1 Tesalonika 5:16 - Ma Jou ai Demo-demo o Totobelohoka

¹⁶ De ngini kiani ma ora-orahiye nigogarago,

1 Tesalonika 5:16 ပူးပေါင်းရင်းမြစ်များ

Matiusu 5:12

Ho gea koaho ngini nigogaragoka de nimaimonoka! Angamoi ahao dokena nanga himangika abe ma oraha nimahiadono daku o Horogaiye de ti ngini nia utumu duru kohaamoko niamake Ma Jouino! De ngini ufa niawohanga abe ma dodihiraino de to Una ai uru ma dodofanga onangoo o nyawa yahikangela onangika, masara hohioriki abe to ona manga utumu yamakeoka o Horogaka. Ho gea nginioo ahao nia utumu niamake Unangino.”

Lukasa 10:20

De abe ngini niato nigogarago, gea ufa ma titi o toka-tokata inihingounu nginika de gea dika ma titi ho hiadono niodogarago. Angamoi koaho niodogarago abe ma titi ti ngini nia roma-romanga homoi-homoi atulihukuoka o Horogaka, de ka enangohi idadi nia gogarago ma titi.”

Yohanese 6:34

De ona yogahoko o Yesusika ato, “Mia Baluhu, o roti gea, iti ka ihikaika nomihidoaka.”

Roma 12:12

De ngini nigogarago ma titi to ngone nanga nganganono, angamoi gea ngone duru hohioriki abe Ma Jou ahao wonahidoaka nanga utumu ngoneino. De abe nako o kangela niaohana, gea ngini nimatongohono nia ngongakuoka. De ngini ka ihikaika nimaniata Ma Jouiye.

2 Korintusu 6:10

De igoungu to ngomi mia hiningaka naga ma huha masara ka ihikaika nagaoo mia garago. De igoungu ngomi midadi o huha ma nyawa, masara mangale ma titi to ngomi mia wowango de miahidadi o nyawa ko manga ngoe la hiadono ona yokaya Ma Jouika. De ngaro to ngomi mia kiahonanga ko iwa, masara tanu mata-mataika idadioka to ngomi. De abeika mia kangela irupa-rupa gea ma hidogoronaka de ngomi ka mimatongohono dika de mia hiningaka de ka wiwiniikohi Unangika. Ho ngomi miato marai mia dongohonino gea de duru itararono mimahitaana abe ngomi naa miagou-goungu midadi Ma Jou ai duduhunu.

Filiipi 4:4

Ngini naa ngaro ka nigogaragoka ka ihikaika nanga Baluhu idodutu o Yesusika. De ahi higaro gea ka idadi tohigalioli, ho koaho nigogaragoka!