1 Timotiusu 3:5 - Ma Jou ai Demo-demo o Totobelohoka

⁵ Abe naa moi tonihingahu, nako hiadono o nauru womatengo ko wapoaua wahikaaturu to una ma hirete ai tauoka, gea done sarakia de una wakunu wahihira-hira ai gogianongoru Ma Jou ai tauoka?

1 Timotiusu 3:5 ပူးပေါင်းရင်းမြစ်များ

Hidingoto 20:28

“De naa tinihitiari moi nginika! Abe ngini kiani nimagoana ngini ma hirete done nirehene Ma Jou ai ngekomoka de aino. De nginioo kiani niagoana nia gogianongoru mata-mataika abe Ma Jou o Womaha winihitagongoka nginika la ngini nidadioka to ona manga gogoana ma nyawa. Ho Ma Jou ai gareja ma nyawa ona gea kiani ngini niapaliara irahai, angamoi Una womaijaino ai nyawa de wofangu de to Una ma hirete ai awunu!

1 Korintusu 10:32

De ufa nidiai o bebeleke la hiadono o Yahudi ma nyawa yahowono, eko la hiadono ona ko o Yahudi ma nyawaua de onangoo ma yahowono, eko la hiadono nia gogianongoruoo Ma Jou ai garejaka, ma, onangoo yahowono.

Efesusu 1:22

De gea Ma Jou wihidoaka mata-mataika o Kristusika la wato o Kristusu mata-mataika wahikoano. Ho Una gea abe mata-mataika de ka to Unangohi ai kuaha duru ikurutiye, ho gea Unangoo Ma Jou wihidadi nanga haeke o garejaka la wato ngone o garejaka ma utumu hamake Unangoka.

Efesusu 5:24

Ho gea imaketero hoka ngone o garejaka hihigihene o Kristusika, ho ngini o feka-fekatoo ngaro hokokia dika naga, ma koaho naga nia higihene nia roka-rokatika.

Efesusu 5:32

De naa to Una ai demo ma goronaka naa naga Ma Jou ai dogogono moi abe to ena ma titi duru ma lukuku, masara ngohi tapake la gea idadi o hiketero abe ma titi o Kristusu de abe ngone ai gareja. Angamoi ngone naa hodadioka to Una ai badanga ma kiahonanga, ho gea ngone de Una hodadioka moi, de gea duru imaketero hoka o rokata womatengoani de ngoi fekata onangoo yodadioka moi.

1 Samuele 3:13

De Ngohi ma dihiraino o Eli tihitiariokau abe ahao Ngohi tahohowono una de ai ngofa-ngofakuku ma titi ai ngofa-ngofaka manga demo itorou Ngohino. O Eli wahioriki ai ngofaka yahinooto gea manga datoro ma dorou masara ko wadaerua hiadono manga toba ko iwa.