1 Timotiusu 2:9 - Ma Jou ai Demo-demo o Totobelohoka

⁹ De nako o ngo-ngofeka, onangoli ma naga ahi behehongo moi ma titi ona. Abe tahibehehongo la ma oraha ngini o gareja moi nimatoomuino de o ngo-ngofeka naga yomahinoauku de o baju abe imakiniiki de nia hininga ma dumutu nia dodoomuika gea. Ma ngaro ufa de yomasade, ma koaho yomahinoauku de manga baju biaha dika. De ufa yomatadauriye la manga tadauru gea o fara moi abe ma rupa ihailoa, de ufa yomahinoa de o gurasi eko o biagaro ma hakaru eko o baju duru ma hali. Angamoi nako hokogea yomadiai, gea ma titi ona yoigo ato o nyawa utu yalega-lega onangika.

1 Timotiusu 2:9 ပူးပေါင်းရင်းမြစ်များ

Dodadi 24:53

De ahao una ka wodogohi o hidoaka utuohi o ngo Ribekaika abe naga o rante de o gogoli de o ngaukuku de o gepe-gepe irupa-rupali abe yodiai o gurasino de o haakaino. De naga o pakeanga ma rorahai enangoo womihidoaka. De ahao naga o hidoaka ma hali-hali utuohi abe wahidoaka ngomi memeika de ami irangika.

Estere 5:1

O wange hange ko yolomua de ko yokerua gea ipaha abe o ngo Estere de o Yahudi ma nyawa o Susana ma kotaka yaniiki ami behehongo itiai de ahao o ngo Estere momahidiai mitutumu o koano ho momahinoauku ami pakeanga abe o koano ngoi fekata dika ka idadi mapake de moiki o koano ai tau ma goronaika la mitutumu. De ma oraha gea ami rokata o Ahasi-weroso wogogeruku ai kaderaka. Ho o ngo Estere moiki ai tau ma goronaika de mogila-gila hiadono mowohamika ai ngoranika abe genangoka una wogogeruku ai kaderaka.

Sosawaro 31:25

De muna duru ko morehenua ami hininga ma totiaioka de aino, abe ko idadiua molage. Ho o nyawa mata-mata manga horomati itagi munangika. Muna gea duru ko mopusingua abe ma oraha mafikiri ami himangika sarakia.

Sosawaro 7:10

De ma ngofeka ami tauino mohupuoka de ngaro o nauru onaguna dika ka de imimake muna de ka idadi imihioriki ami biaha ma titi ami hidiai ami pakeangoka. De ahao muna moboa ma goduuruino de ami hidee nagau unangika.

Matiusu 11:8

Eko bote ma oraha niloiki unangika de gea niato niwimake womatengo abe ai baju duru ma rorahai de ma hali? Marai hokogenangua, angamoi o nyawa abe manga baju hokogea ma rorahai yomahinoauku, ona gea yogogere o kokoano ma tauoka dika. Masara nako o Yohanese ai baju hokogenangua angamoi una womanoa o tonaka ma kakaahaka dika.

1 Timotiusu 2:10

Ho nako ona yoigo yomahihawo de ma rorahai, koaho yomahihawo de manga datoro ma hohailoa Ma Jou ai himangoka, angamoi ena gea abe itiai yodiai nako yomahingahu ato yoboaino la iwihigiriiri Ma Jouiye.