1 Tesalonika 2:15 - Ma Jou ai Demo-demo o Totobelohoka

^15-16 De ngaro ma dodihirainohi ma ka hokogea dika to ona gea manga hininga. Abe gea igoungu o Yahudi ma nyawa utu ma dihira yatomaka Ma Jou ai uru ma dodofanga, de utu hiadono nanga Baluhoo de Unangoo o Yesusu iwitomaka. De naa ma duruika de ona utu imikiniiki ngomi naa ho gea hiadono kiani o kapongo muruono naga kiani mianoaikahi. De gea ona imilawana ngomino la ato ibootohi ngomi o Abari ma Rorahai miahingahu-ngahu onangika abe ko o Yahudi ma nyawaikaua done Ma Jou waduhunu manga howo-howonino. Ho ona gea duru ko iwihisanangiua Ma Jouika de hiadono ona duru yalawana o nyawa mata-mataika. De mangale ma titi ona gea ka ihikaika iwilawana Ma Jouika ho hiadono to ona manga howono ka ihikaika itou-touniye Ma Jou ai himangoka. De gea hiadono Una waetongo manga howono gea wato ifoloiokaholi. Ho ma bahaika de kiani Ma Jou ai ngamo yadaene ona gea o Yahudi ma nyawaika abe iwitobalawana Unangika. Masara ngini hoka onangua, abe ma titi nginioo hiadono duru mitarimakase Unangika, angamoi ngini ko niwilawanua ma ai Demo-demo duru niodafongo de niangaku genangika.

1 Tesalonika 2:15 ပူးပေါင်းရင်းမြစ်များ

Estere 3:8

Ho gea o Hamana wamake ma tanggala abe o mamaihi ma dodunguu adaene de ahao woiki o Koanoika de wihingahu, wato, “Ahi koano, ngohi tohioriki ngona duru noigo la ani nyawa mata-mataika inihingounu la duru noutumu. Masara naga o homoaino ma nyawa nanga tonaka ma propinsi mata-mataika yomahikabarihoka ho hiadono ona naga nanga kokawaaha manga hidogoronaka. De o homoaino ma nyawa gea to ona manga pareta imakokohowono de o nyawa utu manga pareta. Ho ngaro to ngona ani pareta de ani behehongo itiai masara ona yoluku ihingounu ani paretaika gea, abe ona ato yaniiki dika to ona manga pareta. Ho nako naga ani kokawaaha abe ona yoluku ani pareta ihingounu, ngaro ufa nahigunoahi ona gea yowango angamoi ko iwa ani utumu onangino.

Matiusu 23:37

De ahao o Yesusu wotemoli o nyawa yowoe-woeika wato, “Hiokoo ngini o Yerusaleeme ma nyawa naa! Angamoi ngaro Ma Jou wahidingotoka ai nyawa manga ngoe nginika abe utu ai uru ma dodofanga de utuoli ai abari ato inihingahu nginika, masara ona gea ngini niatomaka. Abe utu onangino ngini niahakaru onangika ka hiadono yohonenge. Ho gea inihitaana abe ngini niaoluku Ma Jou ai demo nginika. De ngaro ngini nia hininga hokogea masara Ngohi naa ma ngoe toigo tapake ahi hininga ma dora nginika masara Ngohioo nihioluku. De gea tonahiketero abe Ngohi hoka o kuru-kuru ma mayo abe yoigo atoomuino to ena ma ngofa-ngofaka ma gafuufu ma timiuku la duru imahidutuku ma mayoika. Masara ngini naa nioluku niboa Ngohino.”

Matiusu 27:25

De ona yowoe-woe yokokipaluhu unangika ato, “Ka idadi ngomi mimahitagongo ma titi Una naa ai hohonenge, abe gea idadioka to ngomi de to mia totoforaukuoo mia tagongo.”

Matiusu 5:12

Ho gea koaho ngini nigogaragoka de nimaimonoka! Angamoi ahao dokena nanga himangika abe ma oraha nimahiadono daku o Horogaiye de ti ngini nia utumu duru kohaamoko niamake Ma Jouino! De ngini ufa niawohanga abe ma dodihiraino de to Una ai uru ma dodofanga onangoo o nyawa yahikangela onangika, masara hohioriki abe to ona manga utumu yamakeoka o Horogaka. Ho gea nginioo ahao nia utumu niamake Unangino.”

Lukasa 24:20

De ipaha de nanga hidemo ma nyawa Ma Jouika manga hohidimono de nagali utu nanga hohidimonino, ona iwihidoaka o Roma ma poparetaika la iwiurusu. De ma bahauku yoputuhu ato kiani o hohonenge ma hohowono iwidaene, ho iwihidapakuika o gota isosalioaka de naa wohonengoka.

Hidingoto 12:3

De wihohonenge ipahaino de o Yahudi ma nyawa manga hohidimono duru yososanangi. Ho mangale ma titi ma koano woigo la utuohi wahisosanangi onangika ho o Peturusoli witaokino de iwibuika. De gea witaoko ma oraha manga rame-rame ma goronaka abe ihiromanga ato o Roti abe ko Iwa ma Ragi ma rame-rame. De manga rame-rame gea imakiniiki de o Totilakuru ma rame-rameoka.

Hidingoto 2:23

De ngaro ngini niamake to Una ai dodunguu gea, masara ngini ka niwihidapakuika o gota isosalioaika de niwitoma abe ma oraha Una niwiao onangika abe ko o Yahudi ma nyawaua. De gea mata-mata idadi angamoi ma dodihirainohi de Ma Jou wihideeoka wato kiani ahao idadi hokogea o Yesusika.

Hidingoto 3:15

Ho ngini niwihohonenge Una abe o wowango iboa Unangoka de aino, masara Ma Jou wihimomikoli la wowangokali. De ngomi naa duru miagoungu minihingahu angamoi ngomi ma hirete wiwimake abe womomikoka ai honengino!”

Hidingoto 4:10

Ho naa tinihingahu de duru tinihitararono nginika de o Isiraele ma nyawa mata-mataikaoo tahingahu abe wolugu-lugu nia himangoka naa, una wotogumu ma titi o Yesusu Kristusu ai romanga de ai kuaha, abe o Yesusu Una gea o Nasaretoka ma nyawa. De Una gea abe ngini niwihohonengoka masara ipahaino de Ma Jou wihimomikoli ai honengino.

Hidingoto 5:30

De ngini naa abe niwihohonenge o Yesusu o gota isosalioaka, masara wohonenge ipahaino de to ngone nanga totofora manga Jou Una gea wihimomiki ai honengino.

Hidingoto 7:52

Abeika nimahihohininga abe ma dihiraino de Ma Jou wohidingoto ai uru ma dodofanga yamuruono naga ti ngini nia totoforaika. Angamoi nia totofora gea duru yahikangela ai uru ma dodofanga mata-mataika. Moioo de ko iwa abe ko yahikangelaua! Abe ma dihiraino gea de naga ai uru ma dodofanga abe yahingahu-ngahu ato ahao nanga Mesia woboa, Una abe duru Wototiai. De ngaro ai uru ma dodofanga gea masara nia totofora ka yahohonenge onangikaoo. De nanga Mesia gea ngini abe niwihidoakika ai musuika, ho ngini niwitomaka!

1 Korintusu 10:5

De ngaro hokogea mia totofora mata-mataika yamakeoka ma owa kohangoe gea, masara Una ko wasanangiua ona abe yowoe-woeika ma titi ko iwa manga hingounu Unangika. De gea ma titi hiadono ona manga honenge Ma Jou watou-touniye o tonaka ma kakaahaka.

2 Korintusu 11:26

De ahi dodagi duru kohangoe abe ngohi totagi-tagi, de genangino ma ngoe o bodito taohana. Abe nako o akeroka gea taohana o nguihi, de nako o dudungoka gea naga yotobaora-ora imigoana la ato imiora. De nagali ma bodito taohana ma titi o nyawaino, abe ngaro to ngohi ma hirete ahi gogianongoru o Yahudi ma nyawaino eko ngaro abe ko o Yahudi ma nyawaua, masara ma bodito taohana. De ngaro o kotaka eko ma homoaka eko o gahioka, ma naga ma bodito mata-mataika abe taohanoka. De ngaro o nyawaino abe ona yomahihawo-hawo de yomahingahu ato ahi gogianongoru o Yesusoka masara gea yoeluku dika, de onangoo manga hidee la ihibodito ngohino.