1 Timotiusu 3:2 - Ma Jou ai Demo-demo o Totobelohoka

² Masara ona gea kiani o nyawa abe manga wowangoka ko iwa manga datoro la hiadono o nyawa utu ka idadi yatae-tae onangika. Abe una duga-duga ngoi fekata ka momatengo dika. De kiani una ka wakunu womatongohono, de kiani ai hininga ma totiai iwihihira-hira, de kiani o nyawa utu naga iwihayanga unangika, de nako hiadono o nyawa iwirekata unangika, gea kiani wadafongo de wao irahai abe iwirekatino. De una kiani naga ai hiakunu la o nyawaika wadotoko.

1 Timotiusu 3:2 ပူးပေါင်းရင်းမြစ်များ

Yesaya 56:10

Angamoi Ngohi o Yawe ahi nyawa manga hohidimono abe yodadioka to ona manga gogoana, ma hohidimono gea yorafi-rafioka ho ko yamaokaua o bodito iboaino. Ona gea yomaketero hoka o kaho imou-mouoka ho duru ko iroa-roangua. Ona yosanangi yomaidu-idu dika hiadono yakiookoka de yotobabuluhara.

Lukasa 2:36

De nagali o ngofeka mofao momatengo genangoka ami romanga o ngo Hana abe ami baba o Fanuele. De ona o tau moi o Asere ai totoforauku. De muna gea duru imiperekioka abe ami ngumuru adonoka ami taongo moritufange de iata. Ma dihiraino muna de ami rokata yoilakino manga taongo tumidino dika ma dekana de ahao ami rokata una wohonengoka. Ho muna mofao duru ma dekana de ka ihikaika mogogere Ma Jou ai Tauoka de mitobaleleani Unangika. Abe o futu de o wange ka ihikaika mihigiriiri Ma Jou abe momatobaniata de motobapuaha la ami hininga ma dumutu duru ka Ma Jouika dika. De o ngo Hana gea munangoo Ma Jou womihiakunu la ka idadi mohidemo to Una ai demo-demo.

Roma 12:13

De nako naga nia gogianongoru o Yesusoka abe yohu-huha, ona gea ngini niaduhunu la manga perelu niahidailako onangika. De nako yoperelu la yomahidodogumu nia tauoka, ona gea niadafongo nia tauino.

Filiipi 2:15

Abe hokogea ma ngekomo la ngini nidadi o debi-debini ma nyawa, la ka nia hininga ma rorahai ireeika. Abe ngini nidadiokau Ma Jou ai ngofa-ngofaka ma gou-goungu. Ho ngaro ngini ka nigogerohi o duniaka naa, abe o dunia ma nyawa manga hininga yotula-tulaka de ma dorou dika yanii-niiki, ma kiani ngini niwango abe hoka itaana o debi-debini ma nyawa yowango. Ho abe ma oraha o dunia ma nyawa yamake ti ngini nia wowango, gea imaketero hoka o muru-murumu ihitararono o fufutuoka, abe ngini niahitararono o dunia ma fufutuika.

1 Timotiusu 3:12

De abe o gareja ma duduhunu kangano, to una ngoi fekata duga-duga ka momatengo dika. De kiani una wapoa wahiaturu itiai to una ai ngofa-ngofaka de ai tau ma goronaka mata-mata.

1 Timotiusu 3:8

De o gareja ma duduhunu, onangoo ma kiani o nyawa utu yahayanga onangika abe imaketero hoka o gareja ma hihirali o nyawa yahayanga onangika. Ho o gareja ma duduhunu gea, kiani manga wowango itotiai. Ufa ona yomahihawo-hawo dika de manga ngeluku ma demo, de ufa o nyawa abe o angguru ma gohaka ma teongo ifoloiholi yokere, de ufa ona abe yosanangi yarusi o nyawaika la hiadono manga tiwi yomamake genangino.

1 Timotiusu 4:3

De ona gea yadotoko o nyawaika ato ko idadiua o nyawa yoilaka de ko idadiua o inomo utu yaolomo. Masara ngone hingaku-ngakuoka Unangika de abe to Una ai gou-goungu hataoko itiai, ngone ka idadi ma inomo gea hohitarimakase Ma Jouika de haolomo dika. Angamoi ma inomo mata-mata Ma Jou watulaadauku.

1 Timotiusu 5:10

De kiani o nyawa imihayanga munangika ma titi ka ma dodihirainohi de ami wowango ma datoro irahai. Abe to muna ami ngofa-ngofaka mapaliara de madotoko itiai, de ami tauokaoo ngaro o homoa ma nyawa ma madafongo la yomahidodogumu munangoka. De nako ami gogianongoru o Yesusoka manga perelu naga, muna ka idadi momahitipokouku de maleleani onangika la mato maduhunu. De nako hiadono naga o nyawa yohuha eko yapanyakeuku, ma muna gea imimagawe maduhunu onangika. Ho kiani muna gea ka ihikaika ami wowango ma datoro ma hailoa ingodumu naga munangoka. De nako igoungu hokogea momatengo mofao ami wowango ma dihira, gea de ahao ka idadi ami romanga nitulihuku la muna ami tagongo de ami leleani naga o garejaka de hiadono mamake ami hewa ma balaha gea ami leleanioka de aino.

1 Timotiusu 5:22

Ufa nomataitiholi nairiki de nafokumu o nyawa la yodadi o gareja ma hihira, ma koaho nohidodiai done o nyawa nairiki nahowono. Angamoi nako ona gea ka yahowonohi Ma Jouika de masara ngona nafokumu, gea imaketero hoka ngona nahigaro o howonika. De nako o howonika nahigaro, gea ngonaoo nahowono Ma Jouika. Masara ngona koaho nomaagoana la ani wowangoka ka ma hohailoa dika.

1 Timotiusu 5:9

De abe ma titi o ngo-ngofeka o bao-bao nginioka abe ngini o gareja moi niahikarajaanga de abe ona gea yamake manga leleani ma balaha o garejaka de aino, marai hokonaa ma hiaturu la ka idadi manga romanga nitulihi ma bukuku. Muna gea kiani ami ngumuru ami taongo moributaanga de imahikaiye. Abe nako ami ngumuru ko adonuahi ami taongo moributaanga, gea ko idadiuahi ami romanga gea nitulihuku, ho ko idadiuahi ma leleani gea ena magoraka. De naa ma hiaturu moioli naga, abe kiani o bao-bao abe yahiromanga ato, “Muna duru magou-goungu ami rokatika.”

2 Timotiusu 2:24

Masara ngone abe hitobaleleani nanga Baluhu idodutuika, ngone borotaua de homaketeroribuutu de o nyawa utuika done homakangamo. Masara ngone abe hitobaleleani Unangika, gea kiani nanga hininga irahai o nyawa mata-mataika, de kiani hakunu hadotoko de hahitararono o nyawaika Ma Jou ai Demo-demoino, de ngaro naga utu abe inahikangela ngoneino ma ngaro ufa dika de hahininga kuranga onangika. Kiani hokogea nanga hininga abe nako hitobaleleani Unangika.

Titusu 2:2

De abe hoka ona ani balu-baluhu yatimonoka o nau-nauru, onangika kiani nadotoko nato, “Ngini kiani nia wowango ma dumutu nimahipareta done nirehene ma dorouika, de kiani niwango itiai la hiadono nimahitaana abe o nyawa utu ka idadi inihayanga nginika, de kiani niakunu nimatongohono ma dorouino. De abe nia ngongaku Ma Jouika de nia doraoo o nyawa utuika, gea kiani ibitumu de ko ikelu-kelua mata-mata. De ngaro o kia dika abe ahao naga niohimanga nia wowangoka, ma ngini kiani nimatongohono de ufa nirehene Ma Jouino.” Hokogea kiani nadotoko ani balu-baluhika genangoka abe yaperekioka.

Ibarani 13:2

Abe nako naga o nyawa yoboa manga gurutoka de aino de ona yotulu nia tauino, ona gea ufa niaoluku masara ka idadi niadafongo nia tauino la yomahidodogumu nginioka. De gea ufa niawohanga abe hokokia ma dodihiraino idadioka, abe o nyawa yadafongo manga tauino ona abe yotagi-tagi, masara gea ipahaino de ahao ona o tau ma dutu yahioriki ona gea abe yomahidodogumika gea tanu ko o nyawa biahaua masara o malaekata. Ho marai nginioo ahao niadafongo bote Ma Jou ai malaekata.

Ibarani 3:14

Angamoi nako hoka ngini nimahirehene o Kristusoka de aino, gea ngini niwiporetoka Unangika. Masara iti ka ihikaika nia hiningaka imahisoika to ngone nanga ngongaku de nanga nganganono ma lifunika abe ma dihiraino de niihenoka, de ko nimahipipidilua genangino ka hiadono nia wowango ma baha adonoka. De nako hokogea ngone, gea inahitaanoka abe ngone duru hodadioka o Kristusu ai dodiawo ma titi ai kuahaka, abe ahao Una wonahikokodoku to Una ai kuaha ngoneino la ngoneoo naga de nanga kuahaka.

1 Peturusu 4:7

De naa tinihihohininga nginika abe o dunia ma bobaha itigioka. Ho mangale gea itigioka ho ngaro o kia dika niohimanga masara ngini nimatongohono ma dorouino de nihidodiai la ka ihikaika nimaniata.

1 Peturusu 4:9

De nako nia gogianongoru inirekata nginika, gea kiani nimakokadafongo de nimakao irahai, de ufa niahigurubungu onangika abe ona inirekatino.

1 Peturusu 5:8

De nagali ahi huhuloko abe kiani nihidodiai nimatongohono o dorouino de nimagoana. Angamoi ti ngini nia musu o Ibilihi ma haeke, ena gea itobatagi-tagi aika aino de yalingiri o nyawa la ato yahirehene ona Ma Jouoka de aino. De gea yahirehene la ahao ona yoruba o howonuku. De gea tohiketero tato ena hoka o fuhuku ma boki ma romanga o singa, abe ena gea itobalingiri o aewani la imadoma de to ena ma roehe akakihi de yaolomo. Ho ngini kiani nimagoana done ena gea inihiruba de ihirusaka ti ngini nia ngongakuino.