1 Tesalonika 1:2 - Ma Jou ai Demo-demo o Totobelohoka

² De ngomi naa ma getongo mimaniata de ka ihikaika mitarimakase de minigahokoo Unangiye ma titi ngini mata-mata.

1 Tesalonika 1:2 ပူးပေါင်းရင်းမြစ်များ

Roma 6:17

De igoungu ngini ma dodihiraino de nidadioka o gogilaongo abe o howonika. Masara ipahaino de ngini nitotoihene ma dodotoko ma gou-goungu abe inihingahu nginika. De gea ma dodotokika ngini duru nihingounu de nia hininga ma gahumu, ho naa ngini ngaro ufa dika de nianiikohi nia hininga ma hafini abe o howonika. De gea ma titi hiadono ngohi duru tihigiriiri de totarimakase Ma Jouika abe ma titi nia hingounino gea.

1 Korintusu 1:4

Ngohi duru ma ngoe totarimakase Ma Jouiye ma titi ngini, angamoi to Una ai owa winihidoakoka nginika o Yesusu Kristusoka.

Kolose 1:3

Ngomi naa ma getongo mimaniata ma titi ngini Ma Jouiye, abe nanga Baluhu idodutu o Yesusu Kristusu ai Babaiye, de mia niniata ma goronaka gea de mitarimakase Unangiye ma titi ngini.

1 Tesalonika 2:13

De naga ma titi moioli hiadono ngomi ka ihikaika mitarimakase Ma Jouika ma titi ngini. De gea mitarimakase Unangika mangale ma dihira gea ngini duru niodafongo Ma Jou ai demo abe ngomi minihingahu nginika. Abe ma oraha mia demo gea niihene de niato, “Gea igoungu Ma Jou ai Demo-demo de gea ko to nyawaua manga demo inahingahu ngoneino.” De gea nia demoka duru itaana angamoi igoungu ma abari gea Ma Jou ai Demo-demo. De ai Demo-demo gea hiadono naa ka ikarajaangohi nia kokihiningaka abe ngini niwingaku-ngakuoka.

1 Tesalonika 3:9

De gea igoungu duru ma titi nginioka hiadono ngomi duru ka ihikaika mitarimakase Ma Jouiye, abe gea mia tarimakase ngade-ngade ko miaboaikaua genangika. De gea ho ma oraha mimaniata nanga Jouiye de duru migogarago Unangoka ma titi ngini.

2 Tesalonika 1:3

Mia gogianongoru, ngomi nenangoka ka ihikaika mitarimakase Ma Jouiye ma titi ngini, angamoi gea miihenoka abe ngini nia ngongaku Unangika ka idogo-dogo de nagali nia doraoo ma idogo hiadono ngini duru nimakodora. Ho gea ma titi nia ngongaku de nia dora gea hiadono ngomi miato duru itaana abe miato kiani ngomi naa mitarimakase Unangiye ma titi ngini.

Filemono 1:4

Ahi olo o Filemono, ngohi ma getongo toniniata de totarimakase ahi Jouiye ma titi ngona.