1 Timotiusu 5:6 - Ma Jou ai Demo-demo o Totobelohoka6 Masara nako hiadono naga momatengo mofao de mowango momahisosanangi dika, gea muna mohonengoka abe momatingaka ma gurutika de Ma Jou. Igoungu ngaro ami badanga ka iwangohi ma muna gea mohonengoka Ma Jouika. Ho muna gea ngaro ufa dika de o gareja imiduhunu. အခန်းကိုကြည့်ပါ။ |
1 Timotiusu 5:6
29 ပူးပေါင်းရင်းမြစ်များ
Masara o Yesusu wipaluhu unangika wato, “Gea irahai ani hininga itagi ani babaika. Masara koaho Ngohi nohihitihira ani wowangoka. Ho ngona koaho ma oraha naa de nohiniiki dika Ngohi. De nako ona abe manga wowango ko iwa Ma Jouino, ona gea yohonengoka Ma Jou ai himangoka. Ho irahai la ona gea nanoaika dika angamoi onangoo yomahikokoona ka idadi yomakulungunu manga honenge gea. Ho ngona naino nohiniiki Ngohino.” Hokogea o Yesusu ai demo unangika.
De ma oraha ahao tohingohamoka mata-mata de ahao ka idadi tomahigiriiri tomatemo tato, “Ngohi naa duru toutumoka! Angamoi ahi kiahonanga naa duru itou-touniye de ihiwedono o taongo muruonohi ahi himangika. Ho naa ibootohi tokarajaanga, masara ka idadi tomahiaini dika. Abe ngohi ma hou ka totobaolomo de totobaokere de tomahisosanangi dika.”’ Hokogea wokaya-kaya ai demo womatemo ai hiningaka.”
“De ma ngofaka ma dodoto wakokifukunoka ai oara gea de ahao womahidiai la woiki o tonaka moiikali. Ho o wange muruono dika ipahaika de womatoomuinoka ai dodagi ma perelu mata-mata ho ka wosobo. De ai dodagioka de wotagi-tagi o tonaka moi duru kohagurutika, de genangoka ai tiwi womadomataka ma titi ai wowango wao ko itiaiua de womahisosanangi dika, ho duru waumoka dika ai tiwi.
Masara ma oraha naa de kiani hohirame-rame ma titi ani dodoto ai boa, angamoi una gea imaketero hoka wohonengoka de naa wowangokali, abe iwihihangoka masara naa himakeokali.’” De hokogea o Yesusu ai hiketero abe ma demoino gea de wohidaere iwilawa-lawanika abe tanu koaho onangoo yogogarago ma oraha o howo-howono ma nyawa yotoba de yomangali Ma Jou ai totiai ma ngekomika.
De ahao o Yesusu wogilio ai dodotoko ma dihira ma demoika abe wadotoko ma titi ufa hiporete Ma Jouika la o dunia ma kiahonanga hohitihira nanga wowangoka. De Una wotemo wato, “Ma moiuku naga womatengo wokaya-kaya, de una gea ka ihikaika womahinoauku de o baju ma hohailoa de ma hali-hali, de o wange-wangeiye una wolomo o inomo duru ma rorahai de womahisosanangi dika.
De gea imakiniiki de o demo ma dulu moi abe itemo ato, “De ngini abe nia giooko ma goronakahi de gea kiani nimomikiye! De abe ngini nihonengoka kiani ngini nimomikiye nia honengino! La gea ka idadi o Kristusu ai dararono inihitawange nginika.” Hokogea o demo ma dulu. Ho gea ma titi hiadono ngini nia wowangoka kiani o dawange ma wowango nimaaduru.
De nengokadau ngini ko iwahi nia wowango Ma Jou ai himangoka ma titi nia howo-howono Unangika de ma titi nia hininga ma hafini ma dorou ko ihikitingakuahi nginino, ho nia hafini ma dorou gea ka inihihira-hirahi. Masara ngaro ngini ma dihira hokogea, ma, Ma Jou winihidawangoka ka ma moi ngini de o Kristusu ma oraha naa. De nanga howono Unangika mata-mata wakokiofioka.
Ona gea kiani nadokaowara angamoi ona gea utu naga yososawaro yahitobahirehene o nyawa Ma Jouoka de aino. Abe hoka ona utu yosawaro yabudi o nyawa la ka idadi yowoha-wohama manga tau-tauika la gea yadotoko onangika de o rerehene ma dodotoko. De ma titi manga dodotokino gea hiadono o ngo-ngofeka utu duru yangaku de yomahinganono onangika. Abe ma ngo-ngofeka utu gea duru igapanga yabudi angamoi ona duru yatobahowo-howono Ma Jouika ma titi yahiraramaka de manga hafini ma dorou ho hiadono manga hiningaka ko iriidokaua. Ho ma titi gea ho igapanga dika ona yatobadotoko gea yabudi onangika.
De nako ti ngini nia wowango o duniaka naa duru ko iwa nia huha masara gea nimahisosanangi de o kia dika abe nia hininga adaene enangika la duru ko iwa nia kuranga. Masara gea ko nihiorikua abe ngini nimaketero abe hoka o hapi moi o nyawa yatoofo-toofo dika la hiadono duru ikutufuroka de ahao ka idadioka yomadoma ma hapi gea. Angamoi nginioo imaketero hoka nimahitoofo de o sosanangi dika masara ko nihiorikua abe ma bahauku de ahao o hohowono kohadubuho Ma Jouino ngini niamake.
“De angamoi ma titi ona duru yomasadeholi de yomahigiriiri de yomahisosanangi dika ma titi manga kiahonanga abe ihohailoaholi, ho naa ona kiani ma hibalaha yamake de gea kiani yamao o kokangela ma odiri de o hininga ma dodubuho. De ona gea yomatemo manga hiningaka ato, ‘Ngomi naa duru midadioka o kokoano de o nyawa utu naga mia kuahaka. Duru ko iwa mia hininga ma dubuho eko mia kangela, de marai ka ihikaika ka ma rorahai dika miatobamake.’ Hokogea ona manga demo manga hiningaka.
De ahao Una gea wohihulokoli wato, “Naa ngona nohitulihuku ahi demo naa abe o Saridisi ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe naga Ngohioka Ma Jou o Womaha ko wokurangua ma duru wongodu-ngodumu, de o murumu tumidi enangoo naga Ngohioka.’” Hokogea Una womahingahu. De ahao Una wahibehehongo onangika wato, “Ngohi tinihioriki ti ngini nia wowango ma datoro, de tinihiorikoo abe o nyawa utu inihiromanga nginika ato o wowango naga nginioka. Masara naa Ngohi tato ngini imaketero hoka nihonengoka ahi himangoka.
ကြော်ငြာတွေ