1 Tesalonika 2:7 - Ma Jou ai Demo-demo o Totobelohoka

⁷ Masara nako ngomi gea mia hininga ko hokogenangua. Abe ngomi ko miapakeua mia kuaha Unangoka la miniribuutu la hiadono nimihoromati ngomino. Masara gea ngomi duru minibole-bole nginika abe imaketero hoka momatengo manga meme abe mapaliara muna ma hirete ami ngofa-ngofakika de ami dora.

1 Tesalonika 2:7 ပူးပေါင်းရင်းမြစ်များ

Yesaya 40:11

De Una watobapaliara ai nyawaika gea imaketero hoka o domba ma gogoanoli watobagoana ai domba ma duduono. Abe ma domba ma ngofaka wagorakiye de watotiri ai aluino, de ma domba ma mayo Una wahihira-hira ma ngekomino.’”

Gegetongo 11:12

Ona naa ko to ngohiua ahi ngofa-ngofaka idodutu ho ko ngohinoua yomaboa! Ho adodoa ho Ngona nohihikarajaanga la tapaliara imaketero hoka o ngofaka ma gilau abe kiani tatotirino ahi giamoka? Sarakia, kiani ka ihikaika hokonaa dika tamake ma huha ka hiadono ani behehongo ma tonakika miwohamika abe ma dodihiraka nahibehehongoka to ngomi mia totoforaika?

Hidingoto 13:18

De abe ma oraha duru yokapakiti manga taongo moruata ma dekanino o tonaka ma kakaahaka de Una duru womatongohono ma titi manga datoro ko itiaiua.

1 Korintusu 2:3

De naa tomahingahu dika abe ma oraha gea toboa nginika de ahi hiningaka ko iputurunguahi, ho duru tohawana dika ka hiadono tofafara.

1 Korintusu 9:22

De nako ngohi naga nanga gogianongoruoka abe to ona manga tobahioriki nanga ngongakuoka ka ikurangohi, de ahao ngohi hoka onangoli la onangoo gea ka idadi taduhunu la hiadono utuohi ona manga ngongaku ibaluhu. Ho, ngaro o nyawa hokokia dika naga, ma ngohioo hokogea abe hoka onangoli mata-mata la tato ona utu ka idadi taduhunu Ma Jouika.

2 Korintusu 10:1

De naa ngohi o Paulusu duru togahoko nginika la ahi demo ahi huratino naa niodafongo. De gea togahoko de tapake to Yesusu Kristusu ai hininga ma dodipokouku de ai hininga ma rorahaiino. De tohioriki abe ngini utu genangoka nihihigurubungu ngohino de niato, “Ou, nako una gea ai gurutika de gea naga ai domoroini la wonahurata de o demo ma bobuturungu. Masara nako de wonaadono ngoneino de duru ai domoroini ko iwaka masara una ngade-ngade de wohawanoka to ngone nanga himangoka.”

2 Korintusu 13:4

De igoungu ma dihiraino abe iwihidapakuika o gotaka gea de ma oraha gea naga ai bole-bole, masara naa ka wowangokali ma titi Ma Jou ai kuahaino. De hokogenangoo ngomi naa, abe ngomioka igoungu naga mia bole-bole, masara ngomi miwango Unangoka ho naga to Una ai kuaha ngomioka. De to Una ai kuahaino gea abe ahao ngomi miapake ma oraha miniurusu ngini.

Galatia 4:19

De ahi ngofa-ngofaka abe duru tinidora, ngohi ahi hiningaka duru itubuho de ihuha ma titi ngini genangoka! De naangoli tomamao abe imaketero hoka o ngofeka momatengo itigioka momagerewoto ho ami kangela imulaengoka. Abe ma dihiraino de ngohi ma kangela tomamao angamoi ngini ko nimaboauahi o Kristusino. Ho naa ma moioli tomamao tokangela abe ma titi nia ngongaku ko ibaluhuahi o Kristusika. De ahi hininga ma kangela naa igila-gila hiadono ngini nimaaduru abe hoka o Kristusoli ai hininga la gea nimaketehiningamoi de Una.

1 Tesalonika 2:11

De ngini genangoka nihiorikoo abe ma oraha gea ngomi miniao ngini homoi-homoi abe imaketero hoka naga womatengo o baba abe ai ngofa-ngofaka wao irahai.

Yakobusu 3:17

Masara nako Ma Jou ai sosawaro o nyawa yanii-niiki manga hiningaka, gea ahao manga hininga ka itebini iree-reeika. De nagali abe manga borigogao manga gogianongoruoka yoogoana la duru yomaketedodiawo, de abe yomakao de manga hininga ma mobole, de yomahikokongounu, de yomakuduhunu manga kangela ma goronaka, de nagali manga datoro ma rorahai utuoli ma ngoe yotobadiai. De nagali abe ona o nyawa ko yairikua, de abe yatobagou-goungu manga hiningaka ho ko ma iwa abe yomadokangelukino dika. De hokogea o nyawa manga hininga nako Ma Jou ai sosawaro o Horogaka de auku yahihira-hira onangika.