1 Timotiusu 6:6 - Ma Jou ai Demo-demo o Totobelohoka

⁶ De masara gea igoungu nanga utumu kohaamoko ngone homamake nanga wowangoka nako hileleani Ma Jouika, iti nanga hiningaka hamao abe Ma Jou ai hidailako ngoneino gea inawedono. Masara nako hamao hato ko inawedonua ai hidoaka ngoneino de hiadono utuoli nanga utumu homalingiri, gea nanga utumu ma gou-goungu hangofuoka.

1 Timotiusu 6:6 ပူးပေါင်းရင်းမြစ်များ

2 Kokoano 6:2

Ho ngomi mimagahoko nomihigunoa midiai nanga doomu ma tau abe utuohi ilamoko abe ka idadi ngone mata-mata hogogere doka ma goronaka. De abe nako ngomi, ani gogilaongo, mia hidee mikokiloiki o Yorodani ma akerika de genangoka homoi-homoi o gota mimaleino, la imiwedono mia tau ma kiahonanga midiai.” Hokogea wihingahu manga dimonika manga hidee. De o Elisa wosanangi manga hideeika ho gea wato, “Irahai, ngini niloiki nidiai dika abe hoka ngona notemoka.”

Higiriiri 37:16

Nako ona abe manga datoro itiai de ona abe manga datoro itorou hahidotelega, De hamake ona abe iwiniiki Ma Jou manga kiahonanga ihutulu dika, De hamake ona abe manga datoro itorou manga kiahonanga ma ngoe, Ma, utuohi manga utumu abe manga kiahonanga ihutulu dika.

Huhupu 2:21

De o Musa wosanangi iwiahoko manga tauika, de ipaha womanoa ai dekana onangoka. De ika-ika o Jitoro gea abe ai romanga moioli o Rehuele, una wahiketehimoloka o Musa de ngoi ora o ngo Sipora.

Sosawaro 15:16

Nako nanga kaya duru iwoe masara nanga hininga aomanga de o huha dika, gea duru hokangela. Ho koaho nanga kiahonanga ma hohutulu dika, abe iti nanga horomati itagi Ma Jou o Yaweika.

Sosawaro 16:8

Nako nanga tiwi de nanga hasili duru iwoe masara o totiai ko iwa nanga hiningaka, gea homahikangela dika. Ho koaho nanga kiahonanga ma hohutulu dika, abe iti nanga datoro itotiai Ma Jou ai himangoka.

Lukasa 12:15

De ahao o Yesusu wotemo o nyawa mata-mataika gea wato, “Ngini nihidodiai de nimagoana la ufa nia hininga ma horoodo inihipareta nginika. Angamoi nanga wowango ko ihititiua abe nanga kiahonangoka de aino.”

Lukasa 3:14

De ahao nagali o tentara ma nyawa yomaleha unangika ato, “Ho sarakia ngomi naa? Ngomi koaho o kia midiai?” De una wapaluhu onangika wato, “Ufa ngini niaribuutu o nyawaika la niato inihidoaka o tiwi nginika. De nako o nyawa manga howono ko iwa, gea ufa niatae onangika la genangino de o bobangu ma tiwi nimalingiri. Masara abe nia hewa nia karajaangino nimamake, gea ufa de nia gurubungoka ma koaho niodafongo dika de nia hininga ma rorahai.” Hokogea o Yohanese ai babaluhu ma demo o nyawaika la ufa manga hohowono yadaene onanguku.

Roma 8:28

De nagali ma titi moioli abe duru inaduhunu ma oraha naa abe ka hongano-nganonohi nanga utumu. De gea ngone hohioriki abe Ma Jou wohikokiaturu mata-mataika abe idadi nanga boriwowangoka la genangino de idadi ma rorahai ngoneino. De gea igoungu abe ngone onagona dika hidora Ma Jouika de Una wohikaaturu la ngone hamake ma rorahai Unangoka de aino. De Una wonaduhunu hokogea ngoneino angamoi ma dodihiraino de wonaahokoka Unangino la wato to ngone nanga wowango imakiniiki de to Unangoli ai hininga ma dumutu.

2 Korintusu 4:17

De to ngomi mia kangela ma dodubuho abe ma oraha naa miaohana, gea tanu ka idadi mihiromanga enangika ma goguwini dika angamoi ma kangela gea ka jai-jai dika de ipahaka. De nako mihidotelega mia kangela abe ma oraha naa miaohana de mia utumu duru kohaamoko abe ahao miamake Unangino, gea mia kangela ngade-ngade ko kia-kiaua. Angamoi mia kangelaino gea de ihihofoko o medebini ma dararono kohaamoko abe Una ahao womihidoaka ngomino. De ahao mia dararono gea itongohono ka hiado-adonika.

Filiipi 1:21

Abe nako ngohi, ahi wowango ma titi duru o Kristusoka dika. De abe nako tohonenge ma gea toutumoka angamoi gea ngohi naga de de Una.

1 Timotiusu 4:8

De igoungu nako nanga badanga, ka idadi homaribuutu la hiadono nanga buturungu idogo abe nanga roehe itotoomu, de genangino nanga utumu ma hohutulu hamake. De gea irahai, masara nanga utumu gea ma hohutulu dika hamake angamoi nanga badangoka dika ma utumu. Masara ka nenangohi ilamoko nanga utumu hamake nako homahiputurungu nanga ngongakuino la hiadono utuohi haniiki itiai to Una ai mau ngoneino. De genangino hamake nanga utumu iwoe. Abe utu ngaro nanga wowango o duniakahi naa ma hamakeoka nanga utumu. De ahao utuohi nanga utumu hamake daku o Horogaka.

1 Timotiusu 6:8

Ho iti naga ngoneoka nanga inomo de nanga baju, gea dika de koaho haetongo hato inawedonoka.

Ibarani 13:5

De ti ngini nia wowango ma goronaka de ufa niohafini o tiwika, masara koaho ngaro ti ngini nia kiahonanga iwoe eko ngaro hatoli ihutulu, ma koaho niriidi dika nia hiningaka. De gea ka idadi ngini niriidi angamoi ma dodihiraino de Ma Jou Una ma hirete wonahibehehongoka ngoneino wato, “Ngohi naa duru ko toninoaikaua ka hiado-adonika, masara Ngohi duru ka ihikaika ngonaka la tonigoana.” Hokogea ai behehongo ma demo abe ma dodihiraino ihitulihukuoka.