-baluhu, mangale niwihioriki Unangika gea abe ka ma dodihirainohi de Una nagau ho ngohi tohidumutu ahi demo nginika. De abe ngini hatoli ka o goohi, mangale naga nia buturungu Unangoka de abe Ma Jou ai Demo-demo imanoa nia kokihiningaka, de abe nihikalaka enangika abe duru ma datoro itobatorou, de gea mata-mata ma titi hiadono ngohi ahi demo tohidumutu nginika.

1 Yohanese 2:4

Masara nako naga o nyawa yomahingahu ato, “Ngohi duru tihioriki Unangika,” masara ko yaniikua to Una ai behehongo, gea yahitaanoka abe ona yoelu-eluku dika de ko yomahigunoaua la Ma Jou ai demo ma gou-goungu yahihira-hira manga hiningaka.

1 Yohanese 4:4

Masara nako ngini naa, ahi ngofa-ngofaka, ngini nidadioka to Ma Jou ai nyawa, ho tanu niahikalaka ona gea abe yodoto-dotoko o ngelu-ngelukino. De gea ngini nilaku ma titi nako Una abe womanoa ngoneoka de ena gea abe imanoa o dunia ma nyawaka, masara duru ka Unangohi ai kuaha ilamoko, de Una dika abe winihiakunu nginika la ka idadi ngini nilaku.

1 Yohanese 5:10

De onagona dika iwingaku-ngakuoka Ma Jou o Ngofakika, ona gea yodafongoka Ma Jou ai hingahu ma demo gea manga hiningaino de ihioriki abe ma demo gea igou-goungu. Masara onagona dika abe to Una ai demoika ko yongakua, gea imaketero hoka ona iwihiromanga Ma Jouika ato Una wotobaelu-eluku. Angamoi ona gea ko yongakua Ma Jou ai hingahu ma demoika abe ai demo gea ma goronaka wonahingahu ngoneino de wihitaana o Yesusika abe Una ai Ngofaka idodutu. Ho nako ma hitaana ma demo gea ko yongakua, gea tanu iwihiromanga Ma Jouika ato Una wotobaelu-eluku.

2 Yohanese 1:2

De gea ngomi mata-mata minidora nginika mangale ma titi ma dodotoko ma gou-goungu naga imanoa to ngone nanga hiningaka, de gea ka ihikaika imanoa ngoneoka naa de ka hiado-adonika.