De ma oraha ma dorouika naparangi, kiani nomahigagaoika ani ngongakuika de kiani naniiki abe ma oraha ani hininga ka de itemo de gea abe inihigaro ma totiaiika. Angamoi naga yamuruono naga abe ngaro ka ihikaika manga hininga ka de itemo de yahigaro ma totiaiika, ma ko ihigihenua. De mangale ma titi ko ihigihenua ho hiadono to ona manga ngongaku duru iwederoka abe hoka imaketero de o kapa moi yoduhuputu o hakaru ma amo-amokika de duru iwede-wederuku ma kapa gea. Hokogenangoo de to ona manga ngongaku iwederoka.
1 Timotiusu 3:9 - Ma Jou ai Demo-demo o Totobelohoka9 Masara ona kiani duru yomahigagaoika o ngongaku ma dodotokika abe Ma Jou wonahimatoko ngoneino. De abe ihiorikoka o ngongaku ma dodotoko gea, kiani ona ka ihikaika yaniiki abe manga hininga ma oraha ka de itemo de ka yahigaro ma totiaiika. အခန်းကိုကြည့်ပါ။ |
1 Timotiusu 3:9
4 ပူးပေါင်းရင်းမြစ်များ
De duru ena gea ma titi hiadono toigo ngona nomagoo-gogerohi genangoka la nadotoko o nyawaika ma titi o dora. Angamoi ngohi duru toigo la hiadono o nyawa o Efesusoka gea naga manga dora ilaku manga hidogoronaka. Abe nako hiadono nanga dora ka idadi hokogea ilaku, la gea ngone kiani naga nanga hininga ma debi-debini, de kiani naga nanga ngongaku ma gou-goungu Ma Jouiye, de abe ma oraha nanga hininga ka de itemo de inahigaro ma totiaiika, ena gea kiani haniiki. Nako hokogea ngone, de ahao ka idadi nanga dora ilaku de itagi o nyawa utuika.
De naa o nyanyianga moi abe to ena ma demo o nyawa ko moiua la yodimoaka. Abe ma nyanyianga naa inahitararono hokokia ma hohailoa Ma Jou ai dodotoko abe naa ma duru wonahimatoko ngoneino. De hokonaa ma nyanyianga ma demo. Ai rupa o nyawa woboaino, De ai wowango o malaekata yolega-lega, Ai totiai Ma Jou o Womaha wihitaana, De ai abari ihihora onangika ko iwihiorikuahi Ma Jou la onangoo ka idadi yoihene, Ai dodotoko o dunia ma nyawa yangaku, De wosobo daku o Horogaiye wogoraka.
ကြော်ငြာတွေ