1 Tesalonika 5:22 - Ma Jou ai Demo-demo o Totobelohoka

²² Masara nako o nyawa manga demo abe niatailakoka de ko igoungua, genangika mata-mata ufa nihigihene de ufa nihingounu manga demo gea ma dorouika.

1 Tesalonika 5:22 ပူးပေါင်းရင်းမြစ်များ

Huhupu 23:7

De ngini ufa o nyawa niahidutugaika dika hiadono niahohowono nako ngini niahioriki ona ko yahowonua. De angamoi o kia dika nidiai la o nyawa yahohowono hiadono yohonenge masara manga howono ko iwa, gea Ngohi Ma Jou o Yawe ahao nginikali tinihohowono de nia hohowonino gea ko idadiua nimahihupu.”

Roma 12:17

De abe nako naga o nyawa yodiai itorou nginika, gea ngini ufa nimahibalaha de o dorou onangikali, masara nihidodiai la nia datoro irorahai dika onangika. Abe nako naga ma datoro abe o nyawa mata-mata manga himangoka de yaetongo ato ma datoro gea duru itaana de irorahai, gea ena ma datoro ngini nianiiki.

1 Korintusu 8:13

Ho nako ngohi, nako tohioriki ahi inomo abe taolomo ahao iwihigaro ahi gianongoru de hiadono wahowono ho woruba, gea o roehe ko tolomokaua nenangoka de ka hiado-adonika, done o bebeleke todiai ahi gogianongoruika.

2 Korintusu 6:3

De ngomi naa mia wowango ma goronaka de duru ko mioigoua la mia datorino de naga moi idadi o bebeleke o nyawaika, done ona ahao yongelo mia tagongika ato ngomi wiwileleani ko itiaiua Unangika.

Filiipi 4:8

Ho naa, ahi gogianongoru o Yesusoka, ma titi moioli tato naa tinihibehehongo. Doka nia hiningaka kiani ka ihikaika niongano-nganono o kiaka abe ma gou-goungu, de o kiaka abe naga de ma horomatioka, de o kiaka itiai, de o kiaka abe ko iwa ma howono, de o kiaka ihohailoa, de o kiaka abe ngone mata-mata hohiromanga gea irahai, gea mata-mata kiani niongano-nganono. Abe o kia dika naga hohiromanga duru ma rorahai de duru ma owa, genangika dika ka ihikaika niohohininga.

1 Tesalonika 4:12

De gea mata-mata minihigaro nginika la bote ahao naga o nyawa ko iwingaku-ngakua de inimake nia datoro gea ma ka ma rorahai dika nia datoroka, de gea ahao naga manga horomati nginika. De nako naga nia magawe nia karajaangika, gea ahao ka idadi ngini homoi-homoiika nimahidailako ti ngini ma hirete nia wowango ma perelu, ho gea ngaro ufa de ngini nimahinganono utuika la hiadono ti ngini nia perelu inihidailako.

1 Tesalonika 5:21

De gea ngaro tinihibehehongoka tato ufa ai demo niaoluku, masara kiani tinihitiarioo tato nako o nyawa manga demo abe manga demo gea bari Ma Jou o Womahoka de aino iboa, de gea manga demo mata-mata kiani nihidodiai de niatailakohi la nihioriki igoungu eko ko igoungua. Ho nako gea ma demo abe niatailakoka de igoungu, gea kiani niodafongo de nianiiki.

1 Tesalonika 5:23

De naa ngomi minigahoko nanga Jouiye, abe mihioriki Una gea dika ma hirete wonahiowa ngone mata-mataino hiadono nanga hininga iriidi Unangoka. De gea ngomi minigahoko la ahao Una winihitebini de gea hiadono nia debi-debini duru ingodumu. Abe gea minigahoko la Una duru winihitebini ngini la ngaro nia hininga mata-mata de ngaro nia hafini mata-mata, de ngaro nia wowango ma datoroo mata-mata, masara gea mata-mataika ma dumutu ka ma rorahaiika dika de hiadono duru itebini de ko iwa ma howono nginioka. De gea minigahoko la Una ka ihikaika woogoana nia debi-debini gea ka hiadono ma wange gea nanga Baluhu idodutu o Yesusu Kristusu woboali, la genangoka de duru ko iwaka nia howono.

Yudasa 1:23

De nako o nyawa utu abe manga hohowono o ukuika ngade-ngade yadaenoka, ona gea kiani ngini nimataiti niaduhunu la ufa yogila-gila o ukuika. De abe nagahi o nyawa utuoli abe manga wowango ma datoro duru itorouholi, de gea onangoo ma ka idadi niaduhunu de nia hininga de ma doraka, ma kiani nginioo nimahitiari done o nyawa inihiata-atara de nginioo niruba o howonuku. Angamoi to ona manga howono gea kiani ngini niodohata enangika done imahora nginikali.

Ruutu 3:14

Ho o ngo Ruutu momaidu o Boasa ai louiha hiadono ngade-ngade itebini de ahao momomiki la ufa o nyawa utu imihioriki muna o ngo kia. Abe o Boasa ai hitiari ma demo o ngo Ruutika, wato, “Iti ufa duru itebinoka de ahao nolio done o nyawa ihioriki naga o ngofeka moboa o futuoka ahi gandumu ma rorero ma ngiino naa.”

Ruutu 3:4

De duru nigoana la nihioriki o kiaka womaidu. De nako womaiduoka de o nyawa utu ko moi-moiokaua de ahao ngona noiki unangika. De hokonaa nohitunguu de ani horomati o Boasika abe noigo nomahitatoko unangika. Ka de naika de ngona ahao ai ngoere napaa ai louoka de genangiha nomaiduoka. Una ahao ko wataokua abe ngona nodiai ihowono unangika abe ahao ka de wonihioriki de una wonihingahu ngonaika abe hokokia ahao kiani ngona nodiai.” Hokogea o ngo Naomi ami duduhunu ma demo ma owa ngomi hunungu o ngo Ruutika.